خاران شار نا خڑک آ اسہ وار پدا سلہہ بند بندغ آتا بھلا کسر آ ناکہ بندی و گاڑی تا پٹ و پول برجا
خاران شار نا خڑک باب خاران نا ہند آ سلہہ بند بندغ آک بھلا کسر آ چیک پوائنٹس ٹہفسہ ہن و بر والا گاڑی تا پٹ و پول نا عمل ءِ برجا تخار۔ پن کروک بھلا کسر خاران ءِ نوشکی و کوئٹہ تو اوار ایلو علاقہ تیتو ملفک۔
خاران ئٹ برجا ہفتہ داڑان مالو ساراوان، نوروز قلات و زاروزئی نا ہند آتے سلہہ بند بندغ آتا بھلو کچ اس تینا کنٹرول ئٹ کریسس ہرا اِرا دے اسکان برجا ئس۔
دا نیام ئٹ پاکستانی لشکر و سلہہ بند بندغ آتا نیام ئٹ ترند نوعیت نا جنگ اس ہم مسوس۔