ضلع کیچ نا علاقہ بگ میری، تربت ئٹ 4 اگست 2026 آ اِرا بندغ ءِ اوفتا اُرا تیان زوراکی ئٹ بیگواہ کننگ نا حوال آک رسینگانو۔
شابیتی حوال آتا رد ئٹ 39 سال ئنا فہد بجار ولد بجار و 27 سال ئنا شاہد بجار ولد بجار ءِ 4 اگست نا نیمہ نن بگ میری، تربت آن اوفتا اُرا تیان پاکستانی لشکر دزگیر کریسا بیگواہ کرے۔
ارٹمی پارہ غان ضلع مستونگ آن تعلقداری تخوک خلیل بلوچ ولد شیر احمد بلوچ و ثناءاللہ بلوچ ولد شیر احمد بلوچ ءِ یلہ کننگانے۔
ہڑتوم آتے 3 جولائی 2026 آ زوراکی ئٹ بیگواہ کننگاسس، واہم 12 اگست 2026 آ مستونگ آن اوفتا یلہ مننگ نا عمل مون آ بسونے۔