قوم ئنا خواجہ غاک راج ئنا دیدہ غاک
شہید آک مشکاف نا
نوشتہ کار: بارگ بلوچ
بلوچ قوم اسہ وخت ئسے آن اسہ مزاحمت کار ؤ قوم ئس مسونے ہر وڑ ئنا جنگ آتے آن تدینگانے چُنک بلُن پیر ورنا ایڑ ایلم ہر اسٹ جنگ ئٹی تینا قرض فرض ادا کرینے داسا نا ساڑی آ جنگ ننا ہرا جنگ چلینگے دا جنگ ئٹی پیر ورنا چُنک بلُن کُل قربانی تِسونو، اندُن کہببی ایل اے نا اولی آپریشن درہ ءِ بولان جوانو دروشُم ئسے ئٹ مس دشمن ئے جوانو دھک لگا سنگت آک شار ئے تہ کوزہ کریر توسہ تینا ڈغار ئے خواجہی کریر دشمن بیوس مس قوم ہم اصلی چہرہ ئے دشمن نا خنا دنیا ہم دُنو دھک خلِسہ کریر تہ ورناک گُڑا دا نیام ئٹی اسہ سال ئس تدینگا، پدا بزگری آ ورناک سبی آن مچے مُستی ڈھاڈر مشکاف ئٹی دشمن آ حملہ کریر ہرا حملہ ٹی سرکار نا فوجی ریل اس ئس ہمو ریل ئٹی فوجیک کوئٹہ آن پنجاب آ ہِنارہ ہمودے ہائی جیک کریر سنگت آک ایلو کُنڈ آ ایلو سنگت آک پوسٹ آتے تا حملہ کریر گِڑاس تا کوزہ کریر دا جنگ ئٹی ریل آن نیاڑی چناتے اِلّار عام مخلوق ئے اِلّار فوجی تے
سرکار نا یرغمال کریر سرکار ئے پاریر قیدی تا ہیت تِخار مون آن تہ ہیت آتے منّے تو گُڑا فوجی قیدی تے خلکو سنگت آک (200) گِڑاس کسفیر دا جنگ 11 مارچ آ یک بجہ نا وخت آ بِناء کننگا گُڑا ہر سنگت تینا کاریم آ لگا دا کاریم ٹی مجید برگیڈ فتح اسکوڈ ایس ٹی او ایس بشخ ہلکُسو دا جنگ اندُن برجاء مس ہر وِنگ ئنا سنگت آک تینا کاریم تے کریرک ہر کس پدا تینا رکھوک جاگہ غا تے آ سر مسُر گُڑا نن سر مسُّن جنگ ئنا حوال ئے ہریفین گُڑا سنگت آک پاریر کِہ 12 سنگت شہید مسُّنو برگیڈ نا 5 سنگت شہید مسُّونو ایلو فتح اسکوڈ ایس ٹی او ایس نا سنگت شہید مسنو برگیڈ نا سنگت آک فدائی ظفر عرف منان فدائی پرویز عرف دودا فدائی یاسر عرف شاہویز بولانی فدائی اسامہ عمر عرف سلال فدائی احکام عرف بادل ۔۔۔۔۔۔۔۔، ایس ٹی او ایس نا سنگت شہید دیدگ عرف قمبر فتح اسکوڈ نا سنگت آک شہید صدام عرف ودود آپریشنل کمانڈ شہید بیگ محمد عرف طارق شہید شکیل عرف زورین شہید فرید عرف سغیر جان شہید جمعہ عرف مہران شہید عید محمد عرف شاہ فہد تنظیم نا کُنڈان قبول کننگانو گُڑا نن سنگت آتا مچہ پریشان مسُّن پان کے ننے آن امرو ورنا ہِنا امرو استاد ہِنا امرو ایلمہِنا پدا مُستی شہید آتا فکر ئتو روان مسونُن بس قول ننا اندادے شہید آخر دم ئسکا نن نُما توفک ئے بِٹنگ اِلوفن انشاءاللا نُما فکر نُما جہد ئے نن تینا مخلصی محنت ئات مُستی درون بس شہید آک ای بارگ نُما نت تا مِش مریو نُما نت تا مِش تیکن گوری مریو ندر مریو ٹُکر ٹُکر مریو نُم تو ای وخت تدیفینُٹ نُما ہر ہیت نُما ہر یاد ہر گام کنا امید ئے بلُن کیک کنا حوصلہ ٹی مچِٹ باز کیک نُم کنا کسر نا چیدہ غا کُرے قوم ئنا سنگت آتا کُل چیدہ اسورے نُما جہد برجاہ ءِ انشاءاللا آجوئی ئسکان ۔۔۔۔ نُما کڑدار نُما فکر سوچ نُما ہمت سگ حوصلہ صبر نُما ڈکھ پند قربانیک کنا لوز آتا آہری افّس بس نُما گِڑاس یاد اریر ای کوشست کیوہ نُما ہمو یاد آتا زی آ لکھنگ نا شہید آک بشخِرے کنا لوز آتے نُما کڑدار مونا کمی مروئے بشخِرے ۔۔۔
نن پوسکُن بسُّن آپریشن درہ ءِ بولان نا تیاری مسّس بس حملہ نا تیاری ئس تو نن وتاخ آ اسُن
لشکر ئس بس سنگت آتون، او سنگت آتے ٹی ای فدائی پرویز عرف دودا ئے خناٹ سنگت آتون
سلام دعا مس تُوسو گِڑاس سنگت پدا مُستی ہِنار فدائی پرویز ننتو سلیس ننا گروپ نا کمانڈ ئس
گُڑا کنا مِلِّنگ مس فدائی پرویز تو کنا تب ہم جوان الّو شہید دودا کنے دوائی تِس گولی تِس
نی باز خوانا سُس تعلیمی او سنگت ئس اسُّس ڈاکٹر ڈاکٹر پارینہ نے بولان نا سنگت آک وختس کیپٹن ہم پارینہ نے فدائی پرویز باز گچینو سنگت ئس اسک سنگت آتے کے مہر کریکہ محنت ڈکھ خور ءُ سنگت ئس اسک نن ڈاکٹر پارینہ تہ پاریکہ ای ڈاکٹر افّٹ بختاوراک زور ئٹ انتے کنے ڈاکٹر پارے اندُن مہروان ءُ سنگت ئس اس گُڑا ای وخت وخت پاریٹہ تہ دودا صاحب اسی ٹیٹ مخاکہ پدا چِڑاکہ پاریکہ یار بارگ دیر نے پارے ای صاحب ئسے اُٹ خدا ئے تینا منّہ کنے صاحب پاپہ نی کنا ایلم اُس کس بلا ایلم ئے صاحب پائک داڑے جہد ئٹی چُنک بلُن کُل اسیٹ اُن کس کس آن شیف بڑز اف کُل اسیٹ اُن کُل قوم کے جہد ئٹی کاریم کنینگ اُن شہید پرویز اسہ بہادر دلیر ءُ سرمچار ئس اس، جفا کش ءُ شہید دودا نا قربانی لیاری نا ورناتے کے چیدہ مس شہید گنجل مزار نا ہم فکر آکو استاد اسلم نا چُناکو شہید دودا زنگرنگا دتر رنگ ہتیک انشاءاللا۔۔۔
نن پوسکُن بسُّن آپریشن درہ ءِ بولان نا جنگ مس سنگت آک شار ئس کوزہ کریر دا کاریم پدا سنگت آک پدی بسُّر وتاخ آتا گُڑا ہموڑے ای شہید سنگت فدائی ظفر عرف منان ئے خناٹ، فدائی منان اولی درہ ءِ بولان نا جنگ آ ٹپی ہم مسّس نت ئٹی تہ چرّہ لگاسس پدا فدائی تکڑہ بیدار ئس پند خلکہ کہ کاریم سنگت آتو اوار پدا نن مُستی بسُّن منہ دے تدینگا پدا فدائی منان ننا ٹریننگ ئے بِنا کرے ننا منہ تو ئنا ٹریننگ چلا گُڑا دا منہ تو ای مسُٹ فدائی منان تو فدائی منان ننے ٹریننگ تِسّکہ گُڑا دا نیام ئٹی فدائی منان تو ای لمہ باوہی ءُ مہر خناٹ فدائی منان ئے ای تینا استاد منیوہ ہرا کنے اسہ فوجی بندغ ئس جوڑا فوجی ٹریننگ تِس کنے فدائی منان سنگت آتے کن اصُل باز مہر کریکہ سنگت آک استاد منان ئے ابا منان پاریرہ تہ ای تینا استاد منیوہ تہ کنا استاد ءِ شہید نا قربانی آن اینو بولان نا کاٹم فخر آن بڑز اینو ناز ئٹی ءِ تینا ورناتے آ شہید منان کونا سنگت آتا قربانی نا بدولت نن داڑے تولوکُن۔۔۔
شہید سنگت فدائی یاسر عرف شاہویز بولانی ئے ای ہموتُم خناٹ ہراتم ای مش آ بنِّنگ اسُّٹ
کنے یاد ءِ سنگت کنے پارے فِلان شار آ بر ہموڑے دوئی کیوہ نے گُڑا ای سنگت نا ڈس تِروکا جاگہ غا بسُّٹ فدائی یاسر منہ پین سنگت تولوک اسّر تو گُڑا کنا سلام دعا مس ای فدائی یاسر ئے اولی
جار ہموڑے خناٹ تہ گُڑا شام آ نن سفر آ راہی سُّن
نن پورا شام پند خلکُن نن فدائی یاسر آسک اوار
مُستی ہِنان گُڑا سنگت آتے تو مستی برِسہ کرین گُڑا فدائی یاسر جان ننتو اوار درہ ءِ بولان نا جنگ آ اوار اسُن گُڑا مُستی کنا فدائی یاسر نا اوار گشت پیشتمّا گُڑا نن مستی برِسہ کرین فدائی
یاسر ننے آن ٹیٹ اس پند ڈکھ اٹی جسمانی حوال بیدار اس کنا فدائی یاسر نا ٹریننگ اسہ جاگہ غا مس شہید یاسر تو منہ تو ٹریننگ سینٹر آ مسُّٹ۔
فدائی یاسر ننتو مسخرہ کریکہ مسخرہ برداشت والو سنگتس اسُّس فدائی یاسر جان نا اُست اٹی زہن اٹی سرکار آن اصُل بلّو نفرت ئس اسک نی ذہنی حوالہ بلکہ جسمانی حوالہ سرکار نا خلاف بیدار اسُّس فدائی یاسر ئے سردار تان ہم نفرت بسّکہ اسہ دے نن تولوک اسُّن اندُن ہیت مس جنگ ئنا زیہا او سردار تا قصہ مس گُڑا فدائی یاسر پاریکہ سردارک اِرا طریقہ نا ءُ اسِٹ اختر مینگل ءِ
ننا قومے ننا جنگ آن کور کرینے مخلوق ریفیق ہموڑے ووٹ تِریفک گِڑا کیک نسل اسہ ننا تورینے
ایلو کُنڈ آ شفیق مینگل ثناء اللھ زہری ءِ براہ راست قوم ئنا نسل کشی کننگ ءِ شفیق مینگل ثناء اللھ جوانو قوم اوفتے براہ راست خنیک اسلی شکل ئے تا کے ننا نسل کُشی ئے کننگءُ ایلو دا اختر ءِ ہرا شوق ئنا دروشم اٹ اِرا شکل تورینے اسہ کُنڈ سرکار نا کُنڈ آٹے ووٹ ہلیک سرکار تو تولِک بش مریک حکومت ئے تہ منِّک ایلو کُنڈ سیاست کیک کہ ای بلوچ نا حق ئے خواوہ بلوچ نا آزادی خواوہ اڑے با آزادی خواسہ گُڑا انتے ووٹ ہلفِسہ پاکستان ئے بندغ آتے آن قبول کرفیسہ دُنا دشمن خراب ءِ اِرا چہرہ او تا کنے سخت نفرت بریک قوم ہم پُہہ منِّنگ اف تا اسہ بندغ ئس یلہ کریفِک پنچ لاپتہ کریفِک قوم ئے ننا جنگ آن ننا کور کرینے پورا نیمہ نسل ئے ننا تورینے شوم کسکہ جوان اس۔ فدائی یاسر واناسک دہ ئسکا میٹرک کریسک نا خوشو زند ئس پیسہ اُرا سیال سیال آک تہ سرکاری بندغ اسّر اسہ ایلم آرمی ٹی اس ایلو نیوی ٹی فدائی یاسر تینا سیال خلق کِلّی نا اولی سرمچار اس مش آ پیش تمّاسک فدائی یاسر ای نا نت تا مش مریو نا چُنک آ عمر دا فدائی نا فیصلہ ننے شرمندہ کیک نن تینا پورا کوشست اٹ نُما جہد ئے مُستی درِسہ کرون نُما قربانیک انشاءاللا اندُن ہِنوفس نا کڑدار ئے منہ لوز بیان کننگ کپسہ بشخِس فدائی یاسر جان۔۔۔۔
سگار ءِ بلوچ شہید بیگ محمد سمالانی عرف طارق جان درہ ءِ بولان نا جنگ آن پد نن شار ئسے آ ہِنان ہموڑے شہید طارق ئے خنان سِرف سلام دعا مس پدا نن سفری اسُّن مُستی ہِنان شہید طارق ئے اولی جار ای ہموڑے خناٹ پدا قصہ تے تہ بِنگوٹہ کے دُن جنگی ءُ سنگت ئسے بولان نا آپریشنل کمانڈر ءِ ڈکھ خور ءُ سنگت ئسے مہروان ءُ سنگت ئسے گُڑا ای نے اولی جار خناٹ پدا قصہ تے نے بِنگوٹ کے دُنو سنگت ئسے پدا بولان نا بلّا کمانڈر اندا آپریشنل کمانڈر ئے سوچاٹہ حبکہ اسُّٹ کے داخس بلّو لیڈر ئس اندُن نیتو تولِک بش مریک نی تِپیسہ کے دا داخہ بلّو کمانڈر ئسے جنگی لیڈر سے گُڑا سوچاٹ سمجاٹ پاریٹ کے تنخواہ خور فوجی کمانڈر رضاکارنہ قوم ئنا خدمت ٹی لیڈر ئے بلّو فرق ئس ارے گُڑا اُست ئنا ارمان اس کے دُنا راہشون تو بندغ مِلّے دُنا لیڈر کمانڈر تو بندغ مِلّے کنا اُست ئنا خواہش ہموتم پورا مس ہراتم درہ ءِ بولان جنگ آن پد سرکار آپریشن کرے اندا نیام اٹی آپریشن نا وخت آ سنگت آک جنگ کریسُر سرکار ءِ خلکُسو تہ نن پین وتاخ ئسے آ ہِنان گُڑا انداڑے شہید طارق منہ پین سنگت بسُّر اندا سرکار ئے خلکُسُر جنگ کریسُر منہ فوجی تہ مڑدار کریسُر کنا اِرٹمی جار ہموڑے شہید طارق تو مِلّنگ مس ہموکان پد شہید طارق منہ سنگت ہرفے کوہ سلیمان نا گرونڈ آ ہِنا پدا نن شہید طارق ئے خنتون پدا افسوس کرینے ارمان کرینہ کے داخہ بلّو ہستی ئسے نن گشت خلِّنگ کتون تو تہ گِڑاس ہیل کرینہ ای آن تہ تیوہ سال ئس تدینگا پدا نن رینج آ ہِناسُن رینج بسُّن شہید جمعہ عرف مہران ئے خنان سلام دعا مس گُڑا حوال ہلکُن قصہ کرے گُڑا پارے طارق ہم ننتو اوار بسونے مُستی بسُّن شہید طارق خنان گُڑا منہ دے مس میٹنگ مس شہید طارق میٹنگ ٹی ننکن گُڑا شعر خلکہ کہ ننا بولان نا گلوکار اس ہر شام توسُنہ محفل مسکہ گُڑا شہید طارق شعر خلکہ کہ اسہ سنگتس پین اس او سرونز خلکہ کہ شہید طارق سیدھا سادہ ءُ ملنگ اس مزاک کریکہ مسخرہ کریکہ باز مہروان اسُّس نہ کس تینے شیف خلکُسہ نہ تینا آپریشنل کمانڈر نا فخر اس نے شہید طارق ءِ خناسہ اسُل تِتّہویسہ تہ کے آپریشنل کمانڈر ءِ میٹنگ مس گُڑا سنگت آک بار مسُر ہر کس تینا گشت آ پیشتمّا۔
گُڑا نن مُستی ہِنیسہ کرین اسہ جاگہ کُل اوار مسُّن اسہ دے اِرادے تدینگا پدا سنگت آک کُل مُچ مسُّر۔ سنگت آک ریل ئنا نقشہ ئےطگِڑا تے جواڑسہ کُل ئے اسہ جاگہ غا مُچ کریر پاریر کے نن جنگس کننگ اُن ننا حدف دادے ریل ئے ہائیجیک کروئی ءِ فلان گروپ نا کاریم دادے داکان پوسٹ ئے تہ خلیک فلان داکا پوسٹ ئے تہ خلیک ہر کس یکہ یکہ کاریم کیک فِلان گروپ ریل ئے مین دھماکہ کیک گُڑا ایلو گروپ ریل آ حملہ کیک ہائیجیک کن بندغ فوجی اریٹی تہ ہموفتے قیدی کینہ سرکار تو ڈیل کینہ ہرکس ئے اونا ٹارگٹ ئے پاریر پدا شام تمّا ای سنگتس ہیت اٹی اسُّن کہ پین اندُنو جاگہ ئس مسکہ اس ہراڑے پوسٹ مفروسُس جوان اس اندُن ہیت اٹی اسُن تینا حساب آ کہ داڑے مسکہ دُن جوان اس داڑے دُن جوان اس اندا نیام اٹی اچانک اسِٹ ئس کنا کوپہ غا دو ئے تینا تِخا مدان مدان آ اسہ نرم و ہنینو لہجہ ئسے اٹ پارے کے نن کوشست کرین جوانو جاگہ پٹّان آخِر اندا جاگہ کُل آن جوان لگا ننے اندا سوب آن داڑے ٹارگٹ ئے برابر کرین تو ای پدی چک خلکُٹ پدا او زیبا ئنگا چہرہ او مخوکا چہرہ خیسُن آ خنتون بھادر آ سینہ دا تارمہ ٹی گروشک تِروکا چہرہ شہید طارق جان اس بس اندا ہیت آتے کرے سنگت آک کوک کریر پاریر کے ببو اِرغ کُنبو بس شہید طارق جان نا آخری ہیت آک کنتو اندا مسّر پدا ایلو دے مزل نا کُنڈ آ راہی مسُّن ننا رہنُمائی کرِسہ ننے ننا مزل نا کُنڈ آ درے شہید طارق نن سوچاسُن کہ دا جنگ آن پد نن شہید طارق تو گشت خلون اوار پند کرون اوڑان گِڑاس
ہیل کرون داخہ بھلو ہستی ئسے نن داسکا اوتو وخت تدیف تہ نُن ننے سما الّو شہید طارق ننے آن دُن زو جِتا مریک جنگ مس ہر گروپ تینا ٹارگٹ آ دا اِرا دے مُسے دے نا جنگ چلّا پدا ہرکس بس تینا محفوظ ٹھکانہ تا ہِنا تو حوال بس کے داخہ سنگت شہید مسنو دافتے ٹی اوار سگار ءِ بلوچ شہید طارق ہم شہید مسنے گُڑا ای جٹ ئس سوچاٹ ہر اسہ سنگت باوہ ایلم سیال عزیز ئے اوفتا جتائی ننے کِشکِک تِخِک لیکن ہرا وخت شہید طارق نا باری آ سوچاٹ تو ذہن سوال ہرفے یا اللہ دُنا ہستی تے ننے آن انتئے جِتا کیسہ ننے انتئے چوری کیسہ ننا اینو باوہ ہِنانے لمہ ہِنانے ایڑ ایلم سیال عزیز کُلّ ئے ننا دریس انتے دُنا رہنماتے انتئے دیسہ دافتے داسکا قوم کن کاریم کروئی اس نن کونوس ہِناکہ مسلہ الّو ورناک بریرہ قوم زندہ ءِ داسکا لیکن شہید طارق انتے دریس دُنا بندغ ئے ننا وہی لگے دُنا ہستی اسُل ہزار سال زندہ مرے تینا قوم ئنا تینا ورنا تا رہنمائی کے۔
ای سوچیوہ ای پاو ننے آن اینو اسہ بندغس ہِنتو اینو ننا جان ئنا اسہ عُزبہ اس ہِنا ای اندُن محسوس کیوہ شہید طارق نا جتائی ئے ای نہ بلکہ ہر اسہ سرمچار اندُن سوچِک قوم ئنا فکری آ ہر اسہ ورنا اندُن سوچِک اللہ کنے بشخِس ای گنھگار ءُ بندغ ئسے اُٹ ای پاوہ شہید طارق بندغ ئس الّو فرشتہ ئس اسک ہرا ننا نیام اٹی اس ننا رہنمائی کریکہ شہید طارق ننا بروکا نسل آتا چیدہ ءِ۔
شہید ہر وخت ننا است آتے ٹی زندہ ءِ انشاءاللا اونا فکر ننا رہنمائی ئے کرو اونا فکر نن مُستی دین ننے آ دا قرض ئے فرض ئے ہر حال ادا کروئی تہ شہید طارق جان نا دتر نا ہر اسہ پُڑی دا قوم کن پین سگار ئے بلوچ جوڑو پین بھادر ءُ طارق جوڑو دا ننا امید ئے قوم ئنا امید ءِ شہید طارق نا امید ءِ شہید طارق جان داخہ خوان تویسس لیکن جنگ ئٹی بلُن مسّس جنگ آن باز گِڑا ہیل کریس شہید طارق جان سابت کرے کہ جنگ ئٹی بلّا گِڑا عمل ءِ اگر عمل کتَویس یکّہ دلیل تِسُّس گُڑا جنگ دلیل اٹ ہِنپک بلکہ نن دلیل تینہ گُڑا تینٹ عمل ہم کین شہید طارق کے نن بھری تا حساب کتاب لِکّھن انگا کمّو۔۔۔
شہید جمعہ عرف مہران نن گشت ئسے آ ہِنان ہموڑے سنگت آک ننے ڈس تِسّو پاریر ہموڑے بریرہ
نن ہمو جاگہ غا ہِنان تو اسہ دے اِرا دے مسُّن مُسٹمی دے شہید مہران آستے سنگت آک ہیسُر
شہید مہران پوسکُن بسّس نن مُستی سفر کریسہ کرین فدائی منان ہم اوار اس تو ننا شہید مہران تکڑہ سنگتس اس پوسکُن بسّس ٹیٹ کاریم کریکہ تکڑہ اس فدائی منان خنا تہ پارے کے دا مُستی مش اٹی ٹیٹ مریک کاریم آ شہید مہران ڈکھ خور سنگتس اس شہید مہران منہ تُو مس پدا کوہ سلیمان آ ہِنا ننے آن جِتا مس شہید مہران سخت مزاک کریکہ شہید مہران کوہ سلیمان آن واپسی شہید طارق آستو بس اندا میٹنگ مس منہ دے اوار مسُّن پدا جنگ آ ہِنان جنگ آن بسُّن حوال اندا مِلّا مہران جان ننے آن جِتا مس نا اندُن زیبا ؤ کڑدارس مس کنا قلم نا کڑدار نا مون آ شرمندہ ءِ
ای وس کیوہ نا زی آ ای کتاب آتا بھری تے لِکیوہ لیکن کنا دُوک اندا اسہ نوشتہ ٹی نا لڑزِرہ قلم
کنا خجل سلوکے نا کڑدار نا مون ای پاوہ قلم ئٹی ای دتر شاو نیکے لکیوہ لیکِن کنے آن ہِچ لِکّھنگ
مفک مہران جان نا نت تا مِش تان بُک ہلیو نا قربانی تا مون شرمندہ مریو نا ڈکھ آتے ای ندر
شنک مریو نا کڑدار ئے ای جی جی کیو کنے بشخِس مہران جان ای نے آ لِکّھنگ نا کوشست باز
کریٹ لیکِن ای نے آ ہِچ لِکّھنگ کتّوٹ ننا کول نُم تو اندادے نُما فکر ئے نُما سوچ ئے نُما توفک ئے بِٹنگ اِلّوفن انشاءاللا بولان نا محاز اٹ کوہ سلیمان نا محاز اٹ نا یاداک نا رند آک تِخوک ننکے چیدہ او۔۔۔۔
نن اسہ دے ٹریننگ وتاخ آ اسُّن منہ سنگت بسُر گڑا دا سنگت آتے ٹی شہید احکام عرف بادل ئے خناٹ سلام مس توسو ازدے اِرا دے مسُر تو نا کنا اولی چکر اس شہید بادل ئے خنینگ نا پدا ہِنار منہ وخت ای نے خنتوٹ نی گشت آ اسُّس پدا گُڑا ازدے نی پین سنگت اس بسورے اسہ ہیٹ اس ہم ہیسورے ننا وتاخ آ ہیٹ ئے تڑین کُنگُن گُڑا فدائی احکام ننا گروپ اٹی اوار تّما منہ وخت ای نیتو تدیفیٹ باز مہروان او سنگتس اسُّس۔۔۔
فدائی بادل باز پُر فکر ءُ سرمچارس اس بھادر سمجدار تکڑئی ہمت جوزہ نے آ ختم مریک برداشت صبر فدائی بادل اسہبدے ای خنتہ وٹ کے چِڑا سنگت اسہبآ یا غصہ بس تہ نرم لہجہ والو سنگتس اسک فدائی بادل نا بھادری نا لائخی محنت ڈکھ ئنا وجھ غان نے ریل ئے ہائیجیک نا وخت آ فدائی تا آپریشن کمانڈ کریر ریل ئے ہائیجیک نا وخت آ کُل فدائی تے نی گائیڈ کریسہ ۔۔۔۔
فدائی اسامہ عمر عرف سلال ئے ای منہ سنگت پین پیشتمّان گشت ئسے آ کمانڈر ننا پارے کے منہ سنگت ئے دوئی کروئی ءِ گُڑا منہ سنگت دوئی کننگ کن ہِنار سنگت آتا گِڑاس وتاخ ٹی مسُّن گُڑا سنگت آک او پوسکُنا سنگت آتے ہیسور اوفتے تو شہید اُسامہ عمر عرف سلال ہم تُد اس گُڑا سنگت آک ہیٹ ئس ہم ہیسو ہمودے شہید سلال آستے کے مہمان ننا اسُّر پدا نن سفر آ رادہ مسُّن مُستی بریسہ کرین مُستی بسُّن شہید سلال بیمار ہم اس ہیڷ کریسک تہ گولی تِسّون تہ کباب کرین منہ ساہت دم گشان پدا مُستی رادہ مسُّن آخر شہید سلال ئے ٹریننگ وتاخ آ سر کرین فدائی ظفر عرف اُستاد منان ٹریننگ ئے تہ بِنا کرے پدا ای نے آن جِتا مسُّٹ پدا آپریشن حیروف نا میٹنگ آ خناٹ نے منہ دے اوار مسُّن پدا آپریشن حیروف آن پد نن پدا جِتا مسُّن ہرکس نا گشت الگ مس دا نیام اٹی منہ تُو تدینگا پدا اندا آپریشن درہ ءِ بولان نا میٹنگ آ خناٹ نے پدا ہمودے مُستی جنگ آ رادہ مسُّن ہِنان جنگ آ ہرکس تینا ٹارگٹ آ ہِنا پدا جنگ آن پد نن واپسی وتاخ آتے بسُّن سنگت آک پاریر کے سلال واپسی بتہ نے او فدائی اس مسُّنے او ہموڑے ریل آ سلیسُنے گُڑا کنا ذہن اٹی اسہ سوال ئس پیدا مس کے سلال جان داسا مش آ بس منہ تو مریک لیکن دُنو فیصلہ ہرفینے ای تینتو تینٹ اسیکہ شرمندہ مسُّٹ کہ ننے آن پد بروکوس فدائی نا فیصلہ ہرفینے۔
گُڑا ای حبکہ حیران اسُّٹ شہید سلال آ کے دُن زو فیصلہ ہرفے دا چُنکا عمر اٹی اخس در بلّو کاریم ئس کرے فدائی سلال جان ای نا بھادری ہمت سگ حوصلہ جیرت ئے نے سلام کیوہ داخس بھادری دا چُنکا عمر اٹی چُنکا بالاد اتو تینا فدائی سلال کنا خیال کالج ہم خواناس مدرسہ ہم خواناس شہید سلال دوشہ ہلکہ کہ دم کریکہ تا کُنتوسہ تا نن ہردے پارینہ تہ کپہ سلال جان دوشہ بروسہ اف کُنونے شہید آتا نن نت تا مِش مرین شہید قوم آتا ہیرو کو شہید تاریخ ٹی زندہ او شہید آک دیھاڑ نا پنّہ او بلوچ دیھاڑ نا ۔۔۔۔۔۔،،،
شہید آتا اندا کاروان ٹی شہید شکیل ساتکزئی عرف زورین ہم اوارے کنا مش آ بنینگ نا اِرادہ اس گُڑا سنگت کنے پارے فِلان جاہگہ غا بر ہموڑے سنگتس دوئی کیک نے گُڑا ای ہمو جاگہ غا بسُّٹ
فدائی یاسر عرف شاہویز بولانی ہم اس ایلو منہ سنگت پین اسّر ننے کُلے دوئی کروکا شہید شکیل
عرف زورین جان اس ننے دوئی کرے ننے پارے گُڑا شام ئنا تارمئی ٹی ننا سفر ئے نن ہم پارین جوان ءِ گُڑا شام آ ننا سفر نا بِنا مس ننتو مڈّی ہم اس سنگت آتا بڈ آ اسّر گُڑا نن سفر ئٹی اسُّن تو ننے آن پوسٹ ئس خُڑک اس فدائی یاسر مڈّی تو اوار تمّا کنے مخّنگ ہلک گُڑا شہید شکیل عرف زورین کوک کریر پاریر مخپہ پوسٹ توار ئے ننا بِنک پدا نن سفر اٹ اسُّن مُستی بسُّن منہ گھنٹہ نا سفرس اس گُڑا جاہگہ اس نن توسُن شہید زورین اِرا مُسے اِرغ ہیسس نن گُڑا ہمو اِرغ آتے کُنگُّن پدا رادہ مسُّن پدا مُستی ایلو سنگت آتے سر مسُّن گُڑا شہید زورین واپس ہِنا نن گُڑا مُستی ایلو سنگت آتو راہی مسُّن شہید زورین ئے رخصت کرین منہ تُو تدینگا پدا منہ سنگت پوسکُنو بس بس ای شہید زورین ئے اسی تِتّوٹ کے دا ہمے سنگت ءِ ہرا ننے دوئی کریسک پدا نن تولوک اسُّن شہید زورین کنتو مون پہ مون بس تُوس گُڑا ای نا چہرہ ٹی غئور اٹ ہُراٹ پدا کنا ذہن ئٹی بس کے دا تو فلان سنگت ئے ننے دوئی کریسک پدا ای مخاٹ کنے پارے ہاں بارگ دُرست کریس کنے ای پاریٹ جی او داسا مچے مچے دُرست کنینگ اُٹ نے منہ دے مس نن گشت آ پیش تمّان شہید زورین نا ٹریننگ چلِّنگ اس منہ تو مس نن واپس بسُّن گشت تو سنگت آک پاریر کے زورین نا ٹریننگ پورا مسنے داسا تینتو گشت آ دبو تہ گُڑا شہید زورین ننتو اوار تمّا گشت آ گُڑا منہ دے ای نیتو گشت آ مسُّٹ پدا جِتا مسُّن گُڑا دا گشت آ ای شہید زورین ئے خناٹ ڈکھ خور ءُ سنگتس اس محنت کروکو مہروان او شہید زورین شاری گوریلا ئس باز شار اٹی کاریم کریسک شہید زورین مش آ بس تینا بھادری محنت ڈکھ جنگی ہُنر نا وجہ غان فتح اسکوڈ نا ممبر ئس مس شہید زورین بھادری قربانی تے سُرخ سلام ءِ نا کڑدار ئے نن خنتے آ دروت ہلینہ شہید زورین جان ۔۔۔۔
دا جہان اٹ انقلابی تحریک آتے ٹی ہر بندغ رضا کارانہ اوار تمِّک او تینا مخلصی ایمانداری اٹ جہد اٹی کاریم کیک ہخس مریک کوشست کیک کہ راج کن تینا جوان کاریم ئس کیو لیکِن اندا سپاہی جہد کار آتے ٹی گِڑاس اندُنو مریرہ ہرا اسُل چٹ باز تینا قوم ئکن کیرہ تحریک ئے مُستی دنِّنگ کن محنت ڈکھ پند خواری کیرہ دشمن ئے جوانو دھک خلیرہ محاز آ ہر وخت جسمانی ذہنی فکری حوالہ تیار مریرہ اندُنا بندغ آتے گُڑا اسہ بندغ ننا شہید فتح چیرمین ءِ ہرا حد آن زیات جہد ئٹی کاریم کرینے قوم راج کن دا مخلصی دا محنت آتا وجہ غان اوفتے اعزاز مِلّک شہید منِّنگ آن پد شہید فتح شہادت آن پد اونا بھادری اونا مخلصی ایمانداری نا وجہ غان شہید فتح پِنا بی ایل اے اسہ یونٹ ئس جوڑِک او یونٹ نا پِنے تِخِک فتح اسکوڈ گُڑا فتح اسکوڈ نا اولی حملہ دو ہزار بیسو و یک ٹی مونا بریک ہرا بولان اٹی پاکستانی فوج نا اسہ بلّو کینٹ ئس قبضہ کیک گُڑا دا حملہ غان پد بی ایل اے اعلان کیک دا حملہ ای کرینُٹ دا حملہ ئے بی ایل اے نا فرنٹ گروپ فتح اسکوڈ کرینہ او دا اسکوڈ نا پِنے شہید فتح چیرمین نا پِنا کرینُن گُڑا دا بی ایل اے نا فتح اسکوڈ یونٹ نا اولی جنگ ہم مریک اولی شہید آ تہ ہم مُسہ سنگت شہید مریرہ ہرا فتح اسکوڈ نا ممبر مریرہ شہید ہنگل عرف لیلا شہید آفتاب یوسف جتک عرف وشین شہید شاہویز زہری عرف سارنگ اولی شہید آک مریرہ گُڑا دا یونٹ فتح اسکوڈ مُستی بریسہ کیک باز آ کاریم تے کیک فتح اسکوڈ نا یونٹ مُستی بریسہ دشمن ئے خطرناکو دھک خلیسہ اسہ مظبوطو یونٹ ئس جوڑ مریک گُڑا اندا یونٹ فتح اسکوڈ ٹی اسِٹ شہید فرید عرف صغیر جان ہم اوار ءِ۔ شہید صغیر شار اٹ ہم کاریم کریسک پدا بس مش آ شہید صغیر مش اٹی منہ وخت تدیفے پدا تینا بھادری مخلصی ہمت سگ حوصلہ لائخی نا وجہ غان سخت زو فتح اسکوڈ نا ممبر ئس جوڑ مس و ہر جاگہ غا ہر محاز اٹ دشمن ئے دھک خلِسہ شکست تِسّکہ دا ریل ئے ہائیجیک منینگ نا وخت آ نی فرنٹ نا بندغس اسُّس دا جنگ اٹی نا بھادری نا پیش قدمی نا وجہ غان ایلو سنگت آتے کسر مِلّیسہ آ تینا مزل آ سر مسُّر شہید صغیر دا جنگ ئٹی گچینو کڑد ئس ادا کرے
سنگت آک پارہ کے جنگ اٹی شہید صغیر باز ٹپی مسُّنے تو تو سنگت آک دوائی دارو کرینو تہ ٹپی آ بندغ ئے ڈاکٹر آ تا مطابق دیر تِروئی آ اف گُڑا شہید صغیر سنگت آتے مخیسہ پاریس کے سنگت آک دیر ئس ایتبو کنے ایہون داسا شہید مریوہ ای زندہ سلپرہ داسا قوم ئنا دھرتی نا قرض فرض ءِ ادا کننگ نا وخت بسُّنے کنے دیر ئس ایتبو ای ایہون ملاس اُٹ سخت باز تو سنگت آک پاریسُر نہ تِفنہ نے آخر سنگت آتے پاریس دیر ایتبو بولان نا آپ زم زم ئے کُنیو ای زندہ سلپرہ شہید مریوہ گُڑا سنگت آک چائِسُر کہ صغیر ننے آن جِتا مریک بس بولان نا دیر ئے کُنیفِن تہ گُڑا سنگت آک دیر تِسّوسُر تہ۔۔۔
شہید صغیر نا دا چُنک آ عمر ئٹی بھادری ئے خن مرگ ئنا وخت آ مخِسہ سنگت آتے رخصت کرے ہِچ دُن سوچ خلتو ای کہیوہ بلکہ سنگت مخِسہ رخصت کرے سنگت آتے پارے کہ ای داسا دھرتی آ فنا مریوہ دا جہد دا جنگ نُما دوٹی ءِ قوم ئے تینا آجو کبو شہید آتا فکر ئے مُستی دبو دا بلوچستان نا ورناک شہید صغیر کونا سنگت آک استاد اسلم نا چُناک تینا وطن نا آجوئی کِن لمہ ایڑ تہ خڑینک آتے کِن مرگ ئے بشخندہ ٹی بخیرٹ کیرہ او چارہ نن کسپنہ ننا کڑدار زندہ ءِ ننے ننا قوم ہر وخت یاد کرو نن بلوچ تاریخ ئنا بھادر آتا تاریخ نا پنّہ مرون اور واکی اندُن ءِ شہید کسپک شہید زندہ مریک نا اُست اٹی کنا اُست اٹی ہر اسِٹ نا اُست اٹی وطن تہو اٹی شہید نا دتر نا خوشبو اوارے وطن نا مش چُر چیل جبل ہر اسہ گٹ تلار ہر اسہ کوچہ ہر اسہ گلی ٹی ہر اسہ شار اٹی شہید نا فکر کڑدار زندہ ءِ شہید صغیر جان کونا سنگت آتا دتر نا ہر اسہ پُڑی دا دھرتی کے اسلم جوڑو نوروز جوڑو صغیر جوڑو دا وطن بلوچستان ہر اسہ پھل رخت پوچ گواڑخ گلاب دِتر اٹ رُدانو دافتا خوشبو ٹی ننے شہید آتا دتر نا گند لگیک آخر ای ہم اندا پاروٹ شہید زندہ ءِ شہید اسُل کسپک۔۔۔
شہید عید محمد عرف شاہ فہد کنا اولی مِلِّنگ نن گشت ئسے آ ہِناسُن گشت آن بسُّن تو ٹریننگ وتاخ آ شہید عید محمد عرف شاہ فہد ئے خناٹ گُڑا سلام دعا مس سنگت آک پاریر کے شاہ فہد پوسکُن بروکو سنگت اسے تو منہ دے تدینگا پدا شہید شاہ فہد نا ٹریننگ پورا مس تو ننتو گشت آ بس تو شہید شاہ فہد تو نن مسخرہ کرینہ گُڑا پاریکہ کپّہ بو مسخرہ پدا ارمان کرورے پارورے کے اڑے شاہ فہد شہید مس انتے مسخرہ کرینہ چِڑیفینہ تہ شہید شاہ فہد پند کریکہ ڈکھ کریکہ قوم فرض ئے ادا کرے دھرتی نا قرض ئے ادا کرے دھرتی نا گواڑخ آتے کن زگرو دتر شولا وطن بوچ بوچ ئے بُک ہلک وطن نا رخسار آتے آ خالس تِخا ہِنا وطن ئے تینا کاٹُم ئے دتر اٹ مشّا ہِنا بالاد اتو تینا کڑدار اٹی برز چلتن تے آن ہِنا سارو نا مشتے آ رقص کرے ہِنا بزگر نا ٹُلّاتے آ گنوکی نا حد آن تدے ہِنا شاہ فہد ننکے نُمکے پین کسر ملا اِلّا جہد ئنا کُل خواری تے تینا بڈ آ کریسہ خوشی ننکے اِلّا ہِنا عشق اٹی دھرتی نا امیری فلسفہ تو تینا آخری سُم تے عشق ئنا سیمان ہیبار تینا مِلی ٹی چنڈا ہِنا شہید شاہ فہد نا وطن تو عشق ئنا حد عشق ئنا عرشا چیدہ مس سلیس ہِنا شہید شاہ فہد نا دتر تے اٹ گواڑخ آک رُدانو نُما قربانی انشاءاللہ رنگس ہتیک دے ئس ضرور۔۔۔
ایس ٹی او ایس نا سنگت شہید دیدگ بلوچ عرف قمبر بھادر آ سنگت آتا چِر اٹ اوارے آپریشن درہ ءِ بولان نا اولی جنگ مس مچھ ئے سنگت آک قبضہ کریر اندا جنگ آن پد نن جنگ ئے کریسُن واپس بنینگ اسُّن اسہ وتاخ ئسے آ کنا مِلِّنگ شہید دیدگ عرف قمبر تو مس تو شہید دیدگ ننتو اوار سفر کریسہ کرے اوار پین اسہ جاگہ وتاخ ئسے آ ہِنان تو منہ دے تدینگا پدا سنگت آک پاریر کے پوسکُن آ سنگت آتے رادہ کبو اوفتا ٹرینِنگ ئے بِنا کینہ قمبو ئے ایتبو تا ہتیک تا ٹریننگ وتاخ آ نن بسُّن ولے ہمو تُم ایسکا شہید منان ٹریننگ والا متویسک گُڑا شہید قمبو ننا ٹریننگ ئے بِنا کرے شہید دیدگ نا عرف قمبر اس نن سنگت آک اونا مہروانی اونا ہنینی نا وجہ غان شہید دیدگ ئے عرف قمبر ئے نن قمبو پارینہ ننے منہ دے ٹریننگ تِسِّک دہ دے پانزدہ دے ٹریننگ تِسّک تو پدا سنگت آک پاریر کے ٹریننگی آ سنگت آتے ایلو وتاخ آ ہتبو ہموڑے ٹریننگ تیرہ تہ تو نن ایلو وتاخ آ ہِنان تو ننے پاریر کے نُمے داسا فدائی منان ٹریننگ تیک تو شہید قمبو پین وتاخ ئسے آ ہِنا او گشت آ پیش تمّا گُڑا منہ تو ننا مِلِّنگ شہید قمبو تو متو ننا ٹریننگ پورا مس پدا نن گشت آ پیشتمّان ہموڑے گشت اٹی گُڑا شہید قمبو ئے خنان شہید قمبو کتِغ کریکہ جوان او بریانی کریکہ بولان کُک پارینہ تہ شہید قمبو مزاک ہم سخت کریکہ شہید قمبو تینا ڈکھ محنت جنگی ہُنر نا تینا وجہ غان بی ایل اے نا اسپیشل ٹیکنیکل آپریشن اسکوڈ نا سنگتس اس شہید قمبو باز جاہگہ غا تا دشمن ئے جوان دھک خلکس شہید قمبو میڈیا ٹیم ئٹی ہم کاریم کریکہ سنگت آتا فوٹو ہلکہ جنگ آتے ویڈیو کریکہ سنگت آتا فوٹو ہلکہ کہ جنگ آتا پلین آتے ویڈیو کریکہ میڈیا ٹیم ئنا سنگتس اسُّس۔۔۔
شہید سنگت صدام جان عرف ودود ہم شہید آتا چِر اٹ اوارے شہید سنگت ودود جان ئے ہمو تُم
خناٹ ہراٹیم ای گشت ئسے آ ہِناسُٹ پدا بسُّٹ ٹریننگ سینٹر آ تو ہموڑے شہید صدام ئے خناٹ
کنا اولی مِلِّنگ شہید صدام تو ہموڑے مس پدا نن گشت آ پیش تمّان پدا شہید ودود ئے منہ دے خنتوٹ پدا میٹنگ آ شہید صدام ئے خناٹ شہید صدام تو اسہ ہُلِّیس (گھوڑا) اس او ہموڑا وخت مڈی ئسے کن گِڑا ئسے ہناکہ گُڑا میٹنگ آ شہید صدام ئے خناٹ تو منہ وخت تدینگا پدا جنگ آ روان مسُّن اندا ریل والا تو مِزل آن خُڑک مسُّن ہرکس نا ٹارگٹ آتے پاریر تو شہید صدام راکٹ والا اس پدا ہرکس ٹارگٹ نا کُنڈ آ راہی مس تو جنگ آ ہِنان دا جنگ مس پدا تینا جاگہ غا بسُّن تو حوال مِلّا شہید آتا دا تو دا شہید آتا تصویر تیٹی ای شہید ودود نا تصویر ئے خناٹ اُست آن اسہ آہ ؤ زاریس پیش تمّا کہ اڑے شہید ودود جان ننے آن جِتا مس شہید ودود محنت ڈکھ خورو سنگتس اس ای نے ہر وخت وتاخ ٹی خناٹہ تو نی چڑہ کاریم کریسہ وتاخ نا کاریم تے ٹی گٹ مسوسہ شہید ودود جان کم وخت ٹی فتح اسکوڈ نا حصہ مس شہید ودود تو کنا ملاقات باز کم مس ولے نیتو اِراس کہ مُسی کہ مِلّاٹ تو اندن محسوس مس کہ ای نے مالو آن خنانُٹ شہید ودود کونا سنگت آک وطن نا چراغا کو مشتا ننا دیدہ غاکو شہید آتا قربانیک ہِچ اسُل زایا مفسہ انشاءاللا ننا امید ءِ شہید آک اینو تینے ندر کیرہ جانے ٹُّکُّر ٹُّکُّراندا امید آ کہ بروکا ورناک اریر ننا قوم ارے ننا دتر تے خشک منِّنگ اِلپسہ ننا قربانی تے زیان کنِّنگ اِلپسہ گُڑا نے آ کنے آ فرض ءِ کہ شہید آتا جہد ئے مخلصی اٹ مُستی دین شہید آتا کاروان ٹی اوار تمِّن نن ہم شہید آتے آمبار تینے ندر کین شہید آتا توفک ئے بِٹنگ اِلپن دشمن آتے دکھ خلین باور تِریفین کہ نن تینا شہید آتا توفک ئے بِٹنگ کن اِلپرون ودود کونا دلیرا سنگت آتا دِتر تِنِّنگ انشاءاللا اسہ دے ئس بلوچستان ئے ننا ضرور آجو کرور شہید آتا منہ یاد اسّو ای ہموفتے لکھنگ نا کوشست کریٹ ولے باز کمی ارے کنا لکھنگ ئٹی شہید آتا کڑدار نا زی آ کنا قلم نا لوز آک ہِچ افّس شہید بشخِرے نن نُم تینا شہید آتا لِکِّھن ۔۔۔۔
شعر ئسے نا منہ بند ؤ شہید آتے کہ لِکھانُٹ
نازفیوہ اینو شہید آ ہمرا تینا یار آتے
کہر دشمن آ تمّانو اسلمی آ مار آتے
1
خواجہ بیگُل ننا اعزاز اونا سگارے
بالاد ئتو بُزگری بولانی آ سرمچارے
کماش آ عمر ئٹی جوزہ اونا جوانے
بھادر دلیرا سنگت خواجہ کنا منانے
جنگے دریر مُستی بادل ننا فدائیک
مخیسہ ندر مسُّر تینا ڈیہہ آ سپاہیک
فدائی بادل ایلو ننا جندندر آ چار آتے
2
تُد فدائی تون اوار دودا جانان اس
اوغیرہ بوچ خل کڑد اونا بولان اس
انت لِکِّو انت پاو ای یاسر زہری نا
فکر ئٹی دلجان نا مخِّنگ او مہری نا
مستونگ ئنا مڷ پان شہید سلال ئنا
مجیدی آ فکر ئتو اُسامہ تہو شال ئنا
ہرجاہ نُمے پٹِّن خنپن نُمے ہزار آتے
3
عید محمد نا ندر نت تا رنداتے آ
یاداک نا تِخوک بولان نا ہنداتے آ
جہد ئنا پِتاتے نی بِناس فرید جان
کسر جوڑاس ننکے زیبا شہید جان
شہید آتا کاروان ٹی مہران اوارے
مخیسہ ندر مس زیبا اونا کڑدارے
دشمن حیرانے دھرتی نا دلدار آتے
4
ڈھاڈر نا گواڑخے ؤ ننا ودود جان
شکیل جان نا بھادری نا انت پان
نوشکلی آ دھکے خلکُنے ننا مہزام
دشمنے پارینے جنگ چلو ہر شام
حوصلہ بشخا ننے قمبو شہادت نا
حیرانے دھرتی تینتو نا محبت نا
بارگ انت لِکھے انت پائے دُنا کڑدار آتے
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک
