گیشتر حوال تا رد ئٹ تحصیل مند ہرا بلوچستان نا خاص کاروباری آ شار و بنجائی وزیر زبیدہ جلال صوبائی وزیر الحاج اکبر آسکانی، میر عبدالرؤف رند ئنا باوا پیرائی آ علاقہ ءِ۔
اندن بجلی و ایلو آسراتی تیان بے بشخ ءِ، ہراڑان لس مخلوق و زرعی خواستگار آک بھاز سختی تا گواچی ءُ۔
حوال تا رد ئٹ کوئٹہ چمن ریل نا بند مننگ آن ہزار مسافر آک سختی تا گواچی مروئی تمو، رپورٹ نا رد ئٹ محکمہ ریلوے نا کنڈان حکومت بلوچستان نا درخواست آ بوستان آن کوئٹہ و کولپور کن ٹورسٹ شٹل سروس بناء کننگ آن ہر ہفتہ ٹی ارا دے کوئٹہ آن چمن آ ہنوک آ مسافر ٹرین ٹی چمن مسافر ٹرین ہنپرو۔
ہرانا سوب آن مسافر آک پریشان مسر، ہزار آ مسافر آک کوئٹہ آن چمن و واپس چمن آن کوئٹہ اسکان سفر کیرا ولے شٹر سروس آن داسا ٹرین ہفتہ ٹی ارا وار ہنوف ہرانا سوب آن بندغ آک ویگن، یا گاڑی تیٹ سفر کرور لس حلقہ آک مسافر آک پاریر کہ اول آن ٹرانسپورٹر مسافر آتے ارا دو ئٹ لٹ پل کننگ ءُ۔
اندن داسا ریلوے نا ستا و اڑزان انگا سفر ئس گڑا حکومت بلوچستان نا کنڈان ٹورسٹ شٹل ٹرین سروس نا پن آ مخلوق ءِ سفر آن بے بشخ کریسہ ٹرانسپورٹر آتا دو ئٹ لٹ و پل کننگ ءِ۔
او پین پارے کہ بلکن حکومت مسافر ارا ویل آتے نظر ئٹ الیسہ گام ارفے و دن ءُ گام ارفپ ہرافتان لس مخلوق ءِ آسراتی تا جاگہ سختی تا گواچی مروئی تمے، به بختی تو دادے کہ حکومت نا کنڈان چلیفوکا ٹورسٹ شٹل ٹرین ہم خالی ہنانے۔
بلوچ اسٹوڈنٹس ایکشن کمیٹی نا پارہ گورنمنٹ پولی ٹیکنیک کالج ٹی بلوچ زانت کار، پروفیسر عزیز بگٹی نا یات اٹ اسے مجلس اس اڈ تننگا۔
مجلس اٹ بلوچ ادب تون تعلق دار آ بندغ آتون بلوچ ورنا تا بھلو کچ اس بشخ ہلک۔
دا مجلس اِرا بشخ ٹی ئس، اولیکو بشخ ٹی زانت کار آک پروفیسر عزیز بگٹی نا زند و اونا کڑد نا حوالہ ٹی گپ و تران کریر۔ ارٹمیکو بشخ پینل ڈسکشن نا اس ہراٹی زانت کار آک جتا جتا سوج آتا ورندی تے تریسہ کریر۔
اولیکو بشخ ٹی بلوچستان یونیورسٹی پولیٹیکل سائنس ڈیپارٹمنٹ نا کماش پروفیسر ممتاز بلوچ، پروفیسر ڈاکٹر منظور بلوچ، پروفیسر عزیز بگٹی نا مار زبرین بلوچ تینا خیال آتا درشانی کریر۔ اندن ارٹمیکو بشخ پینل ڈسکشن ٹی بلوچستان یونیورسٹی بلوچی ڈیپارٹمنٹ نا پروفیسر حامد بلوچ و ایڈکیٹ عمران بلوچ ئسر اوفتون اواری علی جان مقصود کرے۔
تران کروکاک پاریر کہ داٹی ہچو شک اس اف کہ پروفیسر عزیز بگٹی اسے خوانندہ اسینا حیثیت اٹ دا چاگرد ٹی بھاز بھلو بندغ اس ئس۔
عزیز بگٹی نا حق ہمو وختا پورو مریک کہ نن دننگا مجلس آتے اڈ تریسہ اودے مدامی یات کین دن اف کہ اسے مجلس سے آن پد اودے گیرام کین۔
او مونی پاریر کہ عزیز بگٹی مچا زند بلوچ خاص کر بلوچ ورنا تے ادب، بلوچ تاریخ آن سرپدی تس اندا سوب اس کہ او تیوی زند خواننگ و کتاب لکھنگ اٹ گدریفے۔ بلوچ ورناک خوارہ کہ او عزیز بگٹی زندہ تخر گڑا او کتاب تون سنگتی کیر، بلوچ تاریخ و ادب ءِ خوانر و سرپد مریر۔
اندن بلوچ اسٹوڈنٹس ایکشن کمیٹی نا پارہ غان بلوچستان کتاب کاروان نا اسے بک اسٹال اس ام خلننگا ہراٹی وڑ وڑ نا کتاب ملننگ ئس۔
حوال تا رد ئٹ مچھ ئنا بازار ٹی دزی نا تدینی، دزآک تیوہ آ موبائل دکان تا شٹر ءِ پرغسہ ہزار آ رپئی تا موبائل کارڈ و زر آتے ارفیسہ نرانو۔
مچھ بازار ٹی محمد حسن مینگل نا دکان نا شٹر ءِ پنج شمبے و جمعہ نا شام دز آک پرغسہ موبائل کارڈ و زر آتے دزیسہ نرار، مچھ پولیس کاروائی بناء کرینے، محمد حسن مینگل پارے کہ جمعہ نا صوب 9 بجہ نا خڑک تینا دکان آ بس ارا کہ دکان نا شٹر پرغینگانے۔
ہراڑا دمدستی وڑ ئٹ پولیس ءِ حوال تننگا ہرا ہند آ سر مریسہ نسخان چمشانک الک گڑا سما تما کہ ہزار آ رپئی تا موبائل فون کارڈ و زر آک گم ئسر، پولیسں آن رسینگوک حوال تا رد ئٹ پولیس دزی نا تدینی تا رد ئٹ جتا بندغ آتے دزگیر کرینے، ہرافتیان سر و سوج کننگ ءِ۔
حوال تا رد ئٹ انٹربینک ٹی ڈالر واپس بڑز بال ئٹی ء،پاکستانی رپئی نا مقابلہ 36 پیسہ کبین مسونے۔
کاروباری ہفتہ نا ایسری دے امریکی ڈالر36 پیسہ ودکی آن انٹر بینک مارکیٹ ٹی 157 رپئی 90 پیسہ آ ٹریڈ مس تدوکا دے اوپن مارکیٹ ٹی ڈالر نا نرخ 157 رپئی 17 پیسہ اندن نرخ سودا 158 رپئی 10 پیسہ مس۔
یاتی مرے کہ ڈالر نا ریٹ ئٹی کمی کاروباری ہفتہ نا مسیٹمیکو دے خننگا ہرا وخت امریکی کرنسی 20 پیسہ گراوٹ آن گڈ بعد 157 رپئی 74 پیسہ آن کم مریسہ 157 رپئی54 پیسہ آ ٹریڈ مس۔
دا رُژن ئنا کہ چیدہ ءُ
دا اسلمی ءُ کسہ ءُ
دا زندہ ءُ مدام بس
دا قوم ئسے نہ حوصلہ ءُ
شعور اُو فکر فلسفہ
وطن نہ پن کہ سدخہ ءُ
مجید ئنا دا کاروان
فدا عمر نہ دیدہ ءُ
دا آفتاب ہنگل شاویز
شہید ءُ ڈے نہ زندہ ءُ
ناصر بلوچ
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔
کینیڈا نا فرسٹ نیشن پنی ءُ گروپ اس چار شمبے نا دے پارینے کہ مسکوئی بورڈنگ اسکول آتا خڑک اڈ آتا خننگ نا زوت ہفتہ آتا نیام ئٹی دا مسیٹمیکو ویل ءِ۔
دا وار 182 بندغ نا ہڈ خننگانے، کینیڈا ٹی قبائلی بندغ آتا راہشونی کروکا اسہ تنظیم فرسٹ نیشن پارینے کہ برٹش کولمبیا ٹی قبائلی چنا تیکن مسکوئی بورڈنگ اسکول نا خڑک ٹہیفوک نادرست قبر آتیان پین 182 بندغ نا ہڈ خننگانو۔
انداڑتون اوار نا دری قبر آتیان خننگوک آ ہڈ آتا کچ اسہ ہزار آن زیات مسونے، دا ہڈ آتا اسہ مسکوئی بورڈنگ اسکول نا ایب کیب ٹی رڈرا ڈیٹیکشن آلات نا ردئٹ پٹ و پل کننگانے۔
دا اسکول ہم اسہ چرچ نا بند و بست ئٹ چلینگاکا، کارن بک نا خڑک ٹہیفوک سینٹ ایجین مشن اسکول سن 1912ٹی بناء مسوسس و 1970 نا دئے سال نا اوال اسکا چلینگ اس، اونا بند و بست انصرام اسہ کیتھولک چرچ نا دوٹی اس۔
پاکستان ئٹ کورونا وائرس آن پین 40 بندغ مرگ نا گواچی مسونو، نیشنل کمانڈ اینڈ آپریشن سینٹر نا کنڈان شینک کروکا بیان نا رد ئٹ تدوکا 24 گھنٹہ نا نیام ئٹی پاکستان ئٹ کورونا کن 46 ہزار 145 ٹیسٹ کننگانے، ہرافتیٹ 1037 بندغ ٹی کورونا وائرس پک مسونے۔
ملک ئٹ داسکان کورونا نا پک مروکا کیس آتا کچ 958،408 مسونے، ہرافتیٹ 304 ،320 ناجوڑی دراخ مسونو، تدوکا دے دا دین آن پین 40 بندغ مرگ نا گواچی مسونو۔
اندا وڑ ملک ئٹ داسکان دا دین آن کہوک آتا جمعی کچ 22 ہزار 32 مسونے، داسکان مثبت کیس آتا کچ 2.2 فیصد ءِ، تیوہ پاکستان ئٹ کورونا وائرس نا فعال کیس آتا کچ ئٹی کمی بسونے، و فعال کیس آتا کچ 31 ہزار 767 مسونے۔
حوال تا رد ئٹ پاکستان نا بھاز آ علاقہ آتیٹ باسنی نا راج ءِ، باسنی نا لوار شار تے بد حالیت ئٹ ایسونے، مد ئنا حوال تروک آک ہشوکا باسنی نا لڑ ئنا اینو ہم برجاہ مننگ نا گمان نا درشانی کرینو۔
محکمہ مد اینو ہم بھاز باسنی مننگ نا گمان کرینے، لاہور ٹی باسنی نا کچ 43، ڈیرہ غازی خان، بہاولپور ٹی 45 مرو، سندھ ئنا جتا علاقہ آتیٹ ہم بھاز باسنی نا گمان ءِ۔
اندن نوابشاہ ٹی باسنی نا کچ 45 اسکان مرو، بلوچستان ئٹ باسنی تروند ءِ، سبی ٹی باسنی نا کچ 47 اسکان ہننگ نا گمان ءِ۔
حوال تا رد ئٹ کوئٹہ ٹی ایس ایس پی انویسٹی گیشن کوئٹہ اسمبلی چک تاڑ کیس ٹی تیوہ آ اپوزیشن باسک اسمبلی نا پن آ ثبوت تفرینگ آ خارج کننگ کن ڈی آئی جی پولیس ءِ چھٹی نوشت کرے۔
ایس ایس پی انویسٹی گیشن کوئٹہ اسد ناصر نا کنڈان ڈی آئی جی ءِ کوئٹہ نا اطہر اکرم آ نوشت کروکا چھٹی ٹی پاننگانے کہ اسمبلی چک تاڑ کیس ٹی سر و سوج نا وخت آ دا تیوہ آ باسک آتے اسمبلی نا کنڈان دا چھٹی ٹی پاروئی اس کہ شاہدی ٹی تضاد خننگانے۔
اندن سوب آن تیوہ آ 17 باسک اسمبلی نا پن آ ثبوت تفرینگ آ ایف آئی آر سے دفعہ 169 نا رد ئٹ خارج کشفینگیر۔
