ٹی ٹوئنٹی ورلڈ کپ ئٹ آسٹریلیا، زمبابوے مونا باہ تس۔
زمبابوے آسٹریلیا ءِ 19.3 اوور آتیان 146 رنز آ کل گوازی گر تے تا واپس رادہ کرے۔
زمبابوے چس کروک میج ءِ بیست و سئے رنز آتیٹ اڑزانی ئٹ تینا پن آ کرے۔
داکان مالو زمبابوے نا ٹیم گوازی کریسہ ٹہفوک 20 اوور ئٹ اِرا وکٹ آ 169 رن جوڑ کرے۔
بلوچستان نا ساحلی شار گوادر ئٹ اسہ ورنا ئسے نادرست بندغ آک سم کاری کریسہ کسفیر۔ ہندی حوالکار آتا رد ئٹ کہوک ورنا داکان مالو زوراکی ئٹ بیگواہی نا گواچی ہم مسوسس۔
حوال آتا رد ئٹ ضلع کیچ ئنا علاقہ دشت شولی آن تعلقداری تخوک کمال ولد حاجی داد محمد ءِ پنچ شمبے نا دے جیونی آن خڑک ہمو وخت سم کاری نا گواچی کریر ہراتم او کنٹانی ہور آن گوادر نا پارہ غا ہننگ ئس۔ خن خنوک شاہد آتا رد ئٹ جلہوکار آک اسہ گاڑی اسیٹی ئسر و سم کاری آن گڈ نرار۔
ہندی حوالکار آتا پاننگ ءِ کہ سم کاری نا سوب آن کمال ہمو وخت کسک۔ علاقائی حوالکار آتا دعویٰ ءِ کہ ساڑی آ جلہو ئٹ بندغ آتا تعلقداری اسہ سرکاری مخ تف سلہہ بند ٹولی ئسے آن ءِ، ہرادے ہندی تلہ غا “ڈیتھ اسکواڈ” پاننگک۔
بلوچستان ئٹ راج دوست مخلوق و بندغی حق آتا تنظیم آک دننگا سلہہ بند ٹولی تا وجود نا دوبہ ءِ خلیسہ کرینو۔ ہرافتا بیوگواہ بندغ و ٹارگٹ کلنگ نا تدینی تیٹ اوار مننگ نا دعویٰ مریسہ کرینے۔
خاہوت نا حوال آتا رد ئٹ کمال بلوچ ءِ اکتوبر 2024 ئٹ زوراکی ئٹ بیگواہ کننگاس و او کم و ود اِرا توہ اسکان بیگواہ مسوسس، ہراڑان گڈ اودے یلہ کننگاسس۔
یلہ مننگ آن گڈ، ہراتم او گوادر آ اسہ پیشی ئسے نا سوب عدالت آ ہننگ ئس، گڑا فقیر کالونی نا علاقہ ئٹ اوڑا سم کاری کننگا، ہرا نا نتیجہ ئٹ او ٹپی مسوسس۔ دا جلہو آن گڈ ہم اُرا والاک خلیس نا درشانی کریسر۔
بلوچ یکجہتی کمیٹی پارینے کہ ہفتدہ دسمبر 2025 آ ہائی کورٹ ئٹ ڈاکٹر ماہ رنگ بلوچ و بلوچ یکجہتی کمیٹی نا ایلو قیادت نا ضمانت کن خواست آتیا پیشی مس۔ وکیل تینا دلیل آتے پوروْ کرے ہندن استغاثہ اسہ وڑ دزگیری ءِ جائز پاننگ کن اسہ ہم سوگو شاہدی یا گواچن ءِ پاش کننگ ئٹ بے سہب مس۔ عدالت فیصلہ نوشت کرے۔
داسا مُسہ توہ گدرینگانو، ولے دسکان اسہ ہم فیصلہ اس بنفنگ تنے۔
او پارے کہ پاکستان ئٹ نوشت انگا ضمانتی مقدمہ غاتیٹ لس فیصلہ مچٹ دے یا ہفتہ آتا نیام ئٹ بنفنگ مریرہ۔ واہم کیس نمبر 19/25،28/25،05/25،89/25 و 92/25، ہرا نا پیشی جسٹس کامران ملاخیل و جسٹس نجم الدین مینگل کریر، ئٹ غیر معمولی پد بٹنگ عدالتی عمل نا خودمختاری و سافی آ بھلو سوال بڑز کیک۔
مستی پارے کہ دا پد بٹنگ بیرہ اسہ قانودی یا بست و بندی ویل اس اف۔ دا بنداوی حق، شخصی آزاتی، و عدلیہ غا اُلسی باوری تون گنڈوک جیڑہ ئسے۔ ہراتم پُرامن سیاسی باسک آک بیدس شاہدی و وخت آ عدالتی فیصلہ غان بیدس دزگیر کننگرہ گڑا دا خیال سوگو مریک کہ قانودی ادارہ غاک اختلاف رائے ءِ ڈکنگ کن کاریم ئٹ ہتنگسہ ءُ۔
ایسر ئٹ پارے کہ عدلیہ بائد ءِ ساف، خودمختاری و بیدس خلیس و رعایت تینا آئینی فرائض آتے سر ایتے۔ بلوچستان نا اُلس و کل ہمو شاریک ہرا آئینی حق آ باور تخرہ، اسہ پاش و وخت آ مروک فیصلہ ئسے نا حقدار ءُ۔
بلوچ یکجہتی کمیٹی بلوچستان نا جتا انگا علاقہ آتیٹ چار بلوچ ورنا محمد فرید بلوچ، محمد انور بلوچ، پزیر بلوچ و کریم جان نا زوراکی ئٹ بیگواہی آن گڈ اوفتا جون آتے خننگ نا تدینی تے بے کچ بھیم بش کروک پارت، و پارے کہ دا تدینیک بلوچستان ئٹ برجا عدالت آن چپ کاروائی و بندغی حق آتا ترند برخلافی تا اسہ پوسکن ءُ مثیال ئسے۔
شش فروری 2026 آ کلی صفر علی جنگل، دکی آن تعلقداری تخوک بیست سال ئنا بزغر محمد فرید بلوچ نا بیدادی نا گواچی مروک جون خننگا۔ اودے چار جون 2025 ئٹ اُراغان زوراکی ئٹ دزگیر کننگاسس۔ خاہوت ہشت توہ اسکان او نا پد رند ءِ برجا تخا، ولے کالخواہ تا پارہ غان ہچو ڈس اس رسینگتو۔
بی وائی سی نا رد ئٹ فرید بلوچ نا کہنگ بلوچستان ئٹ زوراکی نا بیگواہی و عدالت آن چپ خون تا برجا لڑ ئنا عکس ءِ پاش کیک۔
ہندا وڑ ہمو علاقہ کلی صفر علی جنگل، دکی نا چِل و چار سال ئنا بزغر محمد انور بلوچ ءِ ہم چار جون 2025 آ نماز خواننگ آن گڈ دمدستی مدرسہ نا پیشن آن دزگیر کننگاسس۔
کم و ود ہفت توہ آن گڈ چار جنوری 2026 آ او نا جون ءِ بِٹنگا۔
بی وائی سی نا پاننگ ءِ کہ انور بلوچ اسہ محنت کروک شاری اس ئس و او نا کہنگ بلوچستان ئٹ برجا ریاستی زوراکی نا لڑ ءِ پاش کیک۔
وشبود پنجگور نا ہندی سی و دو سال ئنا پزیر بلوچ ءِ بیست و پنچ نومبر 2025 آ ریاستی مخ تف ٹولی دزگیر کرے۔ اِرا توہ آن گڈ ہفت فروری 2026 آ او نا بیدادی مروک انگا جون ءِ واشبوڈ ئٹ خسنگا۔
بی وائی سی نا رد ئٹ پزیر بلوچ نا بدن آن ترند بیدادی نا نشان آک دا ہیت ءِ پاش کننگ نا پارہ غا اشارہ کیرہ کہ اودے دزگیری آن گڈ بے بندغی آ رویہ نا گواچی کننگاسس۔
بیست و پنچ سال ئنا ڈارئیور کریم جان، ہند تربت، ءِ مُسہ جنوری 2026 آ اسٹار پلس مارکیٹ، تربت آن سادہ پُچ آتیٹ کارندہ غاک دزگیر کریر۔
خاہوت ءِ او نا دزگیری یا دزگیر کروک آ ہند ئنا بابت ئٹ ہچ پاتوس۔ کم و ود اسہ توہ ئسے آن گڈ اسہ فروری آ او نا بیدادی نا گواچی مروک آ جون بالگتر، پنجگور آن خننگا۔
بی وائی سی نا رد ئٹ کریم جان اسہ لس ءُ شاری اس ئس، و او نا کہنگ بلوچستان ئٹ زوراکی نا بیگواہی آن گڈ خون ئنا برجا پالیسی تا پاش ءُ مثیال ئسے۔
بلوچ یکجہتی کمیٹی چار انگا تدینی تے بلوچستان ئٹ برجا بندغی حق آتا ترند برخلافی نا بشخ اس پاریسہ پارے کہ زوراکی نا بیگواہیک، غیر قانودی دزگیر، بیدادی، و عدالت آن چپ خون اسہ سوگو ءُ پالیسی ئسے نا دروشم ءِ تینا کرینو، ہرافتان لس شاری، بزغر، مزور و ورنا کل زہمی مریسہ ءُ۔
بی وائی سی نا رد ئٹ دا گام آک جہانی بندغی حق آتا قانود، تون اوار آرٹیکل 6 و 9 (ICCPR) و آرٹیکل 33 (چارمی جنیوا کنونشن) نا پاش برخلافی ءِ۔
بلوچ یکجہتی کمیٹی اقوام متحدہ، ایمنسٹی انٹرنیشنل، ہیومن رائٹس واچ و ایلو جہانی ادارہ غاتیان خواست کرینے کہ او بلوچستان ئٹ زوراکی نا بیگواہی تا آزات پٹ و پول ءِ کرفر۔ عدالت آن چپ خون ذمہ وار آتے جوابدہ کیر۔ زہمی خاہوت آتے انصاف ترفنگ ئٹ کڑد سر ایتر۔
بی وائی سی نا رد ئٹ جہانی چپی دا تدینی تا لڑ ءِ پین گیشتر کیک۔
فوجی وردی بینوک کوپہ غاتیا توفک آک شاغوک یسما بلوچ و او نا ارے وسیم کیمرہ نا پارہ غا اریسہ بشخندہ کریسہ ءُ اوفتا دا عکس پاکستان نا برخلاف جنگ کروک سلہہ بند ٹولی نا پارہ غان ہمو وخت شینک کننگا ہراتم ہڑتوم آک تینا ایسری مشن ءِ جندندر جلہو ئٹ ایسر کریر۔
اوفک ایسری سنگر آ سلنگ آن مُست اوار زند تدیفیر، بلوچ لبریشن آرمی (بی ایل اے) نا پارہ غان دا عکس صحافی تے تننگا و ہرا راجی حوالکاری تلہ غا پیری کریسہ کرے۔
دا عکس ہمو نیم درزن عکس و زند نوشت آتیٹ اوار ئس ہرافتا یکدم پٹ و پول مننگ کتو، ولے چمشانک شاغوک آتا رد ئٹ مڈی آن پُر پاکستان نا بست و بند ئٹ بلوچستان ئٹ عسکریت پسند آتا پارہ غان تینا تحریک نا کش ءِ پاش کننگ نا اسہ کوشست ئسے۔
پاکستان نا بست و بند ئٹ کل آن بھلا ولے غریب انگا تپہ ئٹ تدوک سال سلہہ بند جلہو آک ریکارڈ ءِ پرغار، ہراڑان ڈٹ بند بھلو کچ ئسے آ سرمایہ کاری کروک چین و امریکہ نا است خواہیک بھیم ئٹ تمانو۔
پاکستان وزیرِ داخلہ طلال چوہدری پارینے کہ زالبول آتا ودوک آ کچ آزاتی خواہوک سال آتیا تالان جدوجہد ہرا نا مسخت زیات خودمختاری و مڈی و اہم معدنیات ئٹ بھلو بشخ ئسے بھرتی تیٹ ودکی کننگ ءِ۔
طلال چوہدری پارینے کہ زالبول آتا اواری آن اوفتے پِن و وس رسینگک، و دا تینے غا دا زہم ءِ الیرہ کہ پاکستان نا برخلاف جنگ داسا اوفتا اُرا تے اسکان سر مسونے۔
او پارے کہ پاکستان راجی حوالکاری تلہ آتون اوار آن لائن بھرتی تا ویل ءِ ارفینے۔
بھلن سرکاری افسر حمزہ شفاعت رائٹرز ءِ پارے کہ جنوری ئٹ مروک آ دا تنظیم نا کل آن بھلا جلہو نا لڑ ئٹ 58 بندغ خلنگار و صوبہ کم و ود شل مس، ہراٹی شش زالبول آن مُسٹ جندندر بمبار ئسر۔
ریکارڈ نا رد ئٹ داکان مالو بی ایل اے نا پارہ غان اشتماعی وڑ آ پنچ زالبول جندندر جلہوکار ئسر، ہراٹی 2022 نا اولیکو جلہو ہم اوار ءِ، ہندن تدوک مچٹ توہ ئٹ پین گمانی زالبول جلہوکار کاؤنٹر ٹیررازم کاروائی تیٹ دزگیر کننگ نا دعویٰ کرینے۔
کوالخواہ تا رد ئٹ بی ایل اے ئٹ اوار زالبول آتا کچ مچٹ ءِ، چمشانک شاغوک آتا پاننگ ءِ کہ دا بھرتیک بلوچ آبادی ئٹ دا ٹولی ءِ مننگ نا نشاندہی ءِ۔
جاندمی ایشیاء ئٹ سلہہ بند مِر تس نا ہند و تدینی نا ڈیٹا پروجیکٹ نا رکن چمشانک پرل پانڈیا نا رد ئٹ دا شورش داسا روایتی وڑ آ نرینہ آتا قبائلی و سرداری ڈھانچہ آتیان پیشتمسہ تالان انگا چاگڑدی تپہ آتیا سر مسونے۔
“تیوہ غاتیان ترند آ تنظیم”
زالبول آتا اواری اسہ ہندنو توار ئسے ودفنگ ءِ ہرا نا بابت ئٹ پاکستانی فوج نا پاننگ ءِ کہ او افغانستان ئٹ امریکی ہورکی آن گڈ اوڑے رہینگوک آ سِلاہ تا بھلا مڈی اسکان سر ہلیسہ تینا لائخی ءِ گیشتر کرینے۔
سنگاپور نا نین یانگ ٹیکنالوجی یونیورسٹی ئٹ شورش و عسکریت آ پٹ و پول کروک آ عبدالباسط پارینے کہ جاندمی ایشیاء ئٹ اینو بی ایل اے کل آن زیات سوگو و ترند آ سلہہ بند ٹولی ءِ۔
او پارے کہ ٹولی ڈرون آتے کاریم ئٹ ہتیسہ فوجی سُر و پُر و نزور ہند آتے ٹک کیک، و فروری 2025 ئٹ چار سد آن زیات مسافر آتون اوار جعفر ایکسپریس ءِ برمتہ کننگ نا وخت سیٹلائٹ کمیونیکیشن کاریم ئٹ ہتنگاسس۔
“جلہو آتا تزویراتی ارتقا”
کم و ود اسہ ہفتہ اس برجا مروک جھڑپ آتیٹ ہرا دو سد و شانزدہ عسکریت پسند آتے خلنگ نا دعویٰ کننگا اوفتان خننگوک آ مڈی ئٹ گرنیڈ لانچر آن ہلیس درزن ئسے آن زیات ایم-16 و ایم-14 رائفل اوار ئسر۔
رائٹرز دا ہیت ئنا پٹ و پول ءِ کننگ کتو کہ بی ایل اے نا جلہو آتیٹ کاریم ئٹ ہتوکا پوسکن آ سِلاک گواچن ئٹ امریکی ساختہ ئسر یا اسہ ہین وسیلہ اسیٹ بسوسر۔
دا نوشت ءِ جہانی احوالکار ادارہ رائٹرز علاقائی و جہانی چمشانک شاغوک آتا چمشانک آتیا انگریزی ئٹ شینک کرینے ہرادے دی بلوچستان پوسٹ تینا خوانوک آتیکن براہوئی ئٹ مون آ ہیسونے۔
بلوچستان نیشنل پارٹی نا سردار اختر مینگل نا پاکستان نا بنجائی اسمبلی نا باسکی آن استعفیٰ کم و ود ہفتدہ توہ آن گڈ منظور مسونے۔
حوالکار آتا رد ئٹ اسپیکر بنجائی اسمبلی سرادر ایاز صادق نا سروکی ٹی بی این پی نا اختر مینگل نا استعفیٰ منظور کننگانے۔
حوالکار آتا پاننگ ءِ کہ اسپیکر بنجائی اسمبلی نا سردار اختر مینگل نا استعفیٰ استو منظور کننگانے و او نا استعفیٰ ہمو تاریخ آ منظور کننگا ہرا تاریخ آ او تسوسس تہ۔
یاتی مرے کہ اختر مینگل راجی اسمبلی نا رکنیت آن 3 ستمبر 2024 آ استعفیٰ تسوسس، سردار اختر مینگل نا استعفیٰ کم و ود ہفتدہ توہ آن گڈ منظور کننگانے۔
سردار اختر مینگل این اے 256 خضدار ون آن فروری 2024 ئٹ رکن راجی اسمبلی ئس و او نا استعفیٰ منظور مننگ آن گڈ دا نشست خالی مسونے ہراڑا بروک آ مُسہ توہ ئٹ ضمنی گچین کاری مننگ کیک۔
بلوچ یکجہتی کمیٹی نا بندی راہشون ڈاکٹر ماہ رنگ بلوچ نا ہیڑ نادیہ بلوچ تینا وڈیو بیان ئٹ پارینے کہ ڈاکٹر ماہ رنگ بلوچ و او نا سیاسی سنگت بیبرگ بلوچ، شاہ جی بلوچ، گلزادی بلوچ و بیبو بلوچ ءِ غیر قانودی وڑ آ بندی کننگانے و اوفتا برخلاف عدالتی کارروائی ریاستی زورآوری نا بنداو آ کننگسہ ءِ۔
نادیہ بلوچ نا رد ئٹ 2025 ئٹ اوفتے تھری ایم پی او نا رد ئٹ دزگیر کننگا، ہراڑان گڈ حکومت مُسہ توہ نا نیام ئٹ چِل آن زیات مقدمہ نوشت کرے۔ دا مقدمہ غاک نوشکی، دالبندین، مکران، نصیر آباد، مستونگ، قلات و خضدار تون اوار جتا انگا ضلع آتیٹ نوشت کننگار، ہراڑے کیہی عدالت آک ضمانت ءِ منظور کریر و قانود نا بھلنی ءِ برجاء تخار۔
نادیہ بلوچ پارے کہ کوئٹہ نا انسدادِ دہشت گردی عدالت (اے ٹی سی) نا جج محمد علی مبین کیہی مقدمہ غاتیٹی ضمانت منظور کرے، واہم پدا گڑاس کیس آتیٹ ہمو ضمانت آتے پد بٹنگا۔ دا فیصلہ نا برخلاف ڈاکٹر ماہ رنگ بلوچ و او نا قانودی ٹولی “ٹیم” بلوچستان ہائی کورٹ آ مون کریر، ہراڑے چیف جسٹس کامران ملاح خیل اِرا توہ مالو فیصلہ کریسوسس، ولے دسکان فیصلہ بنفنگتنے۔
نادیہ بلوچ نا رد ئٹ دا حالیت پاش کیک کہ پاکستان نا عدالتی بست و بند ریاستی ادارہ غاتا زور شاغنگ ئٹ ءِ۔
بیان ئٹ پاننگانے کہ ڈاکٹر ماہ رنگ بلوچ و او نا سنگت آک تدوک شش توہ آن ہدہ جیل ئٹ جیل ٹرائل تو مون تریسہ ءُ، ہراڑے کاروائی نئے تو صاف ءِ و نئے کہ انصاف ئٹ ءِ۔
نادیہ بلوچ نا رد ئٹ ہمو جج ہرا ضمانت آتے پد بٹے، داسا جیل ٹرائل ءِ ہم اریسہ ءِ، ہراڑان غیرجانبداری آ سوال بش مریسہ ءِ۔ قانودی ٹیم کیس ءِ ارٹمی جج ئنا حوالہ کننگ نا خواست کرینے، ولے دا خواست رد کننگا۔
نادی بلوچ نا رد ئٹ جج پین دفعات اوار کننگ نا تڑی ہم تسونے۔
نادیہ بلوچ پارے کہ دا حالیت نئے بیرہ انصاف آن نمن ءِ بلکن ہمو پرامن سیاسی کاریم کروک آتیکن ہم بھیم ئسے ہرا تینا راج ئنا توار جوڑ ءُ۔
نوشکے چٹ سفا سینگار ءِ
نوشت: گِدروش بلوچ
دی بلوچستان پوسٹ
سی و یک جنوری نا سہب نا مالو گوربام آ دے ٹک آن مُست تیوہ شار ئٹی اسہ ہندنو خوشبو اس یلہ مس کس پائے گلاب و گواڑخ نا پِر بنا مس، ایہن تو ئس بھلو توار اس، ہر کنڈ دراپ دریپ ئس ولے ہندن لگاکہ کہ اسہ بھاز مُر آن بروک ءُ سیال اس بھلو وخت ئسے آن پد بسونے ہرا نا بننگ تون آہ و دنز اس ہرفینے تینے۔ ایہن آ سہب نا آزان تا وخت اگہ ہمسایہ اس ہم درگہ ءِ ٹکیفہ تو بندغ نا اُست کشکک نوا کہ خراب ءُ حوال اس مف، ولے اینو نا حوال سر مننگ آن مُست مستائی راہی کریسس کہ حوال خیر نا ءِ، بیرہ خیر نا نہ بلکہ خوشی نا ءِ ہم۔
چُناک گلان بال اُرا تیان پیشن مسر، ورنا تا جوزہ غاک ہم آسمان آ سر مسوسر، پیر و کماش آتا ہم سینہ جِک و کاٹم بڑز ئس، لُمہ و ہیڑک ہم یٰسین مون آ کریسہ دعا بنا کریسر۔ خلقی آ چناک پیشن پیشتماسر و ہندنو رش کریسر انتئے کہ اینو اسہ بھلو ایر گوات ئسے آن پد ہورہ نا شنزہ اس ٹیٹ الکوسس، پِر آن پد ڈغار کل نم ئس و کوکراک کشکاسر، دے ہم کپ اسکان پاش کریسس، دے کیہلنگ نا نیمہ غان بی بی نا گندار پاش کریسس، تہو ٹی گہوش ئس و نمب نا گند ہم ئس، پیر انگاک ہم اندن خوش ئسر دنکہ سال آتا ڈکال آن پد اوفتا خشکاوہ و کاویل آک پُر مسوسر، زالبول آک ہم گلان بے ہوش مننگ ئسر کس پائے اوفتا سال آتیان تولوک شیرزال نا سانگ نا آن مسونے، مسڑک ہم گلان بال ئسر دنکہ اوفتا سال آتیان گار و بیگواہ آ ایلم اینو واپس اُرا غا بسونے۔
ساف تمنگ نا وخت آ لُمہ نا چنکا مار پیشن آن حوال ءِ ایس و پارے لُمہ جان مَشیک اینو شار آ بسونو، بھلا ایلم بِننگ تو پارے نہ کہ امبل آک بسونو نہ کہ چوٹ والاک بسونو، اسٹوپ نا ماس آ تولوک پیر انگا پارے او گڑا شکریک بسونو، چنکا مار پارے آخہ اوفتا ہندنو بھلو پژہ ئسر، مری بُر بینوک ئسر بھاز تا مول ئسر بھاز نا مون پاش ئس توفک کل آتا بڈا ئس بھاز آتو کلی ہم ئس کوپہ تا امیل بینوک ئسر موٹسائکل آ بسونو، ولے ہچ کس اوفتا بننگ آن خُلوک ہلو کل اوفتو بغل کشارہ اوفتا پیشانی و دو تیان دروت ہلکرہ کل پاریر بھلا ایلمک بسونو، ہندا بِننگ تون لُمہ تا پارے اَلے خیرات مسوٹ گڑا سرمچار آک بسونو۔
چاشت نا وخت اسکا نوشکے نا شار و خلق خلق ٹی ورناک پترینگاسر و جاگئی بندغ آک کس پائے عید کننگ ئسر، گلی تیٹی مارکوک گنوک آتیان بار دُدینگارہ نوا کہ اوفتے خنن، کس تینا اُرا غان چادان اس مونو چاہ ہرفے کس ڈکو اس تو کس بسکوٹ اس، دکاندار آک تینا دکان تے یلہ ہلار کہ ورناتے گڑاس بکار مرو ولے سنگر ٹی بھلن مروک و جنگ ئٹی ردوک آ مار تینا ہر توشہ ہرفیسس اونا ہوش اونا توفک و میگزین تو ئس، ہر کس اوفتا مونا ہُروک ئس کہ ہرا وخت ورنا تینا مول ءِ شیف کے و نن اونا دیدار ءِ کین یا او گڑاس ہیت کے، بیرہ مارک نہ بلکہ مسڑک ہم لمہ و باوہ آن موکل الکر کہ کان نن ہم مشمار تے خنن و اوفتے کہ موغوک آ مُسہ رنگی بیرک ءِ و گڑاس سُم اوفتے ٹیکی کین، گڑاس مسڑ ہراکہ مُسہ رنگی دو خوار جوڑ کریسر اوفتے ہم کوہزاد آتا دو تیٹی شاغار۔
ورناک بھلو کچ ئسے آ بسوسر، اوفک ہرا گلی آن گدرینگارہ تو مون انگا جھمر آن بار اسہ وار او نیمہ ءِ تارمہ کریرہ، بیرہ جھمر آن بار نہ بلکہ جھمر اتوکا مون انگا تہو اوار ئس دُن چاکہ اسہ توفان اس ئس اوزدے، اسہ ہیروف اس ئس۔ ہیروف آن پد نا پِر ہم خڑک آن خننگاکہ ہرا نوشکے نا مونا مَش تے سِلنگ کن تیار ئس، پوشکنا ریک آتے پالفنگ کن تیار ئس، و ڈاک ءِ آباد کننگ کن تیار ئس، و بٹو جنگل آتے خرن کننگ کن تیار ئس۔ دا تیز انگا تہو نوشکے ءِ سفا کننگ نا ارادہ تو بسوسس، پنچ دے آن بڑز چکوک آ دا ہیروفی تہو نوشکے آن ہر گند و گڑس ءِ سفا کرے، ہر گڑد و پُلک ءِ بال تس و نوشکے ٹی بروکا ہتم نا اومیت ءِ تس۔
دی بلوچستان پوسٹ: دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔
آپریشن ہیروف: طاغت نا درشانی – ٹی بی پی سرگپ
بلوچ لبریشن آرمی بلوچستان نا بھلا شار تیٹ بلوچ راجی سلہہ بند جہد نا دیہاڑ نا کل آتیان بھلا، سوگو و شابیت جلہو کرے، ہرا آپریشن ہیروف نا ارٹمیکو فیز نا بشخ ئسر۔ دا جلہو آتیٹ بلوچ لبریشن آرمی نا جند ندری کڑدہ مجید بریگیڈ نا پنجاہ جند ندر بشخ ہلکر، ہرا جنگی دیہاڑ نا اسہ زہم شاغوک جلہو اس ئس، ہراٹی شش دے اسکان بلوچستان ئٹ ریاست نا عمل داری ءِ عملی دروشم ئٹ ایسر کننگا۔ شش دے آ تالان آپریشن ہیروف نا ارٹمیکو بشخ آن پاش ءِ کہ بلوچ لبریشن آرمی بلوچستان ئٹ ریاستی رٹ ءِ ایسر کریسہ کنٹرول کننگ نا لائخی تخک۔
بلوچستان نا تزویراتی و معاشی بابت اہم انگا دوانزدہ شار تیٹ پاکستانی لشکر نا عسکری کیمپ، پولیس اسٹیشن، انٹیلی جنس دفتر و معاشی بنجاہ تیا ہمگرنچ جنگی جلہو کریسہ بلوچ لبریشن آرمی بھلو کچ ئسے آ تینا جنگی لائخی تا عملی درشانی کرے و بلوچستان ئٹ پاکستانی لشکر نا زور تمنگ نا خیال ءِ ایسر کرے۔ بلوچ لبریشن آرمی دا ہمگرنچ جنگی جلہو آتا ذریعت ئٹ جہان ءِ دا کلہو ءِ ہم تسنے کہ بلوچستان ئٹ فیصلہ ساز طاغت آک بلوچ راجی ادارہ غاک ءُ و اوفتا منشا غان بیدس نہ بلوچستان ئٹ سرمایہ کاری مننگ کیک و نئے کہ بلوچ راج آ فیصلہ غاک چَٹی مننگ کیرہ۔
بلوچستان نا بنجائی شار کوئٹہ تون اوار چین پاکستان اقتصادی راہداری نا بنجاہ گوادر، و کان کنی و جہانی ڈٹ بندی ریکوڈک و سیندک تون تفوک شار نوشکے و چاغی ٹی ہزار آ مزاحمت کار آتا اسہ وخت آ ہمگرنچ جنگی کاروائیک دا گواچنی نا شاہدیک ءُ کہ بلوچ لبریشن آرمی ءِ بندغی طاغت نا کمبوتی اف، و بروکا وخت ئنا جلہوک گیشتر سوگو، داکان ہم زیات شابیت و بھلو کچ ئسے آ مرور۔
کینیڈا نا جہانی مائننگ کمپنی بیرک گولڈ نا بلوچستان نا مٹ مروکا جنگی حالیت و رکھ ئنا ودوکا خُلیس آتا سوب آن ریکوڈک ڈٹ بندی نا غٹ پالو تیا دوارہ پام کننگ نا فیصلہ بلوچستان نا زمینی گواچنی تے و بلوچ راجی طاغت ءِ منّنگ نا برابر ءِ۔
تیوہ بلوچستان ئٹ شش دے آ تالان زہم شاغوک ہمگرنچ جنگی کاروائی تیان پاش ءِ کہ بروکا وخت ئٹ پاکستانی لشکر و بلوچ مزاحمت کار آتا نیام ئٹ ترند و فیصلہ کروک جنگ آک مرور، و بلوچستان نا سیاسی و جنگی ندارہ ءِ مٹ کننگ ئٹ بلوچ لبریشن آرمی نا آپریشن ہیروف نا بھلو کڑد اس مرو۔
آپریشن ہیروف 2.0 – ٹی بی پی اداریہ
31 جنوری کی صبح کا آغاز بلوچستان کے مختلف شہروں میں پاکستان کے اہم فوجی اہداف پر فدائی حملوں اور فوج و سی ٹی ڈی کے ساتھ بلوچ مزاحمتکاروں کی شدید جھڑپوں سے ہوا۔ بلوچستان کے مرکزی شہر کوئٹہ، مستونگ، دالبندین، قلات، گوادر، پسنی، تمپ اور نوشکی سمیت کئی شہروں میں بیک وقت مزاحمتکاروں نے کنٹرول سنبھال کر پاکستان فوج سے دوبدو لڑائیوں کا آغاز کیا۔ ان مربوط اور فدائی حملوں کا دائرہ بلوچستان کے تزویراتی اور کلیدی مراکز میں پھیلا ہوا تھا۔ بلوچ لبریشن آرمی نے ان حملوں کی ذمہ داری قبول کرتے ہوئے انہیں آپریشن ہیروف کا دوسرا فیز قرار دیا۔
آپریشن ہیروف کا دوسرا فیز بلوچ قومی آزادی کی مسلح تحریک کی تاریخ کا سب سے بڑا اور مہلک ترین حملہ ہے، جس میں بلوچ لبریشن آرمی کا فدائی یونٹ مجید بریگیڈ، ایس ٹو او ایس اور انٹیلی جنس ونگ زراب کے جنگجو شامل ہیں۔ ان مربوط حملوں میں بی ایل اے کے جنگجوؤں نے بلوچستان کے مرکز کوئٹہ سمیت بارہ شہروں میں کنٹرول حاصل کر کے فوجی اہداف پر ہلاکت خیز حملے کیے اور کوسٹل ہائی وے اور کراچی–کوئٹہ شاہراہ پر مختلف مقامات پر کنٹرول حاصل کر کے ریاستی عمل داری ختم کر دی۔
بلوچستان بھر میں اس پیمانے کا یہ پہلا حملہ ہے جس میں ہزاروں مزاحمتکاروں نے بیک وقت سی ٹی ڈی، فوج اور پاکستان کے انٹیلی جنس اداروں کو نشانہ بنایا۔ تھانے جلائے گئے، فوج اور پولیس کے افسران و اہلکاروں کو گرفتار کیا گیا اور پولیس تھانوں و فوجی کیمپوں سے اسلحہ ضبط کیا گیا۔ مجید بریگیڈ کے فدائیوں نے بلوچستان کے مرکزی شہر کوئٹہ میں ریڈ زون، نوشکی میں فوج کے مرکزی کیمپ، گوادر میں کوسٹ گارڈ کے کیمپ، پسنی میں پاکستان نیوی کے بیس، دالبندین میں فرنٹیئر کور کے کیمپ، قلات میں کمانڈنٹ میس اور تمپ میں پل آباد اور رودبن کے فوجی کیمپوں کو فدائی حملوں میں نشانہ بنایا۔
آپریشن ہیروف نہ صرف اب تک بلوچ جنگ کا مہلک ترین مربوط حملہ ہے بلکہ پاکستان اور بلوچ قومی اداروں کے درمیان جنگ میں یہ پہلا موقع ہے کہ بلوچ خواتین نے جنگی محاذ پر دوبدو لڑائیوں میں حصہ لیا ہے۔ بلوچ لبریشن آرمی کے اس فیصلے سے بلوچ آزادی کی جنگ پر دور رس اثرات مرتب ہوں گے۔
بلوچستان میں آپریشن ہیروف کے مربوط حملوں کا سلسلہ جاری ہے۔ تاہم، آپریشن ہیروف کے دوسرے فیز کی شدت سے واضح ہے کہ یہ اقدام بلوچ انسرجنسی کا منظرنامہ بدلنے میں کلیدی کردار ادا کریں گے اور جنگِ آزادی کے مسلح محاذ میں جدت لانے کا سبب بنیں گے۔
