بلوچستان ضلع کوہلو اٹ “اُچ کتابجاہ” نا بناء کننگانے ہرادے علاقہ نا مخلوق تون اوار کتاب خُوانوک و چُنا و بھلاک دوست تخنگ ءُ۔
دا ڈول نا کتابجاہ داکان مُست مند و بارکھان ٹی ہڈ تننگاسس ہرا سرسہبی تون برجاء ءُ۔
ڈریم ویلفئر آرگنائزیشن نا پارہ غان دا بابت پڑو کریسہ پاننگانے کہ “اُمیت” پراجیکٹ نا ردئٹ کوہلو ئٹ “اُچ کتابجاہ” نا بناء کننگانے۔ ہرا کوہلو نا ایب کیب نا مُر علاقہ و اسکول تے اسکان کتاب سر کننگے۔ اُچ لائبریری آن چُنا و بھلاک گل بال ءُ۔
مخلوق نا پاننگے کہ اُچ کتابجاہ نا دا فائدہ ءِ کہ پدماندہ غا علاقہ تیٹ کتاب سر مریک اندن بھازا زالبولک خواننگ کیرہ ولے اوفتے کتاب دو بفک یا او پین ہند ئسے آ کتاب خواننگ کن ہننگ کپسہ دا کتابجاہ اوفتیکن آسراتی ئسے۔
اُچ کتابجاہ داکان مالو بھاز پنی مس ہراڑا پیشن نا میڈیا غا رپورٹ آک بسر و دا ردئٹ کاریم کروک آتے داد تننگا۔ یاتی مرے بلوچستان نا شار آتیٹ لائبریریک ساڑی ءُ ولے اوفتے بلوچ خوانندہ غاک تینا کمک تینٹ نا ردئٹ ٹہیفینو ایلو پارہ غا منہ بھلا شار آتیٹ ساڑی لائبریری تے حکومت بے پام کرینے ہراڑان اوفک بد حالیت ئٹی ءُ۔
