بلوچستان نا دارالحکومت کوئٹہ ٹی عید آن مست سوزی سودا کروکا تا کنڈان جتا سبزی تا نرخ آتیٹ و ککڑ سودا کروک آک ککڑ نا نرخ ئٹی ودکی کرینو، کوئٹہ ٹی سو نا اسہ کلو نرخ ٹی 4 رپئی و توم نا نرخ ئٹی 50 رپئی نا ودکی مسونے۔
ہراڑان گڈ سو ئنا اسہ کلو نرخ 560 رپئی آن ودیسہ 600 رپئی و توم ئنا اسہ کلو نرخ ئٹی 200 رپئی آن ودیسہ 250 رپئی مسونے، پیماز و بادرینگ نا اسہ کلو نا نرخ ئٹی 10 رپئی نا ودکی مننگ آن گڈ اسہ کلو نرخ 50 رپئی اسہ کلو مسونے، خرون آ پلپل نا نرخ ئٹی 40 رپئی اسہ کلو نا ودکی مس ہراڑان گڈ دا نرخ 160 رپئی اسہ کلو مسونے۔
اندن ککڑ نا سو ئنا نرخ ئٹی 20 رپئی اسہ کلو نا ودکی مس ہراڑان گڈ دانا نرخ ئٹی 300 رپئی اسہ کلو مسونے، یاتی مرے کہ شر ئٹی ککڑ نا سو ئنا سرکاری نرخ 250 رپئی اسہ کلو تخینگانے۔