حوال تا رد ئٹ پنجگور ٹی کورونا وائرس نا پین 15 کیسز رپورٹ مسونو، حالیت دے پا دے بد مریسہ ءِ، شاریک خیالداری تے بے پام مننگ ءِ، چاگردی خیالداری مُری تا خیال تخنگہ، محکمہ جانجوڑی۔
گیشتر حوال تا رد ئٹ پنجگور ٹی کورونا وائرس ٹی پین ترندی بسونے، ٹیسٹ ئنا وخت آ پین 15 بندغ ٹی کورونا وائرس پک مسونے، پنجگور ٹی کورونا وائر نا کیس آتیٹ ودکی مننگ آ شارتیٹ بھاز خلیس تالان مننگ ءِ۔
محکمہ جانجوڑی نا حوال نا رد ئٹ کورونا وائرس ءِ داسا ہم مخلوق سوبر ہلنگ اف اندا سوب آن دانا تالان مننگ ئٹ شابیت بریسہ ءِ و دا پامداری نا خواستگار آ حالیت ئسے۔
محکمہ نا پاننگے کہ شاریک چاگردی مُری تا خیال تخیر و تینا ہیب کیب ئنا بندغ آتا ہم خیال تخیر تاکن کورونا وائرس نا تالان مننگ ءِ توننگ مرے۔