اوغانستان نا صوبہ ننگرہار نا شار جلال آباد ئٹ بم تراک اس مسونے۔
اوغان میڈیا نا رد ئٹ ہفتہ نا دے آ مروکا تراک آتیٹ بارودی مواد آک سڑک نا رہی آ کڈ کننگاسر ہرافتیٹ طالبان فورسز تا اسہ گاڈی اس ٹک کننگانے، دا جلہو تا سوب آن مسہ بندغ مرگ نا گواچی مسونو اندن 20 بندغ ٹپی مسونو۔
ہندی میڈیا رپورٹس آتا رد ئٹ اسٹ آن بھاز تراک آتا حوال آک اریر داسکان دا پک کننگتنے۔
ننگرہار نا صوبائی علاقہ اسپتال نا کوالخواہ تا رد ئٹ 20 ٹپی دوا درمان کن اسپتال آ دننگانو ہرافتیٹ زیاتر عام شاریک اوار ءُ۔
دا جلہو نا زمواری ءِ داسکان اسہ تنظیم اس ہم قبول کتنے۔ دا اوغانستان ئٹ طالبان نا حکومت آ بننگ آن گڈ اولیکو جلہو ءِ۔