حوال تا رد ئٹ تفتان ٹی ٹہیفوک زیرو پوائنٹ گیٹ یلہ کننگانے، چار تو آن زیات وخت آن گڈ تفتان ٹی کاروباری دیات یلہ کننگانو۔
لیویز کوالخوا تا رد ئٹ ایرانی کوالخواک تا پارہ غان تفتان ٹی ٹہیفوک زیرو پوائنٹ گیٹ یلہ کننگانے، زیرو پوائنٹ گیٹ آ کاروبار چار تو مست بند کننگاسس، اسٹنٹ کمشنر نا پاننگ ءِ کہ زیرو پوائنٹ آن باقاعدہ گڑا تا دننگ و ہتنگ بناء مسونے۔
یاتی مرے ایران تون لگوک بلوچستان نا سیمی آ شار تفتان ٹی سیمی پوائنٹ مسہ تو مست بند کننگاسس، ہرانا برخلاف تیوہ شار ئٹ شٹرڈاون ہڑتال کننگاسس، ہراڑان شار ئنا تیوہ آ چنکا بھلا کاروباری جاگہ آک بند مسوسر۔
زیرو پوائنٹ گیٹ ٹی ارا ہزار نا کچ مزور کاریم کریرا ہرا داڑان بے روز گار مسوسر، و باخو اسیکن فریشان امیگریشن گیٹ آ بیرہ ٹرانزٹ ٹریڈ برجاہ اس، اندن پاکستانی شاری تے ایران ٹی پیہنگ کن ایرانی کوالخواک پابندی خلکوسر۔