حوال تا رد ئٹ کورونا آن کہوک آتا لڑ برجاہ ءِ، تدوکا بیست و چار گھنٹہ نا نیام ئٹی تیوہ آ پاکستان ئٹ پین 18 بندغ مرگ نا گواچی مسونو، پاکستان ٹی 1615 ناجوڑی نا حالیت خلیس ٹی۔
مرگ نا گواچی مروک وائرس نا جہلو آک برجاہ، تیوہ آ پاکستان ئٹ پین 18 بندغ مرگ نا گواچی، کہوک آتا جمعی کچ 28 ہزار 377 مسونے، پاکستان ٹی کورونا نا مثبت کیسز آتا کچ اسہ اعشاریہ مسیٹ پنج ریکارڈ کننگانے۔
این سی او سی نا رد ئٹ تدوکا24 بیست و چار گھنٹہ نا نیام ئٹی 43 ہزار 522 کورونا ٹیسٹ کننگانے، ہرافتیٹ591 بندغ ٹی کورونا وائرس پک مسونے۔
داسکان تیوہ آ پاکستان ئٹ 2 کروڑ 4 لکھ 88 ہزار 58 کورونا ٹیسٹ کننگانے، تیوہ آ پاکستان ئٹ کورونا آن 737 ناجوڑی درواخ مسونو، ہراڑان گڈ درواخ مروکا بندغ آتا جمعی کچ 12 لکھ 16 ہزار 242 مسونے۔