حوال تا رد ئٹ بلوچستان تینا بارن میوہ و اوفتا تام ئنا سوب آن گچین ءُ ہند تخرہ ہرافتے مخلوق یخ ئٹ بھاز خوش کیک، دا بارن آ میوہ آک تینا تہٹی بے کچ گچینی تخیرہ، داسہ کبینی مننگ نا سوب آن لس مخلوق بیرہ اوننگ و اوست ءِ خوش کننگ ئٹ بے وس ءِ۔
مشی آ ڈیہہ بلوچستان بارن آ میوہ آتا ودی مننگ کن تیوہ آ پاکستان ئٹ تینا جتاء ہند اس تخیک، داڑے ودی مروک بادام، انجیر و چلغوزہ تینا تام ئٹی گچین ءُ۔
بارن میوہ آتا فائدہ آک اسل زیات ءُ ولے کبینی نا سوب آن لس بندغ آک دکان آتیٹ تخوک میوہ تے اریسہ یخ ئنا مد ءِ گدریفرہ دافتا نرخ آتیٹ اسہ کلو 500 آن الیس1500 رپئی اسکان ودکی مسونے ہراڑن شار ئٹی پوسکنا دکاندار آک ہم پریشان ءُ۔
اندن بارن آ میوہ آتیٹ تیوہ آتیان زیات کبین چلغوزہ ءِ ہرا شش ہزار آن ودیسہ ہشت ہزار رپئی اسہ کلو اسکان بہا مننگ ءِ اندن کاجو نا نرخ ہم شش ہزار رپئی اسہ کلو مسونے۔