پیرس: فرانس آن برطانیہ ہنوکا باہوٹی تا کشتی ڈب ہلینگ نا سوب آن 31 بندغ مرگ نا گواچی مسر۔
فرانسیسی پولیس نا رد ئٹ باہوٹیک فرانس آن انگلینڈ کن ہنوکا رودبار انگلستان آن گدرینگسہ قطبی بندر گاہ کیلیس آن خڑک ڈبینگاسس۔
فرانسیسی و برطانوی کوالخواک باہوٹی تا پٹنگ کن بالی و سمندری کسر آن ریسکیو آپریشن کننگ ءِ۔
فرانس نا وزیر داخلہ جاگہ غا سر مس و پارے کہ ویل ئٹ بے بہا جان آتا نسخان مننگ آ بھاز افسوز ءِ۔
برطانوی وزیر اعظم بورس جانسن نا پاننگ ءِ کہ انت ئس کہ مس اوڑان او حیرت زدہ ءِ، او پین پارے برطانیہ بندغی سمگلنگ کننگ ء تورنگ کن ہچو کسر ئس ہلپرو۔
داڑن بیدس فرانسیسی وزیراعظم پارے کہ کشتی نا ویل اسہ سانحہ ئسے اندن کہوکا بندغ آک ڈوہدار وڑ ئٹ سمگلر تا گواچی اسر۔