کوشک اُرائی جیڑہ ٹی زالبول ئسینا خون مس، پولیس نا ہمو وخت پٹ و پول، کسفنگ اٹ اوار نیاڑی نا ارغ دزگیر۔
گیشتر حوال تا رد ئٹ کوشک نا ہند ئٹ اُرائی جیڑہ تا سوب آن ارغ تینا ذائیفہ ء کسفے۔
حوال رسینگ تون اوار ایس ایس پی خضدار ارباب امجد علی کاسی خون نا سختی تون نوٹس ہلیسہ پولیس ء دمدستی تون پٹ و پول نا موکل ء تسوس ہراڑن گڈ سٹی پولیس جاگہ غا سر مسریسہ جون ء ٹیچنگ اسپتال آ سر کننگ آن گڈ ڈوہدار نا پٹنگ کن کوشک نا جتا ہند آ تیا چھاپہ خلیسہ ڈوہدار محمد قاسم ء اسہ گھنٹہ ئٹ دزگیر کرے۔
پولیس نا ردئٹ ڈوہدرا نا قوضہ آن خونی نا اذباب ء دوئی کریسہ مقدمہ درج کننگانے اندن المی کاروائی آن گڈ جون خاہوت نا دو ٹی تننگانے و سرسہب کاروائی کن ایس ایس پی خضدار کاروائی کروکا ٹیم ء انعام و تعریفی اسناد آتا پڑو ء کرے۔