حوال تا رد ئٹ قلات ٹی یخ ئنا ترندی ٹی پین ودکی مسونے، پارہ منفی 12 ڈگری سینٹی گریڈ اسکان تما، مخلوق نا زند شل مریسہ سلیس، بازار و مارکیٹ آک گیاوان مخلوق ارا تیٹ بند مریسہ سلیسر، گیس ئنا پوروی وڑ ئٹ بند و بجلی نا ٹرپنگ آن ہم مخلوق نا سختیک ودینگار، مخلوق باسن آ علاقہ آتا ہننگ کن بیوس مسونو ۔
گیشتر حوال تا رد ئٹ بلوچستان نا تیوہ آتیان زیات یخ انگا علاقہ قلات و منگچر ٹی دتر تفوک آ یخ ئنا سوب آن مخلوق ارا تسکان رینگار محکمہ مد قلات انچارج شیراحد مینگل نا پاننگ ءِ تدوکا بیست و چار گھنٹہ نا نیام ئٹی باسنی نا کچ منفی بارہ ڈگری سینٹی گریڈ ریکارڈ کننگانے۔
اونا پین پاننگ اس دا ترند آ یخ ئٹی ہم گیس پریشر تیوہ گم ءِ، اندن بجلی نا ہن و بر ہم اسہ وڑ برجاہ ءِ۔ ایلو پارہ غان ترند یخ ئٹی گیس پریشر نا پورو بند مننگ مخلوق ءِ باسن علاقہ آتیا ہننگ آ بیوس کرینے۔ لس حلقہ آک چیف جسٹس آف پاکستان، وفاقی محتسب اعلیٰ و ایلو ذمہ وار تیان نوٹس الینگ نا خواست کرینو۔