پشاور نا علاقہ تہکال ٹی اُرا نا متکنا چت ئنا تمنگ آن پنچ نیاڑی کسکر و اِرا چنا ٹپی مسر۔
کمکی ٹیم آتا پاننگ ءِ کہ دا تدینی انقلاب کالونی نا علاقہ تہلکال ٹی مسونے، ہراڑے اُرا نا چت پر آن پد متکن مسوسس و سہہ شنبے نا نن ناگمان آن چت و دیوال اُرا ٹی ہندی ٘مخلوق نا زی آ تمار۔ تدینی ٹی اُرا ٹی ساڑی پنچ نیاڑی کسکر و اِرا چنا ٹپی مسر۔
پولیس نا پاننگ ءِ کہ اُرا ٹی ہندی بندغ آک اوغان باہوٹی ئسر، ہرافتا جوْن آتے بنائی کارروائی کن خیبر ٹیچنگ اسپتال آ درینو، ہراکان اوفتے اوغانستان نا شار جلال آباد آ درو۔ کہوک آتیٹ لمہ و مسڑ اوار ءُ۔