سی پین کبین، کم کھٹیا کروک تپہ آتیکن سختیک زیات مسر 

حوال تا رد ئٹ  فیصل آباد تون اوار  تیوہ آ پاکستان ئٹ سی و آئل نا نرخ آتیٹ ودکی نا لڑ برجاہ، اسہ ہفتہ نا نیام ئٹی اولیکو کچ آ سی و آئل نا نرخ آتیٹ 20 آن 30 و ہرٹمیکو کچ آ کنوک آ آئل و سی 40 رپئی اسکان کبین مسونے۔

کبینی نا سوب آن  نیامی و غریب تپہ نا بندغ آتے  بیوس کرے، کوننگ نا آئل و سی جوڑ کروک کمپنی نیایک اسہ ہفتہ نا نیام ئٹی 30 آن 40 رپئی اسکان نرخ آتیٹ ودکی کرے  اولیکو کچ آ سی 30 رپئی ودیسہ 390 و آئل 20رپئی ودیسہ 410 رپئی اسہ  لیٹر اسکان سر مسر اندن ہرٹمیکو کچ آ سی و آئل نا نرخ آتیٹ ہم 40 رپئی اسکان ودکی مس۔

اندن ارٹمیکو کچ آ آئل 390 ، سی 375 رپئی اسہ کلوگرام اسکان سرمسونے، زالبول  آک پاریر داڑان بوڑچی خانہ نا تیوہ بجٹ ڈسٹرب مرو کم کھٹیا والا تپہ آک بھاز زیمی مرو کبینی آن زیمی مخلوق پارے کہ داسا تو تو نوبت دا بسونے کہ بوڑچی خانہ نا گڑاک تے الین گڑا دوائی الینگ مفک،دوائی تے الین گڑا  بل آتا تننگ نامنکن مریک، بدلی سرکار دافتا حالیت رحم کہ۔