حوال تا رد ئٹ بلوچستان ٹی کورونا وائرس نا تالان مننگ نا کچ 37 ـ 3 فیصد ریکارڈ، 17 پوسکنو کیس رپورٹ مسونو، میڈیا کوارڈنیٹر محکمہ جانجوڑی بلوچستان ڈاکٹر وسیم بیگ نا شینک کروکا رپورٹ نا رد ئٹ بلوچستان ٹی تدوکا 24 گھنٹہ نا نیام ئٹی کورونا وائرس نا 17 پوسکنو کیس رپورٹ مننگ آن گڈ داسا زیمی بندغ آتا کچ 35380 مسونے۔
اندن تدوکا بیست و چار گھنٹہ نا نیام ئٹی 6 بندغ کورونا وائرس آن درواخ مسر ہراڑان گڈ جمعی وڑ ئٹ درواخ مروکا آتا کچ 34942 مسونے۔
رپورٹ نا رد ئٹ بلوچستان ٹی کورونا وائرس نا فعال کیس آتا کچ 62 ءِ ہرافتیت ہائی فلو نا 3 ناجوڑ ہسپتال آتیٹ دارو مننگ ءُ۔ رپورٹ نا رد ئٹ بلوچستان ٹی داسکان کورونا وائرس آن 376 مرگ مسونے۔