این ایچ اے نا پاننگے کہ پول ءِ ان و بر کہ وختی آن بند کننگاسس۔
سندھ و بلوچستان ءِ بھلا کسر نا کمک ئٹ اوار کروک پول ئنا اسہ بشخ اس استو تما۔
ضلعی بست و بند نا ردئٹ دو شمبے نا بیگہ غا حب ڈور آن اسہ لکھ و پنجا ہزار کیوسک نا نوکاپی دیر اس گدرینگا۔ دیر لسبیلہ نا تحصیل اوتھل لنڈا ڈور ئٹ پول ئنا بھلو بشخ ئسے درے۔
ضلعی بست و بند نا پارہ غان پاننگانے کہ این ایچ اے پول ءِ ان و بر کن وختی آن بند کریسس۔
پول پننگ آن سندھ و بلوچستان زمینی اواری ایسر مسونے و ہر ڈول نا ان و بر بند مسونے۔