حوال تا رد ئٹ چین نا صوبہ ہینان ٹی کورونا وائرس نا کیس آتیٹ ودکی مننگ آن گُڈ 2 شار ئٹی لاک ڈاؤن ٹی شابیتی کننگانے۔ پیشینملک خبر ایجنسی نا رد ئٹ اِرا چینی شار تیٹ ڈونگ فینگ و چینگ مائی ٹی کورونا لاک ڈاؤن ٹی منہ دے ئنا شابیتی کننگانے۔
گیشتر حوال تا رد ئٹ لاک ڈاؤن ٹی مخلوق ءِ بیدس کاریم اُرا تیان پیشن مننگ نا موکل اف چینی کوالخوا تا رد ئٹ چین ئٹی تدوکا دےكورونا وائرس نا 1 ہزار 851 پوسکنو کیس رپورٹ مسونو۔
چینی کوالخوا تا دا ہم پاننگ ءِ کہ چین ئٹی تیوہ آتیان زیات کورونا کیس آک صوبہ ہینان ٹی رپورٹ مسونو پیشین ملکی خبر ایجنسی نادا ہم پاننگ اس کہ تبت نا علاقہ لاہاسا ٹی ہم کورونا وائرس نا پابندی تیٹ سختی کننگانے۔