بلوچستان حکومت زالبول افسر ءِ نصیر آباد نا ڈپٹی کمشنر تخا، ڈپٹی کمشنر عائشہ زہری ءِ ریٹائر مروکا ڈپٹی کمشنر محمد حسین نا جاگہ غا تخنگانے۔
سروس اینڈ جنرل ایڈمنسٹریشن نا شینگ مروکا نوٹیفکیشن نا رد ئٹ انجینئر عائشہ زہری ڈپٹی کمشنر نا وڑ ئٹ پوسکنا زمہ واری تے سنبھالک۔
بلوچستان نا تاریخ ئٹ اولیکو وار زالبول افسر ئسے ڈپٹی کمشنر تخانو۔
عائشہ زہری الیکٹریکل انجینئر ئسے ہرا محکمہ آبپاشی ٹی کاریم کننگ ئس، او خضدار نا انجینئرنگ یونیورسٹی آن الیکٹریکل انجینئرنگ نا شعبہ ٹی بی ای کرے ہراڑان گڈ او واپڈا ٹی ایس ڈی او نا وڑ ئٹ کاریم کرے، ولے 2017 ئٹ صوبائی کمیشن نا امتحان ءِ پاس کریسہ او صوبائی سروسز نا ہمگرنچ مس۔
چاغی ٹی اسسٹنٹ کمشنر نا وڑ ئٹ او ضلع ئٹ کہی ڈوہدار بندغ و منشیات نا اسمگلر تا برخلاف چھاپہ خلیفے، سم کاری آن گڈ او کئی ڈوہدار آتے دزگیر کرے۔
سم کاری نا نیام ئٹ او منشیات آتا جوڑ مننگ ئٹ کاریم ئٹ ہتنگوک کبین آ کیمیکل تے کوزہ ٹی ہلک ہرافتے او لیویز اسٹیشن آ سر کرے۔
لیویز اسٹیشن کیمیکل تے دوئی کننگ آن نمن کرے و مقدمہ درج کرے، دا بابت ئٹ میڈیا تون ہیت کننگ آ عائشہ زہری نا برخلاف کارروائی کننگا ہراڑان گڈ اونا بدلی ءِ کریسہ اودے او ایس ڈی کریر۔
داڑان گڈ او دیمروی کریسہ ڈپٹی سیکریٹری (آبپاشی ) نا وڑ ئٹ تخنگا، بولان ئٹ ترند آ پر و لتاڑوک آ حالیت آتا نیام ئٹ او بی بی نانی و پنجرہ پُل نا نیام ئٹ گٹ مروک سیلاب آن زیمی مروک آ مسافر تا کمک ءِ ہم کریسس۔