بلوچستان نا ’’دیوی‘‘ شہیدبانک کریمہ بلوچ
تحریر : ڈاکٹرجلال
براہوئی مٹ: گندار بلوچ
لمہ، بانک ، مہرِ وطن، بلوچستان نا دیوی، قوم ئنا اومیت۔۔۔ شہید بانک کریمہ بلوچ، بلوچ قومی سیاست ئٹی اسہ روشن استار ئسے نا وڑءِ۔ ہرا بلوچ سیاسی بست و بند و سوچ ءِ اسہ پوسکنو سمت اس تننگ ئٹی الّمی کڑد اس ایسری تس۔ ذوالفقار زلفی تینا مضمون “ کوہسار آتا عطا دود اف چھپی” (کوہساروں کی عطا رسم نہیں خاموشی) ٹی توشتہ کیک کہ “کریمہ بلوچ، بلوچ سیاست نا اولیکوزالبول راہشون، اسہ دود آتے پرغوک و پوسکنا عہد نا تران جوڑ مریسہ مونا بس۔”
شہیدبانک کریمہ بلوچ ءِ دا شرف دوئی مس کہ او بلوچ قوم نا تاریخ ئٹی اولیکو زالبول سیاسی راہشون ءِ ہرا اسہ گچین مروک وخت ئسےاسکان اسہ سیاسی تنظیم بلوچ سٹوڈنٹس آرگنائزیشن (بی ایس او آزاد) نا سروک مس۔
شہید بانک کریمہ بلوچ 10 فروری 1998 ئٹی ودی مس۔ اونا باوہ مہراب خان و لمّہ جمیلہ برجاء تحریک آن مُست تینا باوہ پیرئی علاقہتمپ آن دبئی آ ہناسر۔ ولے ڈیہہ تون جنون نا حد اسکان مہر و مریبت بانک کریمہ ءِ بلوچستان آ بننگ آ بیوس کرے، اندا سوب آن کمسنی ٹی او بلوچستان آ واپس بس۔او تینا بنماسی تعلیم تمپ گرلز ہائی سکول و انٹرمیڈیٹ( ایف ایس سی) نا تعلیم تمپ انٹر میڈیٹکالج آن ہلک و گیشتر خواننگ کن عطاء شاد ڈگری کالج تربت ئٹی داخلہ ہلک و گریجویشن ہموکان کرے۔ دا بلوچ قومی تحریک نا بڑزیتا وخت ئس و ریاست بلوچ آجوئی دوست سلاء بند تنظیم آتون اوار بلوچ سٹوڈنٹس آگنائزیشن آزاد (بی ایس او آزاد) نا ہم باسک آتیاقہر نازل کننگ ئس۔ اسہ تنظیم اسیٹ الّمی عہدہ سے آ مننگ نا سوب آن بانک کریمہ بلوچ نا تعلیم ئٹی ہڑاند ودی مس۔ اسہ قوم ئسے آداکان زیات بےدادی انت مرو کہ اوڑکن بنماسی بندغی خواست آ تسکان رسینگ ہم منکن مف۔ ریاست نا کنڈ آن تعلیم نا درگہ آتا بندمننگ آن بیدس بانک کریمہ باز سگ ئنا درشانی کرے و بلوچ قوم ئنا رژنا غا آخبت کن جہد ئٹی پین زیات متحرک مس ۔
شہیدبانک کریمہ بلوچ نا کڑد ایلو نیاڑی تیان دا خاطر آن ہم جتا ءِ کہ او برجاء مزاجی و لڑ بند نا ذریعت ئٹ مُستی ہنیسہ کرے۔ اونابرجاء مزاجی و کڑد اودے بامِ عروج عطا کرے و مُسہ سال اسکان او بی ایس او آزاد نا راہشونی ءِ کرے۔
ایہن تو بانک کریمہ آن مُست ہم بلوچ خوانندہ سیاست ئٹی زالبولک بنجائ عہدہ آتیا مسنو اندن کہ بانک نوشین کمبرانی ہرا بی ایس اوٹی سینٹرل کمیٹی نا باسک مسونے ولے اسہ تنظیم ئسے نا راہشونی نا ذمہ واریک بیرہ بانک کریمہ نا بشخ آ بسر ہرا اودے جتا ءُ حیثیتاس تس۔
برجاء تحریک ئٹی زالبول تا کڑد باز متحرک ءِ۔ دا تحریک نا خاصیت ءِ کہ دا اندنو وارخواہی ودی کرے یا چاگڑدی مٹ و بدل نا ارتقائیزہم آک ہرا چاگڑد ئٹی اسہ حد اسکان پد تموک ذہنیت ءِ شیف بٹے؟ یا سیاسی شعور ہرا چاگڑد نا ہر فکری تپہ ٹی جاگہی مسنے؟ اگہاندنے تو دا نا دستار بیستمی کرن ئنا ارٹمی و مسٹمی عشرہ ٹی قومی آجوئی کن جہد کروکا یوسف عزیز مگسی نا کاٹم آ کائک ہرازالبول تے متحرک کننگ کن توار بڑز کرے و اوکان پد ہشتاد نا دہائی ٹی عظیم بلوچ راہشون شہید فدا احمد بلوچ نا کڑد ئنا سوب آن دامنکن مس ہراڑے او جہد آجوئی کن انقلابی سیاست نا بنداو ءِ تخا۔ ہراڑان مونی ہنیسہ اندا چاگڑد ٹی بانک کریمہ کون آ ہستی انقلابنا توار جوڑ مریسہ مونا بس۔
بانک کریمہ سیاست نا کُل وڑ و ڈول آتیان واخب ئس چائے او سیاسی عمل ئٹ نغد کاری نا اہمیت مرے، سیاسی روشت مرے، سیاسیبست و بندی کاریم، سیاست نا دنو ہچو کاریم اس الو ہراڑا بانک کریمہ ءِ لائخی دوئی الو۔ او بانک کریمہ ئس ہراٹی دا لائخیک خننگمسرہ۔ تینا اندا لائخی تا سوب آن بلوچ سیاست ئٹ او ہمو جاگہ ءِ دوئی کرے ہرادے سر مننگ باز کبین ءُ کاریم اس ئس۔بانک کریمہبلوچ ءِ تینا لائخی تا جوان سما ئس اندا سوب آن او تینکن سیاست نا شعبہ ءِ گچین کرے و 2006 ئٹی بلوچ خوانندہ تنظیم (BSO Azad) ٹی اوار مس۔ انداکا بانک کریمہ باقاعدہ تینا سیاسی پند ءِ بناء کرے و ہمو سال اڈ ہلوک کونسل سیشن ئٹی بنجائی کمیٹی ناباسک گچین کننگا۔سینٹرل کمیٹی نا باسک گچین مننگ آن پد بانک کریمہ اسہ پوسکنو دروشم ئسے تون مونا بس۔ اونا دا متحرک اندازئس ہرا چاگڑد ءِ سوچنگ آ بیوس کرے کہ تحریک آجوئی یا انقلابی سیاست بیرہ اسہ جنس (نرینہ) اسکان سلوک اف بلکہ دا کاریم ئٹنیاڑیک ہم گچین وڑ ئٹ تینا کڑد ءِ ایسری تننگ نا گشاد تخیرہ۔
دا ہمو دور ءِ ہرا ٹی غیر فطری کوزہ گیر ریاست بلوچ فرزند آتے زوراکی ئٹ بیگواہ کننگ نا پالیسی ءِ ارفیسس، ہرانا گواچی مروکا تیٹہر فکری تپہ نا بندغ آک اوار ئسر۔ بانک کریمہ نا تعلقداری اندن کہ اسہ انقلابی ءُ بندر ئسے آن ئس اندا سوب آن اودے دا ہیت ئنا سمائس کہ او ہم تینا عمل و کڑد ئنا سوب آن دشمن نا قہر تون مون تننگ کیک داڑان بیدس ہم او اسُل پدی چک خلتو۔ او دا چائسس کہ قومءِ گچین کروک مزل اسکان سر کننگ یا قوم ءِ اسہ اندنو کسر ئسے آ گام خلفنگ ہرا ٹی اگہ کلہو مرے تو بیرہ آجوئی نا کلہو مرے، تو گڑاخطرہ تون مون تروئی ءِ، چائے داٹی ساہ ہم کائے غم اف۔ او قول کریسس کہ قومی آجوئی نا تحریک ءِ سرسہبی اسکان سر کننگ کنغٹ قوم ءِ دا کسر آ بروئی تمو اندا سوب آن او وخت اس بلوچستان نا شاری علاقہ آتیٹ خننگاکہ تو وخت اس کوہ و جبل تیٹ او آفسرکآنبار مہر و وفا نا کلہو نا ڈول خننگاکہ۔
تینا سیاسی کارکردگی نا سوب آن 2008 ئنا کونسل سیشن ئٹی ہرا بلوچستان یونیورسٹی کوئٹہ ٹی اڈ تننگا، جونیر وائس چیئر پرسنگچین مس، بلوچ خوانندہ آتا سیاسی تاریخ ئٹی دا اولیکو وار ئس ہرا وخت اسہ زالبول اس بنجائی کیبنٹ نا باسک جوڑ مسس۔ جونیئروائس چیئرپرسن مننگ آن پد بانک کریمہ بلوچ نا لائخیک پین زیبائی ئٹ مونا بننگ بناء مسر، تینا اندا لائخی تا سوب آن چار سال آن پدآواران ئٹی اڈ ہلوک 2012 نا کونسل سیشن ئٹی سنیئر وائس چیئرپرسن گچین کننگا۔
شہید بانک کریمہ بلوچ نا کوپہ آتیا پین زیات ذمہ واری تا باریم ہمو وخت بس ہرا وخت تنظیم نا چیئرمین زاہد بلوچ مارچ 2014 ئٹیکوزہ گیر لشکر نا دو آن شال آن زوراکی ئٹ بیگواہ کننگا۔ انتئے کہ بانک کریمہ بلوچ وائس چیئرپرسن ئس تو داسا زاہد بلوچ نا بشخ ئناذمہ واریک ہم اودے پورو کروئی ئسر۔ نن خنینہ کہ بانک اندا سخت حالیت آتیٹ ہم ہمالیہ نا حوصلہ تون تنظیمی عمل ئٹی نن و دے آختہمریک حالانکہ دا دے تیٹ حالیت باز خراب ئس ہراڑے اسہ خوانندہ تنظیم اس ہرا بلوچ قومی حق و ریاستی جبر نا برخلاف توار بڑز کیکاوڑا کوزہ گیر بریاست رکھ خلیک ہرا نا سوب آن تنظیم نا باسک آک پاش تینا مسخت نا دوئی مننگ کن تینا کاریم تے برجاء تخنگ کپسہو ایلو کنڈ آن ہر بروکا دے بلوچ قوم ئنا فرزند آک ہرافتیٹ زالبول تا ہم بھلو کچ اس اوار ئس کوزہ گیر لشکر نا دو آن زوراکی ئٹ بیگواہمننگ ئسر و بلوچ ڈغار نا مل٘ آتا ہر بروکا دے جشوک جونک ویران آتیان ملنگ ئسر۔ دننگا حالیت آتیٹ نہ بیرہ تنظیم بلکہ تیوہ قوم ئناحوصلہ ءِ بُڑزا تخنگ کن دا پرعزم ہستی دیوانہ تا ڈول عمل و کڑد ئٹ ثابت کننگ ئس کہ اندا ہمو ہستی ءِ ہرا بروکا دے تیٹ بلوچ قوم آنآجوئی نا مستائی ہلو ، اندا ہمو ہستی ءِ ہرا قوم کن دیوی بن نا دروشم ئٹ بسنے، و بانک کریمہ ہی ہمو ہستی ءِ ہرا مُچا قوم ئنا’’ لمہ‘‘ مننگ نا حق تخک۔ باز سخت انگا حالیت آتیٹ مُسہ سال اسکان چیئرپرسن نا ذمہ واری تی ایسری تننگ آن پد 2015 نا کونسل سیشنئٹی بانک کریمہ تنظیم نا چیئرپرسن گچین کننگا۔
دا پر آشوب دور ئٹی ہراڑے کوزہ گیر ریاست ہر بروکا دے بلوچ قوم نا ہرمکتبہ فکر نا بندغ آتے زوراکی ئٹ بیگواہ کننگ و گڈ سر ئٹ اوفتاجشوک جون تے گیاوان آتیٹ خسنگ ئس، دننگا پرخطر حالیت ئٹ ہم بانک کریمہ ڈیہہ آ سیاسی کاریم تے برجاء تخا۔ دا وخت آ کیہیوار بانک نا اُرا و سیال آتا اُرا تیا ریاستی عسکری ادارہ آک چھاپہ خلکر، بانک نا برخلاف کیسز کریر، نہ بیرہ دا بلکن تمپ ئٹی بانککریمہ نا اُرا غا ہم کوزہ گیر لشکر مارٹر گولہ تیٹ کیہی وار جلہو ہم کرے۔ داڑان بیدس ہم بانک کریمہ بلوچ چلتن نا حوصلہ تون بلوچقومی مفاد آتیکن تنظیم نا کلہو ءِ ہر کوچہ و گدان تیٹ سر کریسہ ئس۔ حالیت آک ہرا وخت حد آن زیات خراب مسر تو تنظیم نا سنگتآتا دا فیصلہ مس کہ شہیدبانک کریمہ بلوچ قومی تحریک کن داسا ڈیہہ آن پیشن کاریم کرو۔ انتئے کہ ریاست بانک کریمہ ءِ کسر آنمر کننگ نا ہر منکن کوشست کننگ ءِ، و دننگا حالیت آتیٹ قوم دنو نسخان ہفنگ کپک، ڈیہہ آن پیشن بانک اسہ تو رکھوک مرو، ایلو اوتینا سیاسی اثر و رسوخ نا سوب آن گچین وڑ ئٹ قومی تحریک نا توار جوڑ مننگ کرو۔ اندا خاطر آن بانک کریمہ بلوچ کینڈا آ ہنا ہراڑےمنَہ وخت ئٹی اودے سیاسی رکھ تننگا۔
اندا وخت آ تیٹ بانک کریمہ نہ بیرہ کینڈا بلکن اقوام متحدہ نا تلہ غا بلوچ ویل ءِ ایشان تننگ کن تینا کڑد ءِ ایسری تس۔ داڑان بیدسسول سوسائٹی و ایلو محکوم قوم آتون حال حوال کرے ہرا نا مسخت ڈنی جہان ئٹ بروکا غٹ محکوم قوم آتے اسہ تلہ آ مُچ کریسہ اسٹایلو ءِ تینا مسخت آتا دوئی مننگ کن کمک کننگ نا کوشست کننگ ئس۔ بانک کریمہ نا اندا کڑد ئس ہرا نا سوب آن 2016 ٹی حوالکاریادارہ بی بی سی اودے سد (100) تاغت ور زالبول آتیٹ اوار کرے۔ اونا اندا کوشست سیاسی بالیدگی نا سوب آن شہادت آن پد ہرمحکوم و مظلوم نئے بیرہ خن خڑینکی مس بلکن برانز ہم کرے۔ جہان نا محکوم ہرا دا تدینی آن پد ڈکھ آن بیوس ءُ او جوان چارہ کہ بانککریمہ نہ بیرہ بلوچستان نا مسڑ ئس بلکن او ہر اسہ محکوم و مظلوم کن اومیت نا توار ئس۔
2018ء ٹی بانک کریمہ بلوچ نا سیاست نا اولیکو دور یعنی خوانندہ سیاست تینا ایسر ءِ سر مس۔ او وخت آ بانک کریمہ بلوچ ناکارکردگی ءِ ہُننگ مرے تو دا ہیت روشن آ دے ئنا ڈول پاش مریک کہ بانک نہ بیرہ تعلیمی ادارہ آتیٹ تینا ذمہ واری تے پورو کرے بلکن اوہر کوچہ و گدان ئٹی سر مننگ نا کوشست ئٹی ئس اندا خاطر آن اینو ہم نہ بیرہ شاری علاقہ آتیٹ بلکن خلقی آ علاقہ آتیٹ ہم بانککریمہ “دیوی” نا جاگہ ءِ تخک ہراڑے پرائمری سکول ہم اف۔
سیاست نا دا سفر ئٹی اسہ کنڈ آن کوزہ گیر ریاست اونا سیاسی کاریم تے ایسر کننگ نا کوشست کننگ ئس تو ایلو کنڈ آن تیناک ہمویل آتا کوڑی اونا مونا سلیفیسر۔ انتئے کتورہ، بلوچستان نا فیوڈل نظام ہرا نوآبادیاتی دور آن جنسی تفریق آ سلوک ءِ، پد تموک نظام ناعلمبردار آک دا گڑا سگنگ کتورہ کہ جنسِ مخالف اوفتا بریبری یا تینا عمل و کڑد ئنا سوب آن دا جاگہ ءِ دوئی کے۔ اندا انا پرست ورجعت پرست ذہنیت بانک کریمہ نا برخلاف دنو محاذ بش کریر ہرافتے بیان کننگ ارزان اف۔ دا فرسودہ ذہنیت تینا رد انقلابی عمل ناسوب آن تحریک آ اخس زہم تخار داڑان ہر اسہ شعور تخوک بندغ واخب ءِ۔ ردانقلابی عناصر آتا بد آ بولی نا سوب آن لس بلوچ مخلوقتینا زالبول تےتحریک آن مر تخنگ آ بیوس مسر۔ نہ تو بانک کریمہ نا جہد ئنا سوب آن اینو تحریک ئٹی زالبول تا رملی اوڑدئی جہان کنمثیل اس مننگ کریکہ ولے امر کین کہ ریاست تون اوار دا پد تموک ذہنیت و باز جاگہ غا تیا نیم سیاسی ناجوڑ آک بانک کریمہ نا کڑد آداخس خلیس نا گواچی مسوسر کہ او ہر وڑ ئنا چم کننگ ئسر۔ دا غٹ حالیت آتیان بیدس بلوچ قوم نا ’’اومیت سہب ‘‘ بانک کریمہ بلوچپدی چک خلتو انتئے کہ او چائسکہ کہ ای اگہ دافتتون اڑینگاٹ تو کنا عملی کاریمک زیمی مرور، ہرا المی قومی کاز ءِ نسخان تننگ ناسوب مرو۔ بانک کریمہ مسخت ءِ اولیت تریسہ مزل نا کنڈ آ گام خلنگ ءِ برجاء تخا و تینا شہادت اسکان اندا کسر آ گام خلنگ ئس۔ اندابابت ئٹ چیئرمین خلیل بلوچ نا پاننگ ءِ کہ شہیدکریمہ بلوچ نا بلوچ قومی تحریک ئٹی کڑد و کنٹری بیوشن بلوچ قوم و تیوہ جہان نا موناپاش ءِ۔ بانک جہدءِ ہی تینا زند ئنا مسخت جوڑ کریسس۔
چیئرمین خلیل بلوچ چنک بانک نا کڑد ئنا تشریح کرینے کہ “بانک جہد ءِ ہی تینا زند ئنا مسخت جوڑاسس۔ و اندن ہی ئس انتئے کہ بانککریمہ ءِ ہرکس ہم خنانے بِنگنے او دا ہیت ئنا شاہدی ءِ ایتک کہ بانک کریمہ نا جہان ہی اونا مسخت ئس یعنی قوم و ڈیہہ ئنا آجوئی۔”
بانک کریمہ بلوچ نا تربیت اسہ اندنو اُرا سے ٹی مس ہرا قوم ءِ شہید ڈاکٹر خالد و بلوچ گوریلہ کمانڈر استاد واحد کمبر کون آ فرزندتس۔ استاد واحد کمبر ہفدہ (۷۰) نا دہائی آن بلوچ قومی تحریک تون تفوک ءِ و ہمو نا تربیت نا سوب آن شہید ڈاکٹر خالد بلوچ ہم ورنائیآن قومی تحریک تون تفوک ئس۔ اوڑان بیدس بانک کریمہ بلوچ نا لمّہ بی بی جمیلہ نا کڑد ہم بانک نا تربیت نا بابت ئٹ مثالی ئس ہرا نہبیرہ دا کسر آ بانک ءِ حوصلہ تس بلکن اونا راہشونی ءِ ہم کرے۔ دننگا خاہوت ئٹ بھلن مننگ نا سوب آن شہید بانک کریمہ چنکی آن بلوچقومی تحریک تون تفوک ئس۔ ہرا وخت نن بانک کریمہ بلوچ نا دا سفر ءِ ہُرینہ تو دا وخت آ نن اودے نہ بیرہ شاری علاقہ و اوڑے ساڑیتعلیمی ادارہ آتیٹ السی بیداری نا شعور تننگ آ خنینہ بلکن بلوچستان نا سستہ غا علاقہ آتیٹ ہم او ہر کوچہ و گدان ئٹ بلوچ آتےبےُچکارگ نا تغ آن بش کننگ نا کوشست آتیٹ آختہ ئس۔
اوکان پد وختس کوزہ گیر بلوچستان ئٹ اوڑا ڈغار ءِ تنک کرے تو او بدر ڈیہہ آ ہنا، اوڑے ہم اندا ڈول متحرک ئس ہرا وڑ او تینا ڈیہہ ئٹکاریم کننگ ئس۔اونا اندا کڑد ئنا سوب آن مخلوق اودے “دیوی” نا دروشم ئٹ ہُراکہ، بلوچ قوم تینا دیوی ءِ اونا کڑد و عمل نا سوب آن’’لمہ‘‘ نا جاگہ ءِ تس۔ ایسکان او بلوچستان ئٹی ئس السی بیداری کن او ساندہ بندغ آتا نیام ئٹ ساڑی ئس۔ بلوچستان ئٹ شار، خلق ومس تتون اوار جتا علاقہ آتیٹ غٹ تپہ آتسکان تینا توار ءِ سر کننگ و الس ءِ متحرک کننگ کن باز دلیری ئٹ کاریم کرے۔ بلوچ چاگڑد وجہانی پڑ آ شہید بانک نا کڑد ئنا سوب آن اونا ہردلعزیزی نا شاہدی کوزہ گیر ریاست (پاکستانی) نا ڈھکوک ادارہ آتا دو آن 20دسمبرآ کینڈا نا شار ٹورنٹو ٹی اونا شہید مننگ نا پد گیشتر مونا بس ہراڑے جہانی و علاقئی کچ آ برانز و چاگڑدی حوالکاری میڈیا آ پروگرامآتا اسہ بے کھٹوکو لڑ اس بناء مس۔ کراچی تون اوار بلوچستان نا شار ئٹ بندغ آک کسر تیا پیشتمار و ہر کنڈ آ اندا توار بش مس کہ ’’ نی اخس کریمہ کسفوس ہر اُرا غان کریمہ پیشتمو” یا دا توار ہرا کہ ہر چنا، پیر و ورنا نا جوڑ تیا ئس کہ ’’ ای کریمہ اُٹ، نی کریمہاُس، نن کُل کریمہ اُن۔‘‘ دا ردِ عمل ہرا جہانی و علاقی پِڑ آ خننگا دا ہیت ئنا شاہدی ءِ کہ کریمہ بلوچستان نا گواچنی مسڑ ئس۔بلوچستان نا دا مسڑ تینا بے باور آ کاریم تا سوب آن اینو مزاحمت نا سمبل جوڑ مسنے۔
شہید بانک کریمہ بلوچ اینو جسمانی وڑ آ ننے آن جتا مسنے۔ تیوہ قوم کن اونا شہادت اسہ باز بھلو ڈکھیائی ءُ تدینی سے ہرا نا پورویکرن آ تسکان منکن اف ولے ہرا فکر ءِ او قوم ءِ تس ننا ذمہ واری ءِ کہ نن ہمو سوچ و فکر ءِ مُستی دننگ نا جہد کین۔ ہرا نا درشانی ءِ اودن کیک کہ ’’ سیاسی ادارہ آتے سوگو کننگ کن ننے کُل ءِ اوار جہد کروئی ءِ و ہرا دے نن تیوئی وڑ ئٹ دا مسخت (ادارتی طرز سیاست) ئٹی سر سہب مسن ای پُہہ مریوہ کہ اوکان پد آجوئی نا دے ٹک تننگ آ ہُرے کروف۔‘‘ ننا اندا انداز و طرز سیاست بلوچستان ءِ دیویشہید بانک کریمہ نا تغ تے ایسری تننگ تون اوار اودے خراج ِ عقیدت تننگ نا مثالی وڑ و ڈول ہم ارے۔