برجاء سال 19 دسمبر آ سندھ ئنا علاقہ ٹھٹہ مکلی نا خلق حنیف خشک آن پاکستانی ڈھکوک ادارہ و پولیس نا دو آن بیگواہ مروک ورناشعیب خشک نا آجوئی کن خاہوت نا کنڈ آن مکلی پریس کلب ٹی برانز ریکارڈ کننگا۔
اندن سندھ ئنا شار دادو سند سبا نا کنڈ آن اینو ششمی دے قومپرست باسک اصغر جمالی نا آجو مفننگ نا برخلاف برانز برجاء ءِ۔
وائس فار مسنگ پرسنز آف سندھ ٹھٹہ آن شعیب خشک، کراچی آن ایاز شاہ ،عرفان گوپانگ،اکبر گوپانگ،جامشورو آن عابد جمالی ،دادو آن قومپرست باسک اصغر جمالی ، کوٹری آن طالب لغاری و ایلو سیاسی و قومپرست باسک آتا ایجنسی تا دو آن زوراکی ئٹبیگواہ مننگ آ پاریر کہ پاکستانی ریاست و اونا ڈھکوک ادارہ آک سندھ ئٹی بندغی حق آتا سخت لتاڑ کننگ ءُ۔
او پاریر کہ غٹ راہبندی عدالت آتا مننگ آن بیدس ہم سندھ آن سیاسی باسک آتا زوراکی نا بیگواہی تا لڑ سلینگ نا پن ءِ ہلنگ اف۔
تنظیم نا رد ئٹ تدوکا 10 دے آن پاکستانی ایجنسیک سندھ ئنا جتا شار تیان 10 آن زیات باسک آتے ارفیسہ بیگواہ کرینو۔
او پاریر کہ نن اقوامِ متحدہ و ایمنسٹی انٹرنیشل تون اوار جہان نا غٹ بندغی حق آتا ادارہ و تلہ آتیان آفیشل کریسپانڈنگ و زبانیخواست نا ذریعت ئٹ سندھ ئٹی بندغی حق آتا لتاڑ نا کیس آتے توننگ تون اوار کراچی و حیدرآباد تون اوار تیوہ سندھ آن بیگواہ مروکاسندھی باسک آتا آجوئی کن برانز کرون۔