ایرانی عدالت پین اِرا بلوچ ورنا ءِ مرگ ئنا سزا بِنفینے۔ حوال تا رد ئٹ پاہو نا سزا مروک آتیٹ پنی آ بلوچ خلقی شئر پاروک ملا کمالانہوت ئنا مار منصور ہوت اتون اوار پین اِرا ورنا ءُ۔
یاتی مرے کہ تدوکا سال اکتوبر ئٹ برانز نا وخت آ ایرانی فورسز آتا دو آن بلوچستان نا دریابی شار چابہار آن دزگیر مروک پنی آ شئرپاروک ملا کمالان ہوت ئنا اسہ مار منصور ہوت و لال محمد نا مار نظام الدین ءِ زاہدان ئٹ ایرانی عدالت پاہو تننگ نا حکم تسنے۔
ورنا تا پاہو نا حکم ئنا بر خلاف بلوچ سیاسی کڑدہ غاک راجی حوالکاری میڈیا ایکٹوسٹس و بندغی حق آتا ادارہ غاک ڈکھ و سوختی نادرشانی کرینو۔
خیال ئٹ مرے بندغی حق آتا باسک آک بھلو وخت ئسے آن دا ہیت آ خُلیس نا درشانی کریسہ کرینو کہ ایران ئٹ مرگ ئنا سزا تننگ ئٹیایران نا نسلی و مذہبی اقلیت آتے ٹک کننگک۔ دا نا رد ئٹ قطب دے کہی ٹی کرد آتے اندن جاندم دے کہی ٹی عرب نسل نا بندغ آتے وجاندم دے ٹکی ٹی بلوچ ءِ نسل خاص وڑ ئٹ ٹک کننگک۔