بلوچستان نا جتاء ضلع آتیٹ مروک شکست و تدینی تیٹ مجموعی وڑ ئٹ چناتون اوار 6 بندغ مرگ نا گواچی اندن 16 بندغ ٹپی مسونواسہ جون ئس دوئی کننگانے ۔
شابیتی حوال تا ردئٹ بولان نا علاقہ ڈھاڈر ٹی عئید پکنک نا وخت جو ٹی تار کریسہ کوئٹہ نا ہندی ورنا جلیل احمد ولد مرزک میرانی دیرئٹ ٹُبیسہ مرگ نا گواچی مس ۔
اندا وڑ نا اسہ پین تدینی اسیٹ بلوچستان نا دریابی علاقہ گڈانی ٹی کراچی آن پکنک کننگ کن بروک 14 سالہ موسیٰ ولد ولی محمدپنی چنا ئس کِھب ہلنگ نا سوب آن سمندر ٹی ٹبیسہ ساہ ءِ تس ۔
گڈانی بست و بند چنا نا جون ءِ کشیسہ ہندی اسپتال آ دننگ آن گڈ جون ءِ خاہوت نا حوالہ کریر ۔
ایلو پارہ غان حب جو ٹی تار کریسہ ہفت سالی چنا ئس ٹبیسہ مرگ نا گواچی مسونے، ریسکیو ٹیم جون ءِ ارفیسہ اسپتال آ دریر۔
اسہ پین تدینی سیٹ بلوچستان نا ضلع ڈیرہ بگٹی نا علاقہ سوئی ٹی نا درست بندغ آک تحصیل بازار ٹی سم کاری کریسہ پی پی ایلسوئی گیس نا ملازم حاجی مر دین بگٹی ءِ کسفیر و نرار ۔
چاغی آن حوال آتا ردئٹ یک مچ نا ہند آ مسافر گاڑی ئسے نا چپی مننگ آن گاڑی ٹی مروک عطاء الرحمن پنی بندغ ئس مرگ نا گواچیاندن گیشتر 15 مسافر ٹپی مسونو ۔
چاغی ریسکیو کوالخواہ جون و ٹپی مروک آتے زوت ئٹ کمک کننگ کن اسپتال آ دننگا ہراڑے ٹپی مروک آتے کمک تننگ آن گڈ پین علاجکن کوئٹہ آ دننگا ۔
داکان بیدس تُربَت سیٹلائیٹ ٹاؤن ٹی موٹر سائیکل و پک اپ گاڑی دک ئٹ بننگ نا سوب آن موٹر سائیکل آ مروک ورنا ئس ٹپی مس ۔
خضدار پکنک کننک کن بروک آتا الاخ ئس مولہ نا خڑک آ ہندی چنا ئسے گڈا، تدینی ٹی چنا مرگ نا گواچی مس۔ ہندی بندغ آک ضلع نابست و بند آن تدینی نا زوت ئٹ نوٹس ہلنگ نا خواست کرینو ۔
ہمو وخت زیارت نا بست و بند ءِ زیارت و ہرنائی نا نیامیکو علاقہ ڈومیارہ ٹی اسہ بندغ ئسے نا بھاز دے مالو نا متکنو جون ئسرسینگانے ہرا نا چاہنداری مننگ کپک واہم بست و بند ءِ جون نا ہند آ اسہ کارڈ ئس رسینگانے ہرا سید نذیر شاہ نا پن آ درج ءِ ۔
لیویز فورسز کارندہ آک جون ءِ ارفیسہ ہسپتال آ دریر گیشتر کاروائی برجاء ءِ ۔