نگوگی نا سیاست لمئی بولی کن
نوشت: پھلین بلوچ
دی بلوچستان پوسٹ
نگوگی جیمز 5 جنوری 1938 ئٹ کینیا ٹی ودی مس نگوگی تینا بنائی خواننگ نا رجحان ءِ تینا علاقہ آن بناء کرے پدا اود مستی خواننگکن یونیورسٹی آف مکہیری آن انگلش ڈپارٹمنٹ ئٹ بی اے نا ڈگری ءِ 1963 ٹی پورو کرے۔ و ہندا وخت ئٹ اود تینا کتاب “weep not child” ءِ نوشتہ کرے دا کتاب تیوہ دے ٹکی افریقہ ٹی اولیکو کتاب ئس۔ پدان نگوگی مستی تینا خواننگ کن یونیورسٹی آف لیڈز آنسکالرشپ اس الک۔1965 ٹی تینا ایلو کتاب “The River Between” ءِ نوشتہ کرے۔
1970 ئٹ نگوگی تینا پن و تینا نظریہ ءِ بدل کرے۔ غٹ آن مست اود تینا پن ءِ نگوگی جیمز آن نگوگی وا تھیونگو تخا نگوگی پائے کہجیمز انگلش پن ئسے ہراد کالونائزر نا اتوک ئسے و ولدا تینا نوشتہ کننگ ءِ بدل کرے انگلش نا جہا تینا جند ئنا لمئی بولی ٹی نوشت کننگءِ بناء کرے. 1967 ئٹ نگوگی یونیورسٹی آف نیروبی ٹی خوانفنگ ءِ بناء کرے اسہ پروفیسر ئسے نا ڈول ئٹ دہ سال اسکان خوانفے۔
1976 ئٹ نگوگی جیل ہم مس۔ نگوگی ہراتم جیل ئٹ ئس گڑتی ٹی تما تینا لمی بولی نا بابت کہ ای ہراتم انگلش ئٹ نوشتہ کریٹہ کنے ہچمتو داسہ ای تینا لمئی بولی ٹی نوشت کننگ ءِ بناء کریٹ کالونائزر کنے جیل کرے ہندا گڑتی ٹی نگوگی تینا لمئی بولی نا فکر و اودےرکھنگ کن تینا بولی ٹی نوشت کننگ ءِ بناء کرے۔
نگوگی گڑاس ہیت پارے افریقن لمئی بولی نا زی آ کہ افریقن بولی بھاز زیات زبانی ءِ ہرا کسہ، چاچا٬ مثال آتا ڈول ئٹ زندہ ءِ نگوگیتینا کتابDecolonizing the mind ئٹ نوشتہ کیک کہ ای تینا چنکی نا ہمو وخت آتے یاد کریٹ ہرا وخت نن خاخر ئسے نا رہی آتوسونہ۔ گڑا کسہ پاریسہ کچاری کرینہ نگوگی پاہک ای ہمو کچاری تیٹ گڑاس نوٹ کریٹ کہ ہر وخت کسہ و چاچا تا بنجاہی کڑداراسہ ساہدار اس ئس گڑا نگوگی پاہک کہ ولے مُرو چنکو ساہدار ئسے اونا تہٹی اسہ جوزہ اس ارے کہ او شیر و چیتا نا زوراکی ءِشکست تننگ کیک۔ نگوگی پدا شرئی مجلس اس ہڈ تس تینا افریقن بولی نا زی آ افریقن نوشتکار آتتون۔ گڑاس ہرفے نوشتکار آتیان کہافریقن لٹریچر ءِ افریقن آک لکھانو؟ گڑا اوفتا انت اس ہرا افریقن افس؟ دا جوانو سوج ئسرہ افریقہ و افریقن لٹریچر نا بارو ئٹ۔
کانفرنس ئسے ٹی نگوگی منہ جتائی خنا ہرا بندغ آک یا نوشتکار آک افریقن بولی ٹی نوشتہ کریرہ اوفتے کانفرنس ئٹ بٹنگتورہ ہر ہمونوشتکار ءِ بٹنگاسر ہرا انگلش بولی ٹی نوشتہ کریکہ۔ نگوگی پاہک دا کڈ ئسے نا وڑ ئس ہرانا تہٹی افریقہ و افریقن بولی ءِ بِٹنگ نا چمکریرہ ہرا کالونائزر نا بولی نا کٹفنگ نا بھلو بشخ اس ئس۔
نگوگی مستی پاہک کہ ہر ادارہ و جاگہ تون اوار اوار ہمو کتاب شینک کروکا تے ہم کالونائزر تینا وس و واک ئٹ تخک ہرا نا بولی ءِ مونادیرہ و نا بولی نا دیہاڑ و لوز آتے شینک کیرہ کالونائزر نا بولی نا جہا پین ہندنو منہ مذہبی کسہ ہتیک ہرافتا نا بولی و نا دیہاڑ تون ہچوسیالی اس مفک۔
نگوگی فرانز فینن نا منہ ہیت پاہک کہ چناتے اوفتا جند ئنا بولی نا جہا پین بولی اس خواننگ ہندن ءِ دنکہ نی اوفتے اوفتا دیہاڑ و دود وربیدگ آن مر تخنگ اُس۔ نگوگی پاہک ہندن افریقہ ٹی ہم چناتے افریقی بولی نا جہا انگلش خوانفنگاکہ و ہرا چناء انگلش تتوکہ گڑا اودےنالائخ و نزور تکارہ نگوگی پاہک کہ لمئی بولی نا رسم و دود آتے رکھک و رسم و دود آک نا وجود ءِ جہان نا مون آ ہتیرہ۔
نگوگی پاہک کالونائزر توفک و سم تتون اوار نے ذہنی غلام جوڑ کیک ہرا تینا ہتوکا بولی ٹی نا گمان و سوچ ءِ تینا ہتوکا گڑا تا زی آسوچنگ کن مجبور کیک۔ گڑا نگوگی تینا افریقن نوشتکار تے پاہک کہ تینے و تینا راج ءِ ذہنی غلامی آن رکھنگ کن تینا بولی ئٹ نوشتہکبو۔
نگوگی چنوا اچیبے ءِ پارے کہ نی تینا کتابThings Fall Apart ءِ تینا بولی اجبو ٹی انتئے نوشتہ کتوس گڑا اچیبے پارے کہ ننا بولی ناانداخہ بھاز پاروڑ ءُ ای فریشان مسٹ کہ ہرا پاروڑ ئٹ نوشتہ کیو۔ نگوگی ورندی ٹی پاہک تہ کہ پاروڑ آک بولی نا شابیتی کو اگہ نےاسہ لوز اس دا پاروڑ آن رسینگتو گڑا نے ایلو پاروڑ آن رسینگک اندا وڑ ئٹ لوز آک بھاز کم مٹ مریرہ و بولی رکھوک مریک گڑا چنوااچیبے چپ مریک۔
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔