بلوچ لبریشن آرمی نا ترجمان جیئند بلوچ میڈیا ٹی شینک کروک بیان اسیٹ پارے کہ ننا سرمچار آک نوشکی، پنجگور و مچھ ئٹ مُسہجتاء جلہو تیٹ کوزہ گیر پاکستانی لشکر و اسہ حوالکاری ٹاور ئسے ٹک کریر، جلہو تیٹ مُسہ دژمن کارندہ مرگ ئنا گواچی وحوالکاری ٹاور بھس مس۔
بیان ئٹ پاننگا کہ بی ایل اے نا سرمچار آک استو نوشکی شار آن خڑک اسٹیشن نا ہند آ بنجاہی کسر آ ٹہیفوک کوزہ گیر پاکستانیلشکر نا چیک پوسٹ ءِ چغلی بمب جلہو ئٹ ٹک کریر۔ تراک نا سوب پوسٹ آن پیشن ساڑی اسہ کارندہ اس جاگہ غا مرگ ئنا گواچی واِرٹ ٹپی مسر۔
ترجمان پارے کہ جلہو آن گڈ نوشکی پولیس سرمچار تا کسر ئٹ اڑاند شاغنگ نا کوشست کرے واہم سرمچار آک حکمت عملی نا رد ئٹتینا ہند آتیا سر مسر۔
او پارے کہ نن پولیس و لیویز کون آ بلوچ اکثریتی فورسز آتے ہر وخت خبڑدار کرینن کہ او کوزہ گیر پاکستانی لشکر نا پاننگ آ بلوچتحریک نا مونا اڑاند بش کپس، و الس نا بے شرفی ءِ کپس نہ گڑا اوفتے بیدس فرخ آن ٹک کننگو۔
جیئند بلوچ پارے کہ اندا وخت ئٹ سرمچار آک پنجگور نا علاقہ وشبود ئٹ کسٹم آن خڑک کوزہ گیر پاکستانی لشکر نا قافلہ ئٹ اواراسہ گاڑی ئسے آئی ای ڈی جلہو ئٹ ٹک کریر۔
او پین پارے کہ تراک نا دک ئٹ بننگ آن اِرا دژمن کارندہ مرگ ئنا گواچی و کم آن کم مُسٹ ٹپی مسر اندن اوفتا گاڑی بھس مس۔
بیان ئٹ ودیک پاننگا کہ بی ایل اے نا سرمچار آک مسٹمیکو جلہو ءِ بولان نا علاقہ مچھ ئٹ کریر ہراڑے بی بی نانی نا ہند آ یوفون کمپنینا اسہ حوالکاری ٹاور نا مشینری ءِ ہشیسہ بھس کریر۔
ایسر ئٹ او پارے کہ دا جلہو تا ذمہ واری ءِ بلوچ لبریشن آرمی ارفک۔ مسخت نا دوئی کننگ اسکان کوزہ گیر لشکر و اوڑتون ہمکوپئیکروک آتیا ننا جلہوک برجاء مرور۔