بیلہ نا ہند مسافر کوچ و ٹرک ٹی ڈک لگا ، زالبول تون اوار اِرا بندغ مرگ ئنا گواچی ، دئے بندغ ٹپی مسر ۔
مسافر کوچ کراچی آن کوئٹہ آ ہننگ ئس ، ترندی نا سوب مسافر کوچ بیلہ نا ہند آ ایلو پارہ غان بروک آ ٹرک تون ڈک لگا ۔
شکست ئٹ مرگ ئنا گواچی مروک آتیٹ جون و ٹپی مروک آتے سول ہسپتال بیلہ و ریسکیو سینٹر 1122 ٹیارہ دننگا، ہراڑے کمک کننگآن گڈ ٹپی مروک آتے کراچی آ دننگانے ۔
ایلو پارہ غان ضلع کیچ آن حوال آک ءُ کہ اسہ پول ئسے نا شیف آن متکنو جون ئس دوئی کننگانے ۔
جون ءِ دوئی کریسہ چاہنداری کن اسپتال آ دننگانے ۔