ایرانی میڈیا دعویٰ کرینے کہ ایرانی لشکر پاکستان نا سیم ئٹ پترینگسہ ایران ءِ خواست مروک جیش العدل نا سروک ءِ کھسفنیے۔
رپورٹ آتیٹ پاننگک کہ ایرانی لشکر پاکستان نا سیم ئٹ پترینگسہ جیش العدل نا سروک اسماعیل شاہ بخش و اونا پین کیہی سنگت آتے کھسفینے۔
واہم دا بارو ئٹ پاکستانی کوالخواہ تا کنڈ آن ہچو تران مونا بتنے۔
خیال ئٹ مرے برجاء سال ئٹ دا وڑ ئنا دا ارٹمیکو تدینی ءِ کہ ایران پاکستانی سیم ئٹ پترینگسہ کاروائی کننگ نا دعویٰ کرینے۔ داکان مُست ایران 17 جنوری آ پنجگور ئٹ جیش العدل نا اِرا اڈہ غا تے میزائل و ڈرون جلہو ئٹ ٹک کننگ نا دعویٰ کرے۔
جنوری نا جلہو تے پاکستان تینا فضائی سیم تا لتاڑ پارسہ پارے کہ دا جلہو تیٹ اِرا چُنا کھسکنو و مُسہ مسڑ ٹپی مسنو۔
خیال ئٹ مرے کہ جیش العدل 2012 ٹی جوڑ کننگاسس و پاننگک کہ دا اسہ سنّی تنظیم اسے ہرا ایران نا جاندم قطبی سستان و بلوچستان ئٹ کاریم کیک۔
ایران ئٹ ایرانی لشکر آ کیہی جلہو تا ذمہ واری ءِ جیش العدل ہرفسہ کرینے۔