بلوچستان لبریشن فرنٹ نا ترجمان میجر گہرام بلوچ تینا اسہ بیان اسیٹی پارے کہ کیچ ئنا علاقہ تمپ ئٹ آپسی کھن نا دُز راہ ٹی ٹہیفوک قوضہ گیر دژمن لشکر نا چوکی آ جلہو نا ذمہ واری ءِ ارفنہ۔
او پارے کہ ہفتہ نا دے، دے آن نا یک بجہ غا سرمچار آک تمپ ئنا علاقہ آپسی کھن نا دُز راہ ٹی ٹہیفوک چوکی آ پوسکنا و بھلا سلہہ تیٹ جلہو کریر۔
او مستی پارے کہ ترند جلہو ئٹ قوضہ گیر لشکر نا اسہ کارندہ ئس ہمو ہند آ مرگ ئنا گواچی وختس کہ اسہ کارندہ ئس ٹپی مس۔ جلہو ئٹ دژمن نا سولر سسٹم تیوہ بھس مس و چوکی نا دیوال آتے بھاز نسخان رسینگا۔
ترجمان پارے کہ سرمچار آتا دا جلہو ئٹ ہربشی آ دژمن لشکر نا کارندہ غاتے داخس وار ہم رسینگتو کہ اوفک اسہ سم ئس خلنگ کیر۔ پاکستانی لشکر نا بلوچستان ئٹ با تننگ نا ثبوت ءِ کہ مون تننگ نا جاہ نرنگ آ بیوس ءِ۔
او پارے کہ بلوچستان لبریشن فرنٹ دا جلہو نا ذمہ واری ءِ ارفک۔ بلوچستان نا تیوہ آجوئی اسکان سرمچار آتا جلہوک قوضہ گیر لشکر آ ترندی ئٹ برجاء مرور۔