دا راجی آ مچی ننا راج ئنا ءِ
شاعری: محراب بلوچ
دا راجی آ مچی ننا راج انا ئے
دا راجی آ مچی ننا تاج انا ئے
دا راجی آ مچی ٹی اودیم ءِ رنگ اس
دا راجی آ مچی ٹی ڈکّوک ءِ جنگ اس
دا راجی آ مچی ننے کیک آباد
دا راجی آ مچی نُمے کیک آزاد
دا راجی آ مچی بہار آتا آمد
دا راجی آ مچی خُمار آتا آمد
دا راجی آ مچی کہلئو دے ٹکی نا
دا راجی آ مچی جہلئو دیگری آ
دا راجی آ مچی ٹی بلسم نا رنگے
دا راجی آ مچی ٹی آلم نا رنگے
دا راجی آ مچی سفا کل انائے
دا راجی آ مچی ننا کل انائے
دا راجی آ مچی اتیک آسراتی
دا راجی آ مچی خلیک بیمرادی
دا راجی آ مچی دُرا نادُرا تا
دا راجی آ مچی ہُرا بے ہُرا تا
دا راجی آ مچی سلے نا سلامت
دا راجی آ مچی مرے تا قیامت
دا راجی آ مچی امن نا علامت
دا راجی آ مچی سلے تا بغاوت
دا راجی آ مچی سِپر ایلمی نا
دا راجی آ مچی زغم ای و نی نا
دا راجی آ مچی ٹی گواڑخ نا رنگے
دا راجی آ مچی ٹی جت پت نا چَنگے
دا راجی آ مچی ٹی دستار افّک
دا راجی آ مچی ٹی غدار افّک
دا راجی آ مچی نا لوز آتے پوہ مہ
دا راجی آ مچی نا کوزه تے پوہ مہ
دا راجی آ مچی تہارے خلیک اک
دا راجی آ مچی چراغ ءِ اتیک اک
دا راجی آ مچی سولاے بقا نا
دا راجی آ مچی حوال ے بقا نا
دا راجی آ مچی كے بہ کین اواری
دا راجی آ مچی اتیک شہسواری
دا راجی آ مچی ٹی بولان خوئش ے
دا راجی آ مچی ٹی کہکان خوئش ے
دا راجی آ مچی ٹی میری نا ڈس ے
دا راجی آ مچی امیری نا ڈس ے
دا راجی آ مچی ٹی خزم آکو محفوظ
دا راجی آ مچی ٹی عزم آکو محفوظ
دا راجی آ مچی گوادر نا ہند آ
دا راجی آ مچی تو مادر نا سند آ
دا راجی آ مچی شہید آتا خاطر
دا راجی آ مچی نوید آتا خاطر
دا راجی آ مچی گہ شش تو نا پندے
دا راجی آ مچی ٹی خوئشی نا رندے
دا راجی آ مچی ننا راج انا ئے
دا راجی آ مچی ننا تاج انا ئے
دا راجی آ مچی ٹی زغم آکو بڑزا
دا راجی آ مچی ٹی عزم آکو بڑزا
دا راجی آ مچی غلامی نا بند ءِ
دا راجی آ مچی ٹی آجو نا گند ءِ
دا راجی آ مچی بلوچ آتا استان
دا راجی آ مچی کے محراب ءِ کربان