غزل
شاعر: کوہ دل بلوچ
چکّا گُدے کپہ ہُرے ایڑ ءِ درے بے شال ئتو
الپک نُمے گِھرک نُمے دُن کہ کرے بنگال ئتو
کرگز کُنو لاشہ چڑہ قبر ہم مرے نے قسمت ءِ
ریفو پُھلو چوٹو سرغ نے الپرو نا حال ئتو
ہڈہڈ ترَک یک یک اِرٹ سِلٹی حسابی ءُ اُرک
ابّو نما اٹکل کہ دا خوش ءِ چڑہ جنجال ئتو
کسفے بٹے کڈ ئٹ نُمے توتک سُرفتو ہچ نُمے
شاری برک سمُل ننا غیرت چھٹہ ہت بال ئتو
دا راج ئسے چُپ کَرّ سفا خنتے تفینو دا تنا
خوش ءُ روان ءُ لٹ لِخا خرما یلہ ءِ مال ئتو
مست ءُ تُرند ءُ دژمن ئس الّانُرے نُم ڈیھ ئٹی
رُم ءِ لتاڑک خلقت ءِ ہلّی برے دُن نال ئتو
نُم ای ڑنا ہکّل مبو دا قوم ئنا توکل مبو
گودی ئتو ہمراہ مبو کوہ دل وتن ابدال ئتو