اگہ کنتو اوار بی وائی سی نا باسک آتے گڑاس مس تو پاکستانی ریاست جوابدہ مرو۔ ڈاکٹر ماہ رنگ بلوچ

بلوچ یکجہتی کمیٹی نا راہشون ڈاکٹر ماہ رنگ بلوچ تینا بیان ئس شنگ کرسا پارینے کہ اسہ ہزار آن زیات بی وائی سی نا مُخ تف تے دزگیر کننگانے۔

او پارے کہ اگہ کنے یا بی وائی سی نا ایلو باسک آتے گڑاس مس تو دا نا ورندی پاکستانی ریاست آن ہلنگ مرو۔”

او پارے کہ 28 جولائی آ گوادر ئٹی بلوچ راجی مچی نا رد ئٹ پرایمن جلسہ کروئی اس، ریاست نا کنڈ آن تاغت کارمرز کرسا دادے توننگ نا کوشست کننگا۔ مُسہ دے ئٹی ننا اسہ ہزار نا کچ سنگت دزگیر کننگانے و اوفتا ہچو حوال اف کہ او اراڑے و امر ءُ۔

او پارے کہ 4 دے آن گوادر ئٹی کرفیو خلنگانے و نیٹ ورک بند ءِ۔ ڈیتھ اسکواڈ نا بندغ آک ہر گلی کوچہ ٹی لس مخلوق ءِ ہلِسہ خلنگ ءُ۔ گوادر تولوک برانز ئٹی ارٹمیکو وار ریک ڈاﺅن کننگانے۔ پاکستانی لشکر پرایمن برانزی تتون مذاکرات نا جاگہ غا اوفتیا بےدادی کرینے۔ ننے ہچ خبر اف کہ اخس بندغ دزگیر کننگانے و اخس ٹپی ءُ۔ برانز نا وختا بیران مروکا تا جونک جتا اسپتال آتیٹ تمانو ننے اوفتے ہُننگ نا ہم موکل اف۔

او پارے کہ ای خواست کیوہ کہ دا بلوچ زنک ایسری نا برخلاف مونا برسا بلوچ یکجہتی کمیٹی تون اوار سلر۔