زمان جان و ابوالحسن نا زوراکی ئٹ بیگواہی نا برخلاف سی پیک کسر آ تولوک برانز برجاء

الّمی خوانبو

بیگواہ زمان جان و ابوالحسن نا خاہوت نا پارہ غان ہوشاب نا ہند آ سی پیک کسر ءِ برانز ئٹ بند کننگانے۔

خاہوت نا ردئٹ بیگواہ زمان جان و ابوالحسن ءِ آجو کننگہ نئے گڑا برانز برجاء مرو۔

کسر نا بند مننگ نا سوب ہڑتوم آ پارہ غاتیان گاڑی تا قطار آک لگار۔

خاہوت نا ردئٹ زمان جان و ابوالحسن نا زوراکی ئٹ بیگواہی نا برخلاف ننا پارہ غان تروک مُسہ دے نا وخت اینو ایسر مس۔

خیال ئٹ مرے 16 دسمبر 2024 آ سپاھان نا مار زمان جان، رحمت نا مار ابوالحسن و بہرام نا مار الطاف زوراکی ئٹ بیگواہی نا گواچی کننگاسر۔ اِرا دے آن پد الطاف یلہ کننگا ولے زمان جان و ابوالحسن دائسکان بیگواہ ءُ۔

خاہوت نا پاننگ ءِ کہ نن 20 دسمبر آ اسہ پریس کانفرنس اس کریسن کہ ڈسٹرکٹ کونسل چیئرمین میر ہوتمان ننا بندغ آتے تینا اُرا غا خوائفسہ زوراکی ئٹ بیگواہ کرینے۔

دا پریس کانفرنس ئٹ نن مُسہ دے ئنا وخت تسوسن کہ اگہ مُسہ دے ئٹی ننا بندغ آک یلہ کننگتور گڑا نن تینا بروکا گامگیج ئنا پڑو کرون۔

اینو مُسہ دے پورہ مسنو دائسکان ننے ننا بندغ آتا بابت ہچ معلومداری تننگتنے اندا خاطران پگہ سی پیک کسر ءِ ہوشاب نا ہند آ تولوک برانز کریسہ بند کننگو۔ غٹ بندغ آتیان خواست کینہ کہ دا برانز ئٹ ننتون اوار مریر۔

پُوسکنا حوالک

کوئٹہ: اِرا خوانندہ پاکستانی لشکر نا دو آن بیگواہ

بلوچستان نا بنجائی شار کوئٹہ غان اِرا بلوچ خوانندہ، وہاب بلوچ و نذیر بلوچ نا زوراکی ئٹ بیگواہی نا...