بلوچ یکجہتی کمیٹی نا بنجائی کمیٹی نا باسک بیبرگ زہری و اونا ایلم حمل بلوچ ءِ پاکستانی فورسز زوراکی ئٹ بیگواہ کرینے ۔
بی وائی سی نا بنجائی کمیٹی نا باسک بیبرگ زہری و اونا ایلم ڈاکٹر حمل بلوچ ءِ پاکستانی فورسز نا دوتیان زوراکی ئٹ بیگواہی نا زیات مذمت کرینے ۔
بی وائی سی شابیتی احوال تریسہ پارے کہ 20 مارچ نا سہب کم و ود 30 : 5 بجہ ، ریاستی فورسز نا کارندہ غاک ، بیرہ پنی آ کاٶنٹر ٹیررازم ڈیپارٹمنٹ ( CTD ) کوئٹہ ٹی بیبرگ زہری نا اُرا غا چھاپہ خلیسہ اود و اونا ایلم ءِ زوراکی ئٹ دزگیر کریر ۔ بے دادی نا دا پاش انگا کاروائی ٹی پی ایچ ڈی ہولڈر ڈاکٹر حمل بلوچ ءِ ہم بیگواہ کریر ہرانا مسخت بلوچ آتا توار ءِ چھپ کرفنگ ئس ۔
بیان ئٹ پاننگا کہ بی وائی سی پاش وڑ ئٹ دا بیدس قانودی بیگواہی نا مذمت کیک و ہڑتمکا بندغ آتا زوت و بیدس شڑط یلہ کننگ نا خواست کیک ۔