بلوچستان نا ضلع کیچ ئنا تحصیل تمپ نا علاقہ بالیچاہ ئٹ پاکستانی لشکر چار شمبے و پنچ شمبے نا نیامیکو نن اسہ بندغ اسے زوراکی ئٹ بیگواہ کرے۔
بیگواہ مروک بندغ نا چاہنداری شوکت ولد ایوب نا پن ئٹ مسونے۔
23 اپریل نا نن کم و ود یانزدہ بجہ نا وخت پاکستانی لشکر شوکت ءِ اونا اُرا غان دزگیر کرے، ہراڑان گڈ او بیگواہ ءِ۔
ہندی حوالکار آتا پاننگ ءِ کہ شوکت تینا اُرا نا مون آ پکوڑا بہا کریسہ تینا خاہوت ءِ چلفسہ ئس۔ اودے بیگواہ مننگ ئٹ مُسہ دے گدرینگانو۔