فدائی سمعیہ نا پِنا
رنگ شونم کنول گل گلاب ئس اِنا
بیرفوک سمل ئس تینے ڈیھ کن ہُشا
شان بڑزا قلم نا او بف وس ئٹی
کے بیانی دنو کڑد اف کس ئٹی
سوگو انگا توار آ ہرا کہ برے
اف دنو کس تینا مرگ ئتو خمب الے
عشق ہانی مرید انت کٹا درے
عشق تو دادے سینگار عشق ۓ کرے
رند ئٹی وا اِنا تینا محبوب نا
بال تس بند بندے کرے دن وفا
تارمہ غاتے ڈیوا تا خوندی کرے
فلسفہ نظریہ تے او ہندی کرے
مر زراب آتا تؤش ئٹ جہان ئس خنا
شیر زالی آ جوزہ عمل صدخئی
عشق پرک نا خاخر تے ٹی جلوہی
حسن بالاد زیبائی نا کڑد ئتو
دیر سوچاسوسک پرک ئس دن بُرو
نرگس آ جان آ بمبے تینا تفے
دنکہ دریا تےتو ڈاک ئنا بانکرے
عشق ئنا سیم و دنگ آن تیر مس
آخری کو کلہو گڈی آ ساعت بس
عشق ئنا ابتدا انتہا ۓ خنا
الکرک سوک چٹ بمب ئنا مس ٹکا
پین جلوہ ندارہ او ڈیھ کن تخا
رقص کے عشق تینا دا شیدائی آ
پن بٹے ہر ہتم کڑد و زیبائی آ
تار تارا گداتے شرف بشخیسہ
دیر تینے ہشو ڈیھ ئکے مخیسہ
شارلی نا او ڈیک ئٹ ہتم تے ٹی بس
ماہلی ہم اونا رند ئٹی سنج مس
ماہکانی آ ندری سبخ تسونے
سملی ڈیھ ئنا ہانلو مسونے
عشق اندادے ھو عشق جان ۓ کنیک
کیک ٹکر بدن تے ھو ساہ ۓ الیک
صدخہ ۓ رند آتا مش تا میرو نما
میرو بلوچ