بلوچ آتا زوراکی ئٹ بیگواہیک برجاء ءُ، ساڑی آ حوال آتا رد ئٹ بلوچستان نا ضلع نصیر آباد آن تعلق داری تخوک اسہ بزغر اس و کراچی نا علاقہ لیاری آن تعلقداری تخوک خوانندہ ئسے پاکستانی لشکر دزگیر کریسہ زوراکی ئٹ بیگواہ کرینے۔
نصیر آباد نا ہندی محمد حسین ولد جمال خان ءِ 5 جولائی 2025 نا شام 7:00 بجہ غا اونا اُرا غان محکمہ انسداد دہشتگردی (سی ٹی ڈی) نا کارندہ غاک دزگیر کریسہ نادرست ہند آ دریر۔
خن خنوک شاہدی تا رد ئٹ سی ٹی ڈی نا کارندہ غاک اُرا غا چھاپہ خلیسہ محمد حسین ءِ زوراکی ئٹ تینتو اوار دریر۔
اندا وڑ 17 جولائی 2025 آ کراچی نا علاقہ لیاری آن تعلقداری تخوک زاہد ولد عبدالحمید ءِ انٹیلی جنس ایجنسی نا کارندہ غاک لیاری رکشہ اسٹاپ آن برمتہ کریر۔ زاہد او وخت تینا سواری تا ودار ئٹ ئس ہراتم سادہ پُچ بینوک کارندہ غاک او نا رکشہ تون اوار بیگواہ کریر تہ۔
زاہد خوانندہ ئسے ہرا تینا گزران اکن رکشتہ چلیفیکہ۔
زوراکی ئٹ بیگواہی آن گڈ ہڑتوم آتا ہچو حوال اس رسینگ تنے کہ او اراڑے و انت حالیت اسیٹی ءُ۔