عشق ئنا ہچو انتہا اس اف وطن نا عاشق آتا عشق بے مٹ ءِ
نوشت کار: بارگ بلوچ
دی بلوچستان پوسٹ
نن عشق ئنا بھاز دیہاڑ خوانانن و عشق ئنا ہچو کچ اس اف، عشق ءِ ہچو سیم اس اف عشق ہراتم سیم آن زیات مریک گڑا بندغ تینا ہوش و سار آن کائک اونا کل ہوش و سار ہمو گڑا ٹی مریک ہراڑتون اودے عشق و مابت ءِ بندغ تینا ہوش و سار آن ہنا گڑا سرپند مر کہ عشق سیم آتیان زیات گدرینگانے، عشق ہر گِڑا تو مننگ کیک دن کہ لیلا مجنوں نا عشق ءِ ہرا تین پہ تین مابت کریرہ بے کچ یا ننا تینا بلوچ آتا دنو بندغ ارے شئے مرید و ہانی نا عشق ئنا مثال ءِ ہرن یا مست توکلی و سمو نا عشق مرے دا انداخس تین پہ تین تون مابت کرینو ہرا دا عشق و مابت ئٹی گنوک مسنو اسٹ ایلو کن کسکنو ساہ تسنو۔
ولے ای اینو ہمو عاشق آتا ہیت ءِ کروٹ ہرا سرزمین کن ساہ تسنو سرزمین نا عشق ئٹ بارود نا جیکٹ بینسہ فدائی مسنو تینا است ءِ ٹکر ٹکر کرینو و گٹ ئنا دتر تسنو او قبر و کفن خنتنو ہرا بیدس لالچ بیدس ذات آن بلکن وطن بلوچستان نا آجوئی کن تینے ندر کرینو اوفتے انداخس عشق و مابت وطن تو مسنے ہرا بمب بارود آتے خمب کرینو مخیسہ ایسری کلہو ءِ راج ئکن تسنو ہرا تینا خوش آ زند و ایڑ لمہ باوہ ایلم سیال عزیز کل ءِ اِلانو یا ہمو عاشق ہرا وطن نا تینا آجوئی کن بروکا نسل آتا سرسہبی کن تینا فرزند چناتے ندر کرینو۔
دا ہمو ورناک ءُ ہرا وطن نا عشق ئٹی گنوک مسنو ہرا ساہ ءِ تینا دل دست آ تخانو ہرا مش ئٹی لنگڑ و ملاس نت شپاد بے نپاد مسنو دژمن تون جنگ تسنو او دا ڈکھ آتیٹی ہچو گلہ و شکائست کتنو بلکن عشق ئٹ وطن نا دا ڈکھ آتے ڈکھ سرپند متنو مخیسہ ساہ ءِ تسنو ہر ڈکھ و پند ءِ وطن نا خاطر آن جی کرینو دا ہمو ورناک ءُ ہرافتا وطن تون عشق ئنا ہچو کچ اس اف۔
دا ہمو سپاہیک ءُ ہرا تنخواہ، لالچ یا ذات اسیکن جنگ کننگ افس دا بلوچ راج بلوچ نا بروک آ زنک ہمو ایڑ لمہ غاتا خاطران تینا ذات و زند ءِ ہشانو ہرا ایڑ و لمہ غاتا کوپہ غاک گوئنگوک ءُ ہمو وطن نا نت شپاد آتا توار ءُ ہرا چنا ءِ عئید آ پُچ اف عئید آ چمپل اف داخس مڈی نا خواجہ ہرا دے روزگار اف او تینا اِرا وخت نا اِرغ کن باہتر ءِ۔
دا ہمو عشق ءِ ہرادے ننے فدائی درویش تس اِرا ہزار یانزدہ ٹی فدائی درویش نا فدائی کننگ دژمن آتے باہُتر کرے عشق ئنا جنون ءِ دھرتی ٹی درشان کرے و ورنا تے پارے تینا عشق ءِ دن درشان کبو ہرا عشق آن دژمن باہتر مرے جہان ہم خنہ کہ بلوچ زندہ ءُ راج ئسے بلوچ ءِ ہم سقراط آن بارو فلسفہ ارے فدائی درویش نا فدائی کننگ بلوچ ورنا تے غلامی نا تغ آن بیدار کرے۔
ایلو وطن تو عشق ئنا چیدہ ریحان ءِ وطن تو عشق ئنا چیدہ استاد اسلم و لمہ یاسمین ءِ، ریحان دا عشق، جہد و جنگ ئٹی پین رنگ درشان کرے ہیسک، ورنا تے جوزہ است بڈی بشخا استاد اسلم نا عشق اندن ءُ عشق اس مس ہرا عشق اسہ عاشق ئسے تینا مار ءِ فدائی کریفے و دلیری نا مثال مس، دا ہمو لیڈر ءِ دا ہمو وطن تون عشق ءِ ہرا تینا جغر نا ٹکر ءِ مخیسہ قربان کرے، تینا چنا ءِ تینا وطن نا بیرک ءِ بیرفے مخیسہ اودے موکل کرے۔
اسہ پارہ غان ہمو لمہ ءِ ہرا ننے ودی کیک ایلو پارہ غان ہمو سرزمین لمہ ءِ ہرا ننے مہر مابت ایتک و ننے تینا سینہ ٹی خمب کیک ننے دلیری و ہمت و است بڈی ایتک ننے بابو نوروز یا اسلمی ءُ کسہ بنفک۔ اسہ کنڈ لمہ یاسمین وطن نا آجوئی نا عشق ئٹی ایلو کنڈ تینا چنا ءِ ہرادے حد آن زیات لمہ مابت کیک ہراد آ لمہ یخ ءُ چرک اس ہم سگنگ کپک ولے وطن نا خاطران وطن نا عشق ئٹی تینا چنا ءِ رخصت کیک اودے است بڈی بشخک اودے تینا راجی بیرک ءِ بینفسہ اودے پائک ”ای نے وطن کن ندر کرینٹ“ بشخندہ غا خنتے تو رخصت کیک۔
دا ہمو عاشق آک ءُ ہرا بوپ آتیا خاچانو، ہرا ڈکھ ءِ تتنو کہ ڈکھ انت ئسے، ہرا پند آ اسہ گام اس خلتنو، ہرا جولائی ٹی اے سی تیا مسنو، ہرا یخ آتیٹی ہیٹر آتیا مسنو، ولے وطن نا عشق ئٹی او خل تیا خاچانو ہرا خل تے سر جاہ کرینو، و وطن نا عشق ئٹی ڈکھ آتے بخیرٹ کرینو ہرا چانڑدہ چانڑدہ گھنٹہ پند خلکنو ہرا جولائی نا باسن انگا تہوش ئٹی پند خلکنو ڈکھ ارفیسہ تینا مزل آ ہنانو دا ہمو وطن نا عاشق آک ءُ ہرا دسمبر جنوری فروری تا برف آتیٹی بزگر زرغون نا شم تیٹ مزل آ راہی مسنو مخیسہ۔
عشق اندنو گڑا ئسے ہرا اسہ لمہ ئسے اونا چنا آن جِتا کیک دا مثال ننا خن تا مون آن تخوک ءِ لمہ شاری نا، لمہ شاری نا عشق وطن تو انداخس سوگوْ مریک کہ لمہ شارلی تینا چنا تے مخیسہ بشخندہ ئٹ رخصت کیک، وطن نا عشق ئٹی بارود آتے سینہ غا تخک، دھرتی نا عشق ئٹی مخیسہ ندر مریک۔
لمہ یاسمین نا دلیری و وطن تون عشق اینو شارل نا دروشم ئٹ ننے رسینگک شارل گودی تینا اِرا چنا ءِ اِلیک و فدائی کیک لمہ یاسمین نا فکر و جوزہ ئٹ بلوچ شیرزال آتا دیہاڑ ءِ زیباؤ رنگ اس ایتک یا گودی سمعیہ نا فدائی جوزہ ئٹ یا کہ گودی ماہل نا دروشم ئٹ رسینگک، اینو ایڑ تینا ایلم تون ہم گام و اوار اسہ سنگر ٹی جنگ تیک ہرا ایلم تون اوار ہم گام سلیک دا جوزہ و است بڈی و وطن تون عشق ءِ لمہ یاسمین بشخا بلوچ شیرزال آتے۔
ای سلام پاوہ وطن نا عاشق آتے اوفتے دروت ہلیوہ تینا ہڑتوم آ خن تیٹ ہرا کنکہ و نیکہ سُم تے سگار جون ءِ بارود آتو خمب کریر و وطن نا عشق ئٹی اوفک مرگ ءِ شکست تسر و ہر وخت دیہاڑ نا پنہ مسر۔
چار بند ءُ وطن نا عاشق آتا پِن آ:
وطن نا عاشق آک فدائیک سلام نُمے
سنگت و نرمزار سپاہیک سلام نمے
اوفتا نت تا مش تیکہ ندر گوری مرینہ
جنگ جہد نما اسلمی آ کہانیک سلام نمے
دی بلوچستان پوسٹ: دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔