ای اُٹ ابکّہ تغان تمّانٹ ئک
مہر ئسے لوزا تیٹی خلّانٹ ئک
مول اتو بیرک اخّس زیبا اریر
ہوش و خیال ء قوم ئنا تینتو دریر
کونڈک مِلی ء چڑہ دا خیال کنا
شرف ء دا کٹّو اراتم شال کنا
حیران ء دشمن بریرہ نا گمان
قوم اتو تینا اریر او مہربان
سوچوہ وختس کسے اوفتیان خنیو
مہرٹی ای دوتے تا خنتیا تخیو
اوفتون اواری ننا قسمت مرو
دوتیٹی توفک بجہ بیرک مرو
ندر مریو قوم ئنا غمخوار تا ای
نتّا مشُِٹ ڈے ئنا دلدار تا ای
کر دعا زالان یارا تے خنیو
کاٹمے تینا اوتا نت تیا تخیو
زالان بلوچ