بلوچستان نا ضلع واشک نا علاقہ بسیمہ ٹی گیاوان ءُ ہند ئسے آن سم ئٹ خلوک 4 جون خننگانو ۔
پولیس نا پاننگ ءِ کہ ہندی بندغ آک بست و بند ءِ علاقہ ٹی 4 بے وارث جون آتا ساڑی مننگ نا بابت ئٹ احوال تسر ، پولیس ہند آ رسینگا و جون آتے ضلعی ہسپتال آ دننگانے ۔
پولیس ڈاکٹر آتا حوالہ تریسہ پارے کہ غٹ چار انگا جون آتیا بھاز آ سم ئنا نشان آک ئسر ، ہرا اوفتا کہنگ نا سوب جوڑ مسر۔
مرگ ئنا گواچی مروک آتا چاہنداری دائسکان متنے ، واہم بنائی احوال آتا ردئٹ او سوراب نا علاقہ آن تعلق تخارہ ۔
آزات ذرائع نا ردئٹ پن کروک بندغ آتے پاکستانی لشکر اسہ دروغ نا مون تس اسیٹ کسفینے واہم دانا پک کننگ دائسکان ارے ۔