بلوچستان نا ضلع خاران ئٹ سلہہ بند بندغ آک عدالت نا ماڑی ءِ خاخر تریسہ قاضی محمد جان بلوچ ءِ برمتہ کریر۔
حوال آتا رد ئٹ، خاران ئٹ سلہہ بند بندغ آتا بھلو کچ اس عدالت نا ماڑی ءِ پلویڑ کرے و اودے ہُشنگ آن گڈ قاضی جان محمد بلوچ ءِ برمتہ کننگا۔
یاتی مرے کہ بلوچستان ئٹ ساڑی آ دے تیٹ بھلا سرکاری افسر آتا برمتہ مننگ نا تدینی تیٹ ودکی خننگ اٹ بسونے۔ داڑان مالو ضلع کیچ نا علاقہ تمپ ئنا ڈپٹی کمشنر و ضلع زیارت نا ڈپٹی کمشنر ءِ مار ئتون اوار ہم برمتہ کننگاسس۔
تمپ ئنا ڈی سی نا برمتہ کننگ نا ذمہ واری ءِ بلوچستان لبریشن فرنٹ ارفیسوس ہرادے ولدا یلہ کننگا اندن زیارت ڈی سی مار ئتون اوار دسکان بیگواہ ءِ۔
اینو خاران تدینی نا ذمہ واری ءِ دائسکان کس ارفتنے۔