ڈیھ ئنا ہر مش تلارٹ رندے نا ای پٹوہ
پٹوہ ہی کو وُ سارٹ رندے نا ای پٹوہ
پٹ صحرا دشت جنگل چیل شم گٹاتیٹی
دا بروکا ہر بہارٹ رندے نا ای پٹوہ
گواڑخ او سُمبُل سمن نیلوفر آتا خلقٹی
پھلی آ دا مل غُزارٹ رندے نا ای پٹوہ
شال قہقان، یا کہ تینا زیبلا خضدار ئنا
ہرگلی، ہرکوچہ شارٹ رندے نا ای پٹوہ
پنچ دے نہ، پنچ تو نہ، نا ودارٹ سال اِنا
ایب کیب اٹ ہرسے پارٹ رندے نا ای پٹوہ
خنپرہ نادُروشُم کسے تو ہی اے مہروان
بیوسا خنتا ودارٹ رندے نا ای پٹوہ
تیرمہ نا تُرندا لیوارٹ روڈا ہی نیکے ہروک
با سُنگا دے تا لارٹ رندے نا ای پٹوہ
شکل آ بالاد نا اے زیبلا ہیتاتے نا ۔۔۔
نا مثال ئےہر دیارٹ، رندے نا ای پٹوہ
اف درک نا یار الیاس ہچ خنگپیسہ اسل
جُہد کارا تا کتارٹ رندے نا ای پٹوہ
سنگت الیاس بلوچ