بلوچستان نا علاقہ کولواہ و خاران آن لیویز فورس نا اسہ کارندہ تون اوار اِرا بندغ ءِ پاکستانی لشکر زوراکی ئٹ بیگواہ کرے۔
درو کولواہ نا علاقہ آشال نا ہندی رضائی ولد گزو ءِ پاکستانی لشکر فرنٹیئر کور زوراکی ئٹ بیگواہ کرے ہراڑان گڈ او نا ہچو ڈس اس رسینگتنے ۔
خاران آن کاؤنٹر ٹیررازم ڈیپارٹمنٹ (سی ٹی ڈی) و ڈھکوک ادارہ آتا کارندہ غاک اسہ ہندی لیویز کارندہ ئسے دزگیر کننگ آن گڈ زوراکی ئٹ بیگواہ کرینو۔ بیگواہ مروک کارندہ نا چاہنداری بشیر احمد کبدانی ولد حاجی محمد حسین کبدانی ہند خاران نا پن ئٹ مسونے۔
احوالکار آتا رد ئٹ نوزدہ اکتوبر نا نن کم و ود یانزدہ بجہ غا کارندہ غاک بشیر احمد نا اُراغا چھاپہ خلیسہ اودے دزگیر کننگ آن گڈ نادرست ہند آ کرے۔ خاہوت نا رد ئٹ کارندہ غاتا تعلقداری سی ٹی ڈی آن ئس۔
خاہوت نا پاننگ ءِ کہ تدینی ءِ پنچ دے گدرینگ آن گڈ ہم بشیر احمد نا ہچو حوال اس رسینگتنے۔ او خلیس پاش کرینو کہ بشیر احمد ءِ عدالت آن چپ دزگیر کننگانے۔