بلوچستان نا ضلع کیچ آن پاکستانی لشکر اِرا بندغ ءِ دزگیر کریسہ نادرست ہند آ سر کرینے۔
بیگواہ مروک بندغ تا چاہنداری یاسر ولد نعمت اللہ و ثناء اللہ ولد دین محمد نا پن تیٹ مسونے۔ ہڑتوم آک ضلع کیچ نا علاقہ تمپ سرنکن نا ہندی ءُ۔
خاہوت آتا رد ئٹ، یاسر ءِ کم و ود دہ دے مالو اُراغان دزگیر کننگا، ہندن ثناءاللہ ءِ دہ دے مالو تلار چیک پوسٹ آن دزگیر کننگا۔ ہڑتوم آ بندغ تا بیگواہی آن گڈ اوفتا خاہوت آتے ہچ وڑ ئنا حوال اس تا دوئی متنے۔
ثناءاللہ نا خاہوت والا پارینو کہ او ناجوڑی نا تینا علاج کن کراچی آ ہناسُس و واپس تینا علاقہ غا بننگ ئس کہ فورسز اودے دزگیر کرے۔