ضلع کیچ نا علاقہ ہوشاپ ئٹ پاکستانی لشکر استو ہندی آبادی آ مارٹر گولہ خلک ہرانا سوب پنچ چنا ٹپی مسرر، ہرافتیان اسٹ سہب نا وخت کذیت کرے۔
ٹپی تے دمدستی وڑ ئٹ تربت ٹیچنگ ہسپتال آ سر کننگا، ہراڑے اوفتے دوا دارو کننگا و مُستی کراچی کن رادہ کننگا۔
ہندی بندغ آتا رد ئٹ فورسز کیمپ نا پارہ غان اُرا تیا تینا مون سم کاری و مارٹر گولہ خلنگا ہرا نا سوب زالبول و چناک زہمی مسر۔
تربت ٹیچنگ ہسپتال نا اسہ ذمہ وار کارندہ اس ہم ہوشاپ ئٹ پنچ ٹپی چنا نا ہتنگ ءِ پک کرے۔
تدینی نا برخلاف ہندی مخلوق بھلا کسر ءِ تفیسہ برانز کننگ ءِ۔
اِرٹمی پارہ غان ہوشاپ ئٹ سلہہ بند بندغ آتا پارہ غان کسر آ ناکہ بندی، اسنیپ چیکنگ و سکیورٹی فورسز و سلہہ بند بندغ آتا نیام ئٹ سم کاری نا حوال آک ہم رسینگانو، واہم دا بابت ئٹ سرکاری حوالکار یا پولیس نا پارہ غان دسکان ہچو ہیت اس مونا بتنے۔