خڑینکی آ نے لمہ نا ۓ پٹ و بد دعا خلے
نے راجی آ نا جند ئنا کروکا بس گناہ خلے
نی نظریہ نا پن ٹی مکرو چم دغا ختا کرک
ڈغار ئتو تڑوکانے دروغ و نا دغا خلے
تینا دا چار لوظ ئٹی نی راج ءِ ریفسہ کرک
شہوری آ کتاب ئنا دا رنگ و نے ادا خلے
خِسکِّسا او بسنے امید ئسے نا پلّوا
نی کَٹّہ پن دا ایڑ ئنا چیہانٹ و نے صدا خلے
دا ٹپ ءِ ہلہ شُرِپہ ، دتر گلم کننگ ئٹے
نما دا دو نا ٹپ ئسے ملَم نمے دَوا خلے
اُلُس نا مونا پین ارے دوی نا شیفا پین ارے
ہزار رنگ ئٹی خدا ، نمے ننا خدا خلے
نوید بلوچ