بلوچستان نا ضلع مستونگ و نوشکی آن پنچ بندغ ءِ پاکستانی لشکر نا دو آن دزگیر کننگ آن گڈ نادرست ہند آتیا سر کننگ نا حوال آک رسینگانو۔ خاہوت آتا رد ئٹ اوفتے دزگیر مروک بندغ آتا بابت ئٹ دائسکان ہچو ڈس اس تننگ متنے۔
بیگواہ مروک آتا چاہنداری گل احمد ولد محمد وفا، سرفراز بلوچ ولد محمد، رؤف خان ولد محمد رفیق، محمد صالح ولد راز محمد و حزب اللہ ولد غلام قادر نا پن تیٹ مسونے۔
حوالکار آتا رد عمل سرفراز بلوچ ولد محمد، رؤف خان ولد محمد رفیق و محمد صالح ولد راز محمد ءِ ضلع نوشکی آن ہندن گل احمد ولد محمد وفا و حزب اللہ ولد غلام قادر ءِ ضلع مستونگ آن دزگیر کننگانے۔
بلوچستان ئٹ زوراکی ئٹ بیگواہی تا جیڑہ ءِ بھلو وخت ئسے آن بندغی حق آتا تنظیم و ہندی سیاسی مچی تا پارہ غان مون آ ہتنگسہ مسونے کہ اگہ اسہ بندغ ئسے دزگیر کننگے گڑا قانود نا رد ئٹ او نا دزگیری ءِ پاش کننگ مرے و خاہوت ءِ دمدستی وڑ آ پاننگ مرے۔