پنجگور ئٹ تدوکا ہفتہ نادرست سلہہ بند گاڑی سوار بندغ آک اسہ بندغ ئسے برمتہ کریسر، ہرانا جون اینو خننگانے۔
شابیتی حوال تا ردئٹ تدوکا ہفتہ آ پنجگور نا علاقہ خدابادان نا ہندی ورنا عبدالحلیم ءِ تراویح نماز آن پد نادرست سلہہ بند بندغ آک سلہہ نا زور آ ارفسہ نادرست ہند آ دریسر۔
حوالکار تا ردئٹ اینو عبدالحلیم نا جون پنجگور نا علاقہ سریکوران آن خننگانے۔
ہندی حوالکار تا ردئٹ برمتہ کروک آتا تعلق سرکاری مُخ تف سلہہ بند ٹولی، ہرا ہندی تلہ غا ”ڈیتھ اسکواڈ“ پاننگرہ، آن پاننگک۔
پنجگور ئٹ تدوکا اسہ توہ ئٹ دا ڈول نا تدینی تیٹ پاش ودکی خننگ ئٹ بسنے۔ ہندی حوالکار تا ردئٹ بیرہ تدوکا اسہ توہ ئٹ کم آن کم دوانزدہ آن زیات بندغ نا جونک جتا علاقہ تیان خننگانو۔
پاننگک کہ خننگوکا بھازی جونک ہمو بندغ آتا ئسر ہرا داکان مُست زوراکی ئٹ بیگواہی نا گواچی کننگاسر و بھلو وخت ئسے آن بیگواہ ئسر۔ دا تدینی تا چرجوئی علاقہ ئٹ ترند خُلیس و بھیم ئنا چاگڑد اس ودی کرینے۔