کراچی نا علاقہ فقیر کالونی، کلی عمر بلوچ آن حیدر بلوچ نا مار میر اقبال ءِ 2 اپریل 2026 نا ننکان 11:30 نا وخت آ پاکستانی ڈھکوک ادارہ غاک و کراچی رینجرز نا بھلو کچ اس اُرا نا دیوال تیان درکسہ دزگیر کریر۔
خاہوت نا ردئٹ او وخت آ خاہوت ءِ بھاز زہنی بیدادی نا گواچی کننگا و اُرا نا غٹ بندغ آتا موبائل فون تے پُلسہ دریر۔
خاہوت نا ردئٹ میر اقبال دائسکان بیگواہ ءِ و دائسکان اونا باروئٹ ہچو حوال اس تننگتنے۔ دا گام اسہ پاش ءُ زوراکی ئٹ بیگواہی ئسے و بندغی حق و بنداوہی شاری آزاتی تا پاش ءُ لتاڑ ئسے۔
خاہوت خواست کرینے کہ میر اقبال ءِ دمدستی یلہ کننگے و اونا رکھنگ ءِ باوری جوڑ کیر۔ نن جہانی بندغی حق آتا گل و ذمہ وار کوالخواہ تیان دمدستی پام و کاروائی کن ہم خواست کینہ۔